كل سنة وأنتم بألف خير وصحة
النهارده عملت
عاشوره والطريقة دى قديمة جدا وهى الاصلية حماتى هى اللى معلمهانى
المقادير:
ربع كيلو قمح مقشور
6 ملاعق كبيرة سكر
كوبايتين ونصف لبن حليب
كيس فانيليا
ملعقتين كبار نشا
مكسرات للتزيين وممكن معاهم قرفة
اول حاجة هننقع القمح ساعتين قبل مانسلقه وبعدها نسلقه بس بعد 10
دقايق نرمى مية السلق ونحط ميه جديدة لأن هيبقى لونها اصفر ومش
حلوة
هيستوى بعد ساعة تقريبا ودى صورته وهو بيتسلق
بعد مايستوى هناخد حوالى معلقتين كبار نشبلهم فى طبق على جنب
بعد كده نضرب اللى استوت بالخلاط اليدوى أو بالخلاط العادى
وهبقى بالشكل ده
بعد كده نصفيهم
بعد كده نضيفلهم نص كمية اللبن يعنى كوباية وربع ونضيفلهم السكر ونقلب
ونرجعهم تانى ع النار ونسيبهم يغلو واحنا بنقلبهم وممكن نغطى عليهم المهم انهم يغلو
هنجيب بقية كمية اللبن ونضيفلها النشا ونقلبهم
نضيف الفانيليا
فى اثناء واحنا بنعمل كده هيكون القمح المخلوط باللبن اللى
سبناه ع النار غلى هنضيفله اللبن بالنشا مع التقليب المستمر عشان النشا
متكلكعش
بعد كده هنحطله القمح الصحيح اللى سبناه فى الاول فى طبق على جنب
ونقلب لمدة دقيقة واظن باين من شكله انه بقى غليظ جاهز على الغرف
ده الشكل النهائى
يارب تعجبكم
للاسف مش عندي قمح دلوقت …. كنت قمت عملتها
اول ما اجيب القمح ان شاء الله هعملها وانزلها في التطبيقات
شكرا لك غاليتي
تقبلي مروري المتواضع وتقييمي
دمت بود
كان نفسي اعرف كيف بتتعمل
واخيرا حصلي الشرف
تسلم الايادي
واكبر تقييم يا قمر
للاسف مش عندي قمح دلوقت …. كنت قمت عملتها
اول ما اجيب القمح ان شاء الله هعملها وانزلها في التطبيقات
شكرا لك غاليتي
تقبلي مروري المتواضع وتقييمي
دمت بود
حبيبتى
والله عندى قمح كتير لو أعرف عنوانك كنت وصلته لغاية البيت
شرفتينى ونورتى موضوعى ياحبيبة القلوب
مرورك زاد موضوعى جمال وأكيد التقييم
جزاك الله خير
كان نفسي اعرف كيف بتتعمل
واخيرا حصلي الشرف
تسلم الايادي
واكبر تقييم يا قمر
ياقلبى
أنا اللى حصل لى الشرف بوجودك وردك الطيب
تسلمى ياغالية
ويارب منورة مواضيعى دايما
تسلم الايادي