السلام عليكم ورحمة الله وبركاته
ادخل في الموضوع مباشرة
الي اخت كبيرة في العمر تقدم الها شاب اكبر منها بسنتين
مش متزوج ، وحابب يرتبط في اختي ، بس عنده اعاقة من الصغر
لكنها مش وراثة ، اجته حمى وهو صغير ، افقدته سمعه ونطقه
يعني بالعربي الشب عنده اعاقة بالسمع والنطق
لا يسمع ولا يتكلم
بس الشب حلو كثييير ومتدين ومؤدب
كلما يروح على وحده علشان يخطبها ترفضه
واختي محتارة ، انها تغضب الله وانها متكبره عليها لاعاقته
لكن في نفس الوقت حزنانة عليها وما بدها تحسسه انه هي ما بدها اياه وشب ما شاء الله عليه جميل جداً
حكيتلها صلي استخارة وما بعرف اترك الامر لله
بس انتوا ، لو كنتي بمكانها شو بتعملي بتوافقي ولا لأ
ما بعرف ايش رأيكم اخواتي
انا مع الاخت نيشان..
خليها تجربو فترة خطوبه … لو عرفت كيف تتعامل معاه وعجبها تتوكل على الله..
وبعدين هي ما بتعرف مش يمكن ربنا كاتبلها خير معاه..
وخلي ابوكي كمان يسال عنو وعن شغلو وعن عيلتو لو مناسب مافيها غلط..
بالعكس ستره ئلها وخير..
وبالتوفيق
حبيبتي انت حكيتي بدها تستخير
خليها تستخير وان شاء الله ربنا راح يوفقها للخير
لانه لا خيره الا فيما اختاره الله
اكيد ربنا راح يخنار الها الاحسن وصدقيني بعد الاستخاره راح يصير كل شي خير
وما تقولي لو انتي مكانها شو بتعملي لان كل انسان عن انسان بيفرق وبالاخير احنا ما اتحطينا بهيك موقف ، يعني الافضل انها تصلي الاستخاره وتوكل امرها كلوا لله والله راح يختار الها الاحسن والافضل ان شاء الله
ولن استطيع ان ااقلم نفسي بالعيش مع انسان لا يتكلم ولا يسمع
ارفض ورفضي يكون لله لان الله لا يرضى ان يعيش الانسان حياه نادم عليها بعدين
ويمكن ااثم لسخطي ولاحساسي بالفشل
لكن لو عندها المقدره بالتعايش وتعلم لغته وتدبر امورها بكيفية التعايش معه بحال عدم سماعه لها
فتتوكل على الله وتوافق خصوصا انه صاحب دين وسيخاف الله فيها
وهي تكون له عون
ربي يوفقها ويختار لها الطيب
فاذا هي ارتاحتلو مش غلط يكون في فترة تعارف وربنا يجيبلها ويجيبلو الخير وبتعرفش ربنا قادر انه يرجع يسمع ويتكلم وكتير رجال بحكو وبسمعو وبتتمنى زوجاتهم من قلة دينهم وتعاملهم السيء لو يسكتوا
ولكن الموضوع فعلا يحتاج الى تعارف واهم شي عدم الشفقه لانه هاي حياه طويله اذا ارتاحتلو اه بس شفقت عليه ما توافق احسن الها والو وربنا يوفقكم