اخواتي وحبايبى
يارب تكونوا بخير جميعا
ان شاء الله هنزل لكم النهارده كفتة غير الكفته اللى أتعودنا عليها
ودى كانت طريقة حماتى وأنا لطشتها منها
سهله وطعمها حلوه
تعمليها وتحطيها بالفريزر
تنفع غداء او عشاء وكمان لسندويتشات المدرسه
150 جرام لحمه مفرومه معصجة
بيضه
بقدونس مقطع
جبنه موتزاريللا او فلمنك(اختياري)
معلقه زبده
ملح فلفل كمون شطه
نسلق البطاطس بقشرها في مية وشويه ملح 3/4 سوي
ثم نبشرها بالمبشره ونضيف عليها كل المكونات
نصبعها كده
ثم نحطها في الدقيق ثم البيض ثم البقسماط
ونرصها فى طبق وعلى الفريزر لغاية لما تجمد شوية وبعدين فى كيس وتشيليها فى الفريزر لوقت الحاجة
ونقليها في زيت غزير ساخن ثم نهدئ النار حتي تستوي
ودي صوره ليها بعد ما استوت
يارب تعجبكم
جميله وسهله جدا وفعلا انا ساعات بعملها كده
وهي فعلا روعه جدا جدا وطعمها خرافه
نورتى موضوعى
ويارب دايما منورة الدنيا كلها
ويتهيالي طعمها كمااان
تسلم ايدك طريقة جديدة علي
واحلى تقيممممم لك
شكرا جزيلا لكلماتك الرقراقة
جزاك الله خير
ومليون شكر للتقييم
وفعلاً طريقة رائعة والطعم اروع انا مجربتها بس بالدجاج
وطبعاً طالما من عمايل ايدينك ياقمر بتكون اشهى واطيب
مشكورة لولو والشكر موصول لحماتك الله يعطيها العافية
واحلى تقييم وحالاً الوسام
