طريقة ميك اب {رمادي} مميز 2024.

:

،

:

نبدأ بصورة اللوك

طبعا من بعد ما تكون البشره جاهزه لاستقبال الميك اب ..

ابتديت برش fix+ من ماك(1) وهو عباره عن مرطب ومثبت للمكياج استخدمه قبل وبعد الميك اب .

بعدها استخدمت المرطب الخاص لتحت العين من لانكوم (2)

(مرطب ومعالج للإنتفاخ والسواد ومضئ للمنطقه ) .

وبعدها استخدمت مرطب البشره من لانكوم (3)..

بعد ماخلطت معاه نقط من باعث الاشراق من جيفنشي(4)( BLANC PARFAIT).

ولا تستكثرون الخطوات التحضيريه للبشره( ايا كانت خطواتك ) لأنها اهم من المكياج نفسه وهي اساس المكياج الناجح .

نبدأ بالأساس ،

وزعت الكونسيلر من لانكوم (1)عالمنطقه المحيطه للعين ..

وبعده استخدمت اساس سائل ماركة (سيسلي) (2)على كامل البشره وثبته بالبودره المضغوطه من لانكوم(3) .

وزعت كميه من البودره الحره تحت العين حتى تبقى هالمنطقه نظيفه من تناثر الشدو .

استخدمت شادو ( IDOL EYES AC6) من ماك لونه رمادي فضي وفيه لمعه حلوه ..

وهذي صوره اقرب للون بالفلاش..

(درجة اللون نفس الدرجه المستخدمه في صورة اللوك ).

وزعته على كامل منطقة الجفن المتحرك والثابت بعد ما رشيت الفرشه بالمثبت من ماك + fix..

رشيته لانه يعطيني نفس اللون الموجود في العلبه بنفس اللمعه الموجوده هذا غير انه يثبت اللون.

ايضا وزعت نفس الشدوتحت العين باستخدام فرشه (1) ..

وسحبت اللون للخارج مثل ماهو موضح في الصوره ..

مع تمويه جميع الحدودباستخدام فرشة الدمج (2).

استخدمت اضائة فورايفر( star powder) تحت الحاجب(1) .

والدايموند باودر( N2) من فورايفر (2) (اختياري ) استخدمه احيانا على حسب المناسبه ..

وراح يكون في المنطقه الموضحه بدائره في الصوره ولو ركزتو بتلاحظون انه مستخدم في الصوره .

رتبت حواجبي ورسمتهم بشدو الحواجب من بودي شوب ..

وبعدها ازلت البودره الي كنت حاطتها تحت العين .

رسمت عيني بالكحل الاسود الجاف(1) من لانكوم من الداخل وعلى كامل منابت الرموش..

وبالايلاينر السائل(2)(ARTLINER )من لانكوم رسمت العين بخط رفيع ..

وهذي طريقتي اللي اعتمدها لرسمه دقييقه ومرتتبه ..

ماعليكم من الابداعات الفوتوشوبيه خخخخ ..مجرد محاوله مني لايصال الفكره ..

ابدا برسم العين من فوق ..

وبعدها اكمل الرسمه من تحت ..

واخيرا اعدل الزوايا واعبي العين من الداخل بالقلم الاسود الجاف بحيث يكون مرتب بدون فراغات ..

ننتقل للرموش اول خطوه كبستهم وبعدها كثفتهم بمسكرة ديور شو(4) ..

واخيرا المسكرا الخطييره مسكرة لانكوم ( FATALE)اللي تكون مثل المشط(3) ..

تمشط رموشك رمش رمش ، ونتايجها خطيره لو استخدمتيها صح ..

اول ما اشتريتها ما كنت اعرف استخدمها وكانت تللصق رموشي ..

بس من يوم ماعرفت لها صرت ما استغني عنها ..

وطريقتها بكل بساطه انك تخلينها تتغلغل وسط الرموش مع تحريكها يمين ويسار وانتي تسحبينها لبرى طبعا ..

وهذي صوره اقرب للفرشه المشط ..

معلومه : الاعواد هذي حلوه ومريحه في تعديل رسمت العين هي من ماك وتجي مثل اعواد الاذن لكن مستدقه من احد الاطرف..