ازيكم ياقمرات واحشتوووووووووووووونى
عايزة اقولكوا على حركة بعملها لما الشامبو مش بيكون عاجبنى
ويارب ماتكون قديمة
هقولك ياستى انا كذا مرة احب اغير نوع الشامبو بتاعى واروح اشترى اى نوع جديد ويعجبنى شكلة من برة لكن ماقولكيش بيبقى منظر وريحة عا الفاضى
طب اية هرمية؟
لالالالالالالالا طبعا هو احنا بنلاقى الفلوس بالساهل
طب اية هيرجع ؟
طبعا ماينفعش
اقولك أنا
بما ان الحاجة أم الاختراع
قولت بقى لازم ياأمورة تشغلى مخك شوية وتشوفيلوة اى استخدام بدل ماهو مركون كدة عارفين بعمل بية اية
اولا :بغسل بية الطرح والعبايات السودة بتاعتى عشان الاريال بيجيرهم واللون الاسود مش بيبقى حلو
فالشامبو والله عن تجربة بيخلى اللون الاسود زى ماهو ومش بيفتح ولابيتغير لونة ابدا وبيخلى ريحة الطرح جميلة وبدل مانشترى كومقورت وندفع فية دم قلبنا
ثانيا:عارفين باخديجى ربع كوباية وابشر عليها صابونة واقعد اقلب جامد ويبقى عندى ولااجدعها liquid soap
ثالثا:لوعندك بقعة دم حطى عليها شوية شامبو هتلاقيها طلعت فى ثانية
رابعا:لو جوزك بقى معجون الحلاقة بتاعة خلص
هقولك الافتكاسة دى حطى نص كوباية شامبو واخلطيهم مع نص كوباية بلسم ويبقى عندة اجدعها كريم حلاقة ومن اختراعك
واخييييييييييييييرا لوعايزة تنضفى الالوميتال بتاعك وبالذات بقى لو باللون الفضى او حوض المطبخ والحنافيات حطى شوية شامبو وعليهم شوية بيكربونات صوديوم واتفرجى على اللمعان
لو عجبكم موضوعى
ماتنسوش التقيييييييييييييييييييييييييييم
بحبكم فى الله
جزاك الله خيرًا أختي الغالية
طرح مميز
لاحرمنا جديدك المتميز دوماً
نورتووووووووووونى
نورتينى