منقول
السلام عليكم ورحمة الله وبركاته
مساء/صباح النور والسرور عالبنات الحلوين 
شحالكن حبيباتي
ان شاء الله بخير
وكيفكن مع هالاجواء الباريسيه
شوي برد وشوي حر
وزكـــــــــام وكحه <<هلكتنا
الله يعين
حبايبي بتقولن هاذي داخله تشكى ولاحرارتها مرتفعه ولاشنو قصتها
اناجيتنكم اليوم ومعاي لكم موضوع من تأليفي وأختراااعي<<اوووخس يالمخترعه
انا بتكلم لكم عن كريم رووووووعه
وزي ماهو مكتوب بالعنوان كريم الجلسوليد
وهاذي صورته للي مايعروفنه وما اتوقع انوو فيه احد مايعرفه
اولا-فوائده العامه :
يبيض وينعم البشره ويحافظ عليها
ثانيا-شنو استعمالته ياهنووو<<بكيفي ادلع نفسي خخخخخخ
وكيف استفدتي منه :
1-استعماله كمقشر قبل الشور :
بقولكم كيف
تاخذين صحن وتحطين فيه على اللي يكفي جسمك
كميه من كريم الجلسوليد+نصف ليمونه
وتخلطييينهم سوا
وبعدين دهني فيها جسمك عدل
وخليها على جسمك ساعه اوساعتين
وبعدين لما تدخلين الحمام الله يكرمكم ترشين على جسمك شوي مويه بس شوووي وبعدين تاخذين السكر وتفكرين جسمك وبعدين غسلي جسمك بشور جل
وشوفي كيف النعووومه
والنقطه الاهم هي الترطيب بعد الشووور مهمممم
لانك لومارطبتيه وتركتيه جااف بيسود جسمك من الجفاف
——————————————————
2-نستخدمه بعد الشور:
ممكن اننا نستخدمه بعد الشور كمرطب للجسم وخصوصا بعد الحمام المغربي
والطريقه هي
تجيبين لك مسك مبشوور وتنقعينه بمويه حاره
ليييين يذووب وبعدين تخلطينه مع شوي جلسوليد وتدهنين به جسمك وشوووفي كيف الريحه والنعوووومه وغير كذا البياااض لانه بيحافظ على بشرتك 
————————————————-
3-تقشير ومبيض للركب والاكواع :
اخلطي جلسوليد + زيت لوز+فكس او فقس بالعامي
وكليوم اتدهني فيها ركبك واكواعك ولفيها ونامي
والصباح قومي وافركيها بسكر مع ليمون
وبعدها رطبيها بأي كريم مرطب
بتفتح عندك الركب والاكواع في اسبووعين بالكثير
وهاذي صورت الفكس<<الصوره ملطووشه من عمنا قوقل
—————————————————-
4-خلطه للجسم تبيضه وتنعمه وتفتح المناطق الداكنه :
صابونة غار مبشوره+صابونة كركم مبشوره +ماء ورد+كريم جليسوليد
صابونة الغار
صابونة الكركم
وبكميات متساويه
طبعا الصابون تبشرينه من الليل وتنقعينه بماء حار لما الصباح
وبعدين تضيفين له الحاجات الثانيه
وتخلينها على جسمك ساعتين واذا تبين تنامين فيها احسن
والصبح لما تصحين ترشين جسمك بشوي مويه وبعدين تاخذين سكر وتفركككين جسسسمك
وشوفي كيف النعوومه والبياض والنظافه
طبعا ياحبيباتي الكميه انتي اللي تختارينها بس اهم شي بحجم متساوي
هاذا كل اللي عندي
ومن تجاربي
اتمنى تكوون افادتكم
محبتكم
هنـــــاي
🙂
منورين حبيباتي
تسلمي حبيبتي على الافاده 