ازيكم يا بنات ؟ عساكم بخير !!
قصة حب ،،، ومش أي قصة حب !!!!
فعلا دي قصة حب غير كل القصص اللي احنا بنسمعها ،
روميو & جولييت ، قيس & ليلي ، عنتر & عابلة …. إلخ
دي قصة تانية خالص ..
وعلى عكس معظم القصص أو كلها ، القصة دي أبطالها مش بيعيشوا حياتهم في عذاب العشق والغرام ،،
ولا بتكون نهاية القصة نهاية درامية مأساوية ، بالفراق أو الانتحار أو عالأقل عذاب القلب ومرض نفسي ،،
لأ ، خالص !! القصة دي فعلا كل لحظة فيها سعادة وهنا وحب حقيقي ،
قصة أبطالها ديمن مرتاحين وبيعيشوا حياة العالم كله بيحسدهم عليها بجد !!
لانها وبكل بساطة ؛؛
قصة حب ،،، ومش أي قصة حب !!
الحب الحقيقي هو اللي فعلا بتحس في كل لحظة فيه بسعادة ومتعة ولذة ،،
مش عذاب وآلام وأوجاع ….. إلخ
يا ترى عرفتم القصة دي من أبطالها ؟؟؟
أو عالأقل إيه عنوانها ؟؟
يا بنات هو احنا ليه فاهمين حاجات كتير في حياتنا غلط ، مع إنها غالبًا بتكون من أساسيات حياتنا !!
حتى ( الحب والإخوة في الله ) فهمناها غلط للأسف !!!!
تخيلى لو كلنا عشنا مع بعض >> قصة حب << حب في الله !!
نحب بعض ، نود بعض ، نراعي مشاعر بعض ، نخاف على بعض ، نفدي بعض بأرواحنا وكل ما لينا !!
يا بنات بلاش الشعارات الكدابة والحب المزيف ده ،،
ياريت كلنا نخلص لله سبحانه في كل حاجة في حياتنا حتى مشاعرنا !!
كلنا بنقول وبنكتب ( أحبكم في الله ) بس يا ترى فعلا من القلب ؟
ولا أهو كلام تسالي وخلاص ؟؟ !!!
احنا لو فعلا بنحب يعض في الله بجد عمرنا ما هنزعل بعض ولا نجرح مشاعر بعض ،،
بالعكس والله يا بنات .. هنعيش فعلا حياة كل العالم هيحسدنا عليها .. في الدنيا والآخرة !!
هو انتى متخيله إن لما الحبيب ذكر المتحابين في الله في حديث ( السبعة ) كان بالسهولة اللي انتى متخيلاها !!
لو كان فعلا بالسهولة دي ما كانش ذكره جنب 6 حاجات كلها فعلا محتاجة مجاهدة النفس من نوع خاص !!
هو مش الصحابة رضوان الله عليهم كانوا بيحبو بعض في الله !!
واحنا زي مبنقول إنهم قدوتنا ، يعني هما قدوتنا في كل حاجة ؛؛
ولا احنا بنقتدي بيهم في حاجات وحاجات ؟؟
والله يا بنات احنا محتاجين نحب بعض بجد عشان ربنا مش أكتر !!
محتاجين نحب بعض بطريقة الصحابة والتابعين ،،
بطريقة أبو بكر وعمر وعبد الرحمن بن عوف وسعد … وكل الصحابة !!
لو احنا بنحب بعض زي مبنقول ما كانتش أمتنا وصلت للدرجة دي من الهوان والله !!
فعلا يا بنات !! والله حاسه إني هبكي وأنا بكتب !!
طيب لو انتى بتحبى إخوانك المسلمين في الله بجد ،، بتدعي لاخوانك في غزة – فك الله أسرها – ؟
بتدعيلهم في كل مكان على وش الأرض ؟ ولا احنا بتوع كلام وخلاص ؟؟!!
أنا فاكره إن مرة الشيخ حسان الله يحفظه بعد ما انتهى من الدرس والصلاة وقّف كل اللي ف المسجد وسألهم :
أستحلفكم بالله حد فيكم دعا في صلاته لاخوانه المسلمين في فلسطين ؟
للأسف محدش رد ، فقال الشيخ :
أمة بخيلة على نفسها بالدعاء ، إزاي ربنا ينصرها ؟
قصة حب ،، ومش أي قصة حب !!!
فكرى في كلامي كويس ، واقفى مع نفسك وقفة اصدقها عشان تصدقك !!
اخلصى في حبك ومشاعرك تجاة إخوانك وكل اللي حواليك !!!
يا ريت كلنا نحب بعض .. بس نحب بعض بجد !!
لانها
.
.
قصة حب ،، نهايتها الجنــــــــــــــــــــة
عرفتى ليه هي مش زي أي قصة حب ؟
.
.
.
يشهد الله أني أحبكم في الله
