ساعدوني ياخبيرات . كيف اعود بنتي على شغل البيت 2024.

السلام عليكم
مشكلتي مع ابنتي التي اصفها بانها مهملة وكسولة وتحب النوم طوال اليوم وتكرررررررررررررررره كره شديد اعمال المنزل
بالبداية بقولكم عمر بنتي 16 سنة بثالث متوسط
طبعا كان عندي شغالة من يوم هي صغيرة لين العام الماضي وهذه اول سنة نكون بدون شغالة وتوبة ماراح اجيب ثاني بعد اللي شفته من المعاناة
عندي بنت صغيرة 10 سنوات الحمدللة ماتعبت معها ماشية تتعلم معي وتسمع كلامي معاناتي مع الكبيرة ابدا ماتعرف تسوي شئ ولا تبغى تعرف
اغراضها المدرسية مرمية اذا اكلت او شربت ترمي الصحون وراها كل اغراضها الشخصية مرمية دولاب ثيابها لما افتحه اموت من القهر حوسة ولخبطة اذا اخذت شئ ماترجعه لمكانه القاه بالارض بكلها بالحمام مرمية بعد ماتتسبح
واذا ناديتها ترد علي نسيت
لي تقريبا خمس شهور وراها وراها بس احسها ملت وطفشت مني وتصيح تسمي شغل البيت كرف وانها ماتبي تصير خدامة
انا عارفة انها غلطتي ماعودتها من صغرها بس ابي ابدا معها من الان واسنعها
مابيها تنظف البيت وتطبخ لانه متاكدة ماراح تسوي شئ وانه صعب عليها واعذارها اللي مالا نهاية
بس ابيها عالاقل تهتم باغراضها ترتب ملابسها تنظف وراها علما بانها ذكية وشاطرة بالمدرسة والمعلمات يحبوها بس اهتمامها باغراضها بالبيت انا اعطييييييييييييييييها صفر
عطيتها لاب توب بس خربته بسبب اهمالها كان عندها جوال سحبته منها لانه ضيعت الرقم السري وكسرت الجهاز اهمال

ردها داااايم اذا طفشت منا ((((جيبوا شغالة ))))؟؟؟ واذا خربت شئ تقول ((((عادي اشتروا ))))

انا وابوها تعبنا من اهمالها وما عاد عارفين ايش نسوي معها وما عاد نبغى نجيب لها اي شئ
والمشكلة انها اذا بغت شئ تزن وتبكي وتصر وابوهاااا حنون اذا شافها تصيح قالي خلاص اخر مرررة بكرة تتغير وترتب اغراضها ويشتري لها
واذا جاء بكرة الوضع نفسه

ساعدوني الله يجزاكم خيرررر

الله يصلح لك بنتك ويهديهالك ويرزقك برها
عوديهاع الكنس بالمكنسةالكهرب ان شاءالله تساعدك

والله هذي مشكلة ..
بنتك عمرها 16 خلاص كبيرة وكبيرة انها تكون متوسط المفروض اولى ثانوي
ولما تكون كبيرة بصعوبة تغير طبعها.هذا اذا ماكان جبلة وخلقة فيها الكسل.
انا بسألك هل قعدتي معها و تكلمتي معها؟ عن الاهتمام بالنظافة الشخصية و
مساعدتك في البيت .
*كلميها باسلوب لطيف جداا عشان تقتنع لانها بعمر يحب العناد و تشوف في العناد
انها كبيرة و ناضجة.
بنتك الان في عمر صارالحوار هو الاسلوب الامثل .
كلميها اول شي في نظافة اغراضها فقط لا تطلبي انها تساعدك على طول
ولما تشوفيها اقتنعت ابدئي بطلبات بسيطة منها وبالتدريج حتكون صارت نشيطة
وممكن تنفذ لك طلباتك وتساعدك في البيت.
اول حاجة من ناحية الشغالات اشرحي لها مخاطر وجود الشغالة في البيت
*واحكي لها القصص الي بتصير قولي لها انتي ما بتسمعي
عن الي قتلت و الي سحرت والي سرقت اللهم ياكافي والحمدلله انك خلصتي من
الشغالة.
*اقنعيها انها ما تعتبر نفسها خدامة لو خدمت نفسها او والديها لان هذي فكرة منتشرة
بين البنات للاسف .مجرد انها سوت خدمة لاحد افراد اسرتها خلاص صارت خدامة
قولي لها هذا تعاون كلنا نحتاج بعض الام تحتاج زوجها و ابنائها و الاب يحتاج
زوجته و ابنائه والابناء كذلك لازم نكون مترابطين.
*اختاري وقت تكون فيه مستعدة تسمع وبدون توتر و تعصيب ونرفزة وخلي لهجتك في الحوار لطيفة ورقيقة لأن الشدة تولد العناد و الاصرار في العناد
*اضربي لها امثلة عن بنات كانوا كسالى في بيوتهم و تعبوا وعانوا لما تزوجو
وان قيمة الشخص ما يحسن .*قارني لها بين تفوقها في المدرسة و كسلها في البيت
شبيهه بالبيت الجميل المنظر من الخارج و هو قذر من الداخل .
*نفريها من الكسل بكل الطرق.
*ابتعدي عن معايرتها بكسلها لان هذا تأثيره سلبي ما راح تسمع لنصايحك
*لاتقارنيها ببنت فلان او قريباتها انهم احسن منها وانشط منها يمكن بنتك ما تجي بطريقة المقارنة
لانها كبيرة لو كانت طفلة ممكن.
والله يعينك هذا العمر اصعب عمر لانه عز المراهقة بالذات اذا كانت بنتك
متعودة على التدليل من صغرها.
انا انصحك من خلال مشاهداتي لاخواتي
اختي الكبيرة ماشاالله بناتها في الجامعة عودتهم من صغرهم على العمل
ومريحينها شايلين البيت شيل اما الثانية عودتهم على الراحة وكانت تقول
ماابيهم يتعبوا و شوفي لما كبروا وصارو الشغالات يتشرطوا ما لقت اختي
بناتها يساعدوها.
والله يعينك ويعيننا على تربية هالبنات تربية صالحةو طمنينا اش صار معك .
لو ما نفعت هذه الطريقة لي نصائح اخرى

فعلا ياختي مايااا المفروض تكون اول ثانوي بس لما دخلتها المدرسة بالصف الاول رفضت تدرس وخليتها بالبيت لانها كانت تبكي كثييير وما تبي المدرسة فاخرتها سنة ودخلتها اول ابتدائي السنة اللي بعدها
بس للحق من صف اول الى ثالث متوسط وهي الاولى دائماااا لانها بسم الله عليها تحب الدراسة
المشكلة انها ذكية وتضحك علي تطلب مني شئ مقابل تعمل شئ او ترتب اي شئ ومجرد ماتاخذه مني ترجع لعادتها
وانا بصراحة صرت دااايم اهاوشها على كسلها وهي صاااايرة حساسة مررررررررة على طول القاهااا تبكي عشانها مراااهقة
اليوم الصبح مثلا لما راحت المدرسة لقيت ملابسها مبلولة ومرمية بالحمام
بكلها بالصالة حتى شعرها المتساقط متناثر
كتبها بالمجلس والتها الحاسبة واقلامها مارفعتها
دولابها ابوابه مفتوحة والملابس طايحة بالارض كوووووومة
وزيادة راحت بطرحتي لان طرحتها ضايعة
فطرت ورمت الجبن مكشوووف والخبز مكشووووف
طبعا انا اليوم تقصدت ماتابعها وشوف ايش تسوي وانصدمت لما شفت كل ذا
يعني تخيلوا لازم اكون وراها وراها عشان تنتظم
فكرة اجيب شغالة مقتنعة هي فيهها ومصرة لازم نجيب
مادري هذا اللي تسويه عناااد ولا غباء ولا تحدي مافهمتها ياااقلبي
وانا ماقارنها باحد لاني الاحظ كل اللي حولها كسولات
من جد مابيها تشتغل الله يخلي لي اختها الصغيررررة حتى تساعدني بكنس المطبخ وترتيب الصحون بسم الله عليها
بس هي لو تفكني من شرها وترتب اغراضها انا بخيرررررر
سريرها ماينشاااااف حوووووووووووسة لو مارتبته نامت عليه مثل ماهو

بديت احس يبيها علاج نفسي او علاج سلوكي ؟؟؟
تقريبا 6 شهور بدون شغالة اختها الصغيرة 10 سنوات بسم الله عليها ماشية معي حبة حبة وتطيعني
والمشكلة الاكبر ابووها على طول يدافع عنها لانها شاطرة بالدراسة ويشوفهااا بااقي صغيرة

ياليت اللي عندهااا حلول تفيدني اكون لها شاكرة