كيف حالكم ؟؟؟؟
ان شاء الله بخير
اليوم عملت رائعه من روائع مطبخى وحبيت اتشرف بتقييمكم واراءكم الجميله
سيقان الدجاج المغربيه
هو طبق مغربى الاصل والمطبخ المغربى بيمتاز بنكهاته الرائعه والغريبه فى نفس الوقت
يلا ندخل فى صلب الموضوع
المقادير :
سيقان دجاج او دجاج مقطع حسب الرغبه
بقدونس ومعدونس هههه (كزبرة خضرا باللغه المغربيه )
بصل مفروم
ثوم مفروم
زنجبيل اخضر مفروم
صلصه طماطم او طماطم مكعبات
زيتون اخضر شرائح او منزوع النواه
ملعقه زبده
ملعقتين زيت زيتون او ذرة ((يستحب الزيتون ))
رشه زعفران
توابل
الطبق ده بيحب التوابل جدا
قرفه ,فلفل اسود ,كركم ,زنجبيل مطحون , كارى اللى شرحناه قبل كده ,فلفل احمر كتييييير او حسب الرغبه
نيجى للطريقه بئا
اولا بتجيبى قدر وتحطيه على النار وتحطى الزبده والزيت لما يسخن تحطى البصل المفروم والثوم
وتقلبى
وبعدين بتضيفى الزنجبيل الاخضر وتقلبى وبعدين تضيفى التوابل والبهارات بتاعتك ما عدا الزعفران
وتقلبى
وبعدين تضيفى الطماطم
ومش هقولك على الريحه بتاخد العقل 
وبعدين بنضيف البقدونس والكزبرة الخضرا وتقلبى وتظبطى الملح بس تخليه ناقص ملح
تخليه دقيقتين تتسبك مع بعض وبعدين تضيفى السيقان بتاعت الدجاج
وتقلبى بئا دقيقتين وبعدين تضيفى كوب ماء وتغطيه وتخليه يتسبك حوالى دقيقتين او 3 دقائق على نار متوسطه
لحد ما يبقى منظرة كده 
بتضيفى هنا الزعفران رشه خفيفه بس مع معلقه ماء
وبعدين بتخليه دقيقه ينسجم مع بعض وبعدين تطلعى السيقان من المرقه دى وتخليها فى طبق لوحدها تبرد شويه
وبعدين تضيفى الزيتون الاخضر على المرقه
وتقلبى وتخليه دقيقه او اقل من دقيقه على النار وبعدين ترفعيه من على النار خلاص
اما بالنسبه للسيقان بترصيها فى صينيه وتدهنيها بخليط من الزعفران وعصرة ليمون ومعلقه من نفس المرق او الصلصه اللى احنا عملناها
وبيبقى شكله كده
وتدخليه الفرن حوالى ربع ساعه ليحمر الجزء اللى فوق
وتطلع بالمنظر ده
كده تبقى خلصتى الطبق بالهنا والشفا باقى التقديم
انا عملت معاه فاصوليا بيضا او لوبيا زى ماتسموها وارز ابيض وسلطه خضرا
وده شكل الطبق النهائى بس ده لفرد واحد
واخيرا تقبلوا منى خالص احترامى وودى لكن جميعا
استنوا قبل لا تطلعوا
صلى الله عليه وسلم
يلا بئا مع السلامه
جميل جدا وسهل جدا جدا
تقبلى تقييمى
جميل جدا وسهل جدا جدا
تقبلى تقييمى
نورتينى يا احلى هنا وتسلمى على التقييم
الفن فى الطبيخ هو انها تكون اكله سهله ورائعه مش لازم تكون خطوات كتير ومعقده عشان تطلع حلوة
تسلم ايدك حبيبتي
رووووووعة
مبروك الوسام و لك ودي و تقييمي
ماشاء الله شكل الطبق رائع واكيد طعمه اروع وازكى
بارك الله فيك حبيبتي والله يعطيك العافيه على ماقدمتي ياغاليه
لا حرمنا الله من ابداعاتك يالغلا احلى تقييم لعيونك
تسلم الاياااااااااادى حبيبتى على الوصفة الراااائعة..
ما شاء الله عجبتنى كتير و ان شاء الله اجربها..
بانتظار جديدك المميز..
حبى و تقييمى لك حبيبتى..