صباح الخير يا بنات رجيم الدلوعات الجميلات
انا جيبالكوا موضوع معرفش حد حطه قبل كدة ولا لاء بس يارب ميكونش مكرر
اولا الفكرة جاتلى لما نهولتى حبيبتى نزلت موضوع كيفية اهتمامها بنفسها من الأف للياء وكمان عشان انا زهقت من التجارب
ومنها الناجح والفاشل فليه مايكونش عندنا موضوع نعرف بيه خبرات بعض
فحبيت اعمل موضوع كل واحدة فى المنتدى تدخل تفيد وتستفيد
بتهتم ازاى بنفسها وبتستخدم ايه؟؟ جربت ايه وجاب نتيجة ؟؟وايه معجبهاش؟؟ واللى عاوزة تسأل عن ماسك حد جربه ولا لاء نفيدها بخبرتنا
ونتبادل الأراء والخبرات وبكدة هانريح نفسنا كتيييييييييييير اوى عشان اللى جرب حاجة وطلعت وحشة التانى ميجربهاش
والعكس اللى عجبتها حاجة تنصح بيها الأخرين
ايه رئيكوا فى الموضوع عاجبكوا ولا لا مستنية رئيكوا فى الموضوع
بصو يا بنات حبيت انقلكوا موضوع نهولتى هنا عشان تستفيدوا منه
وشكرا يا نهولتى لأنك اللى خلتينى اعمل الموضوع دا
بسبب موضوعك الجميييل اللى استفدت منه
السلام عليكم
راح احطلكم الطريقه الي بتبعها لنضاره جسمي كلو
اولا شعري
اغسله بشامبو فيشي وهو مفيد جدا و يحمي الشعر من التساقط كما انه يعطيكي لمعانا
استعمل كل مرتين بالاسبوع مصل فيشي للشعر للمحافظه على قوته وحيويته
اقوم بتدليك فروه الراس بزيت املا 3 مرات في الاسبوع
افرده عند النوم لكي يرتاح
ثانيا وجهي
كل صباح بعد غسله اقوم بتمرير قطعه من ماء الورد المثلج بحركات دائريه
قبل الخروج احط واقي شمس من uriage
اغسله عده مرات بصابون مرسيليا
اعيد تمرير قطعه الثلج قبل النوم
فهذا يعطيك احمرار الخدود وبريق بالبشره اذا داومتي
اقوم بعمليه ازاله الحبوب السوداء بمقشر من ايف روشي مره بالاسبوع
ثالثا جسمي
من غير الحمام اليومي فانا اقوم بعمل الحمام المغربي بالبيت مره في الاسبوع
و بعد الانتهاء من اي حمام
ادهن جسمي بدهن الوردلانه يعطيه نعومه بشره الاطفال كما انه مبيض جيد
قبل النوم اقوم بتدليكه جيدا باستعمال كريمه ثلاثيه المفعول تشد البشره تقويها وتخلصك من البشره الميته الكريمه اسمها
venuse
ازاله الشعر
اقوم بازاله الشعر بكريم veet للبشره الحساسه بمستخلص اللوز و اقوم بدهن البشره مباشره بزيت الزيتون و هدا لتلطيفها و غلق المسامات
الاسنان والفم
احرص على غسل الاسنان 3 مرات باليوم بالمعجون و تنضيفها بالفرشاه و الماء ان زاد الامر عن 3 مرات
الفم اضع عليه زبده الكاكاو للترطيب
الايدي و الاقدام
احرص على تقشير الاقدام مع كل حمام و تدليكهما مره باليوم
الايدي استعمل القفازات عند استعمال مواد التنضيف لكن عند القيام باعمال كالعجن فانا استعمل يدي اولا لاخراج الطاقه السلبيه و ثنيا لان مواد الاكل لا تضر
كما احرص على تمرير نصف حبه ليمون كنوع من التدليك
العطر
عند استعمالي للعطر يكون اول ما استعمله على الملابس الداخليه لانه يبقى فيها لوقت كبير خصوصا ادا كان اصلي
كما اني لا استعمله و بشرتي ساخنه بل اتركه الى ان تبرد واضع وراء الاذنين فقط
اتمنى ا ني قد افدتكم ببعض الاشياء من تجربتي الخاصه
في امان الله
ازيكو يا بنات
حبيت اجيب ليكوا انا كمان طريقة اهتمامى بنفسى
اولا شعرى
بغسل شعرى كل تلات ايام وبستخدم شامبوا ماى هير من ماى واى للشعر المصبوغ جميل جدا وشعرى اتحسن عليه كتير
ودى صورته
وبعمل حمام كريم بالكرياتين للشعر التالف مرة فى الأسبوع جميل جدا واحسن حاجة فيه انه مش بيوقع الشعر زى باقى حمامات الكريم واسمه رجينا
وبستخدم زيت املا بعد تنشيفه بالسيشوار على البارد
وباخد حبوب بنتوجار لأن شعرى بيتساقط الفترة دى وفعلا بيمنع التساقط
ثانيا وجهى بغسله يوميا بصابونة (كبريت) عشان حب الشباب وبعمله صنفرة مشمش كل
اسبوع وبعمله ماسك المفروض كل تلات ايام بس انا بكسل وبعمله كل اسبوع ولسة عملاه عشان العيد روعة
عبار عن
5حبوب ريفوا مع ردة ونصف معلقة نشا ومعلقة خميرة وملعقة عسل نحل ومعلقة ماء ورد ومعلقة لبن حليب ونصف ليمونة وقلبيهم جامد لحد ما
الريفو يخلص والردة مش بالمقادير حطى لحد ما تلاقيها مش خفيفة وسيبها على وجهك لمدة 20 دقيقة ومش مهم لو معندكيش حاجة من المقادير عادى
والنتييجة رهييييييييييييبة وجربيها وعمرك ماهتندمى
بتجنن وبعدين مش عاوزة افضل اشكر فيها تفتكرونى ببالغ انتوا جربوا وتعالوا قلولى النتيجة
وبجد دا احسن ماسك جربته وجميل جدا لحب الشباب
ويوميا بمرر قطنه مبلله باللبن على وجهى
الشفيف
بحط زبدة ككاو (لونا) بجوز الهند بس بجيبها الشفافة 
وبحط احيانا زيت الخروع على زيت الزيتون للشفايف تحفة
الرومش بستخدم زيت الخروع للرموش بدهن بيه رموشى يوميا قبل النوم والنتيجة هاتظهر بعد اسبوع واحد هاتشكى انك حاطة مسكرا بس هاتوا الزيت الأصلى
جسمى بصراحة مش بعمل اى حمام مغربى لأنى مش لاقيه شوفان خالص بيتباع هنا
بس كل فترة بانقع جسمى فى ميه دافيه فيها جلسرين وماء ورد وملح واوراق نعناع
وكعوب رجلى بعملها بالحجر وبعدين احط عليها قبل النوم زيت زيتون تتحول الى كعب طفل رضيع
والركب بعملها دلوقتى للسواد بكربونات الصوديوم سمعت عنها كتيييييير وبدئت اجربها
كف ايدى لونه غامق وسمعت عن خلطة عجيبة جدا ياريت اللى يعرف نتيجتها يقولى عشان اعرف استمر فيها ولا لاء
الخلطة هى من غير ما تضحكوا
انا من غلبى هجربها لأنى جربت حجات كتير ومفيش اى نتيجة
الخلطة عبار عن سمن نباتى ايوة سمنة نباتى تدهنى بيها كف ايدك وتلبسى شراب فيها وتنامى مستنية رئيكوا فيها يا بنات
انا خايفة اكتب مشاركة كبيرة وبعدين ماتظهرش انا عندى كلام كتيييييير هاقوله
بس هادخل تانى ولو مالقيت ردود بجد هازعل لأن ايدى وجعتنى من الكتابة
سلام يا بنوتات
موضوعك رائع حبيبتي ولا احلى …
ان شاء الله ارجع وقولك انا كيف اهتم بنفسي
شكرا حبيبتي على موضوعك الحلو
موضوع رائع وكتير حلو ….
وان شاء الله احط تجربتي قريبا
موضوع جميل جدا جدا
ومفيد فعلا انا استفدت بحاجات كتير من تجربه نهول
واستفدت كتير من تجربتك ملوكه بالذات الماسك انا من زمان نفسي في ماسك حلو للبشره هجربه ان شاء الله وادعي لك كمان شعري بعاني من سقوطه الايام دي بشكل بشع فهجرب طريقتك في العنايه بالشعر
انا جربت قبل العيد وصفه عجيبه كده عباره عن اني اجيب صبار واقشر منه الشوك بسكينه واضربه في الخلاط مع قليل من الماء الدافي او حتي الماء المغلي
اوعي تضربوه بشوكه لانه لو نزل علي جسمكم اثناء شطفه هيشوككم
وبعد غسل الشعر بالشامبو وشطفه بالماء احط الصبار عليه كأنه بلسم واتركه شويه وبعدين اغسله بماء بس
عملته مره واحده حسيت ان التساقط قل بنسبه 20 % من اول استخدام
هو لا له رائحه ولاشئ بس مشكلته ان بقايا الصبار ممكن تفضل شويه في الشعر زي بقايا الحنه كده
بس انا ناويه اواظب عليه لان الطريقه سهله وغير متعبه