صباحكم /مساكم خير و سعادة
كيفكم يا احلى بنات و مشرفات منتدانا الغالي
هي اول مشاركاتي معكم ضمن حملة الابداع …وكمان اول مرة بصور اكلاتي فيارب الموضوع يعجبكم جملة و تفصيلا…..
الاطباق اللي جايبتها اليوم خفيفة و بتنفع فطور او عشا…..
و بصراحة انا كنت محتارة شو اعمل عشا….فشوفوا شو عملت…..
اول طبق…عجة البيض بس بطريقة مبتكرة شوي
مقادير عجة البيض:
عدد 4 بيض…..ا بصلة حجم صغير…..ا فص توم …..ا حبة بندورة…..ا حبة فلفل اخضر….شوية بسطرمة…..عدد 3 ملاعق حليب
جبنة تشيدر مبشورة……ملح +فلفل اسود+نعناع اخضر يابس و طبعا حسب الرغبة
طبعا انا فرمت كل الخضار ناعم شوي متل ما شايفين في الصورة…….
اول شي بنخفق البيض كويس كتير حتى يتماسك و بعدين بنضيف الحليب و نخفق
و بعدين بنضيف كل المكونات للبيض و نخفق حتى يصبح المزيج متجانس
بعدين بنجيب قالب الكب كيك ….. وبندهنه بالزيت او بزبدة…انا دهنت زبدة و بعدين بنصب الخليط في القوالب متل الصورة
و طبعا انا عملت عالقد منشان ما يزيد…….و بندخل الصينية عالفرن على حرارة 180 لمدة 10 دقايق او حتى تستوي
يارب تكون عجبتكم……..
و عملت معها شوية جبنة قريش و بطاطا مقلية و باتنجان مقلي بصوص البندورة جبنة على الوش
و كمان شوية سيزر سالاد……طريقة الصوص….
عدد 2 ملعقة مايونيز….ا ملعقة مسطردة…….2 ملعقة خل و انا استعملت البلسميك…..4 ملاعق زيت زيتون …1 فص توم …ملح +فلفل
اول شي بنفرم التوم ناعم كتير …و نضع المايونيز و الماسترد و الخل و نخفق كويس و نضيف الزيت شوي شوي
و نضيف الملح والفلفل ونخفق حتى يتكون مزيج تقيل و متجانس
اسفة طلعت مايلة…..لا تواخذوني
و نحضر الخس او الكبوتشي نغسله و نقطعه و نحطه في الطبق و نضيف الصوص و كمان قطع التوست المحمص
يارب تعجبكم…………….
وهيدا شكل الاطباق النهائي
لو عجبكم يا حلوين……لا تنسوا التقييم
طبعا لو سمحتوا
ماشاء الله
شكرا حبيبتي
تسلمي كلو بيشهي
خصوصا الاومليت المبتكره عجبتني كتييييير
راح اجربها بادن الله
في انتظار الابداااااااعات
و الله جوعتيني
و الف مبرووووك الوسام
اخدت الاطباق و رايحه اجيب الوسام
يا سلام عليك
حفظك الله
مبرووووووك الوسام و التقييم
في انتظار مشاركاتك 
ايه الجمال ده كله
الاكل جميل جدا جدا
تسلم الايادى اختى
فى انتظار المزيد من اكلاتك الشهيه 🙂
تســــــــــــــــــــــــلم ايدك حبيبتي
اطباق شهية وجميـــــــــــــــــــــــــــــــلة
اني عجبتني طريقة عمل العجة طريقة جديدة وحلوة
اني احب العجة وتعلمت كيف اسويها
لاني اكلتها بحلب وعملوها بطريقتها المعروفة
وايضا شهية
جزاك الله خيرا