>>>صدقوني
((((((((((انا موظفة موهوبة..نشيطة..دائما اكلف من قبل المدرسة بكل ماهو صعب واحترافي..لايجدون كفء غيري
..انا المتحدث الرسمي لمدرستي واحيان لمنطقتي في كل مجمع او محفل …
انا رجل اااااااااقصد سيدة المهمات الصعبه ..بس وين…خارج بيتي!!
لكن اول ماادخل البيت اتحول الى مخلوقة غبية ..ساذجة لاتفهم ولاتعي)))))))))))))
>>>اهيء اهيء اهيء
طبعا عملية التحويل هذي يتكفل فيها زوجي المحترم!!
يخلع لباس الابداع والموهبة ويلبسني لباس ست البيت الفاشلة..والزوجة الغبية
>>> اهيء اهيء اهيء
في يوم من اليوماتات ..جا لقاني اقشر بصل ..طبعا انا ماحب البصل واعتبره (كائن غبي ذو رائحه نتنه)
بس زوجي اكتشف اني مااحطه بالكبسة ونفخ علي وقال: البصل اهم من الرز بالكبسة!!
وجا شافني اقطع البصل …قال بالله عليك هذا تقطيع؟!!
قلت : ياربي ايش تبغاني اسوي فيه يعني..احطه بهندول واقول له هوها ياهوها..
قال:لازم تحبين البصل هذا الحل!!
انا ماسكه شوكه بيدي اليسار وطاعنه فيها البصلة وباليد الثانية ماسكه السكين واقطع
>>قلت لكم اكرهه
واذا سويت الكبسة يقول : نفسي تثبتين على طعم واحد؟ تسوين نفس المقادير ونفس البهارات وحتى
الموية من نفس الحنفية..ورغم هذا كل يوم كبستك طعم مختلف ..مرة ماتكة ومرة ملحها زايد ومرة
بهاراتها تفقع الكبد!!
قلت ياربي ..والله تعبت وجاتني نفسية من هالكبسة
>>بس لو اعرف مين الي اخترعها كان ذبحته!!اهيء اهيء اهيء
اذا حطيت الاكل عالطاولة قال:لاجديد!!
قلت ويش لاجديد؟
قال :مافيه حركات؟
قلت:يعني مثلا ارقص لك فوقها؟>>>ياليل عين
قال: مافيه مانع بس تنحفين اول !!>>مو سمينه
قال : ابغى تغيير في السفرة..صرت حافظ شكلها وحتى ترتيب الصحون فيها!!؟
:::::::::::::::::::::::::::::::::
وملابسي ..كل مالبست له ثوب قال :اتصدقين يشبه اخوه…وصرت شايفهم عليك مية مرة؟
قلت : لاتتسمخر على ملابسي انا اشتريها ماركات وسعرها مايقل عن 500 ريال!!>> بعد الخصم200
قال: انا مايهمني كم سعرها..يهمني التجديد..التنويع..ابغى جسد مثل الحرباء كل ماحطوها بمكان غيرت لونها>>انا حرباية
قلت: الميزانية ماتسمح اشتري كثير بس عشان ماتمل عيونك !!
قال: لو تتركين الماركات وخرابيطها وتدورين عالزين وسعره معقول ماكان مليت من هدومك!!
:::::::::::::::::::::::::::::::::
ينظر بالصالة يقول : ملييييييييييييييت من هالصالة…مو مرتاح فيها!!
قلت له : قصدك اثاثها؟!!!
قال :مادري بس مليت منها وابغاك تغيري ترتيبها وتشوفي ايش ناقصها!!
قلت: ابشر
وسويت له مفاجاة ورحت لمصممة ديكور وخليتها تبدع فيها وقلت لها خليها لي على احدث طراز
>>ابغى ارضيه يمكن يقتنع اني انسانه ناجحه ومتجدده!!
وخميس وجمعه بس وكانت الصاله عروووووس جديدة >>لزوجي
ودخل وشاف الصاله …واعجبته لكن ماحققت الابهار الي ابغاه!!
قال:يعطيك العافيه عموما!!
قلت:ابغاك تعترف اني متجدده وناجحه!!
قال:للاسف!!
صابني احباط شديييييييييييد وقلت بعد كل هذا برضه مصر على رايك !!
قال: انتي للان مو متفرغة لي ولا بيتك!!
كل الي سويتيه وكّلتي غيرك يقوم بمهمة انا طلبتها منك شخصيا مو من غيرك!!
وثانيا دفعتي من مالك معتبرة ان مالك بيسعدني ويرقع تقصيرك!!
ثالثا : الصالة كانت مملة والصاله الحين اكثر مللا وماتناسب راحتي وحاجاتي!!
يعني اول كنت احط مخدتين ورى ظهري ومخده تحت يدي اليمين وتعرفين اني احب الاب توب يكون جنبي يسار ..وان التلفزيون قلت لك مية مرة مااحبه جهة اللمبة لانها تعميني ..وبعدين وين الصندوق الصغير الخشب الي مسمره ومرقع فيه عشان يمسك كوب الشاي حقي !!..عجزت مصممتك تفصل لي زيه ويناسب منظر هالصاله المودرن!!والخ الخ الخ
لو كنت راعيتي كل هالامور بتصميم الصالة الجديدة كان قلت فعلا زوجتي تعرف يومياتي وتبحث في تفاصيلي .
عملك حبيتيه ..وبحثتي في تفاصيله عشان تتقنيه .. .وابدعتي فيه…وانا بنظرك مجرد زوج همه ياكل وينام ويذهب للدوام!!
كنت اولى بها الاهتمام وها الحب …وها النجاح
انا يامدامتي مااقتل ابداعك لكن احاول يكون ابداع شامل..(مايطغى شيئ على شيء فيقتله!!)
لو نجحتي في عملك وفشلتي في بيتك (فأنتي موظفة ممتازة ..ولكن امرأة فاشلة..)
قلت بعصبية : قول زوجة فاشلة ارحم من مرأة فاشلة مرة واحده انت كذا تسلبني حتى صفاتي كمرأة!!
قال: الزوجة ..مرأة
قلت: والموظفة مرأة
قال: بس الزوجة تجمع صفات المرأة اكثر من الموظفة…!!
>>تجون نحسبها
::::::::::::::::::::::::::::::::
بعد هالموقف (الصالوني)المرير.. كرهت اشياء كثير..منها الوظيفة..والماركات..والصالة..
والبصل>>مستحيل احبه
وكرهت نفسي!!
>>>معقولة انا الانسانة الناجحه اعجز عن فهم نفسي وفهم حياتي الزوجيه!!
وضع ينذر بالخطر
لازم افوق..قبل يبحث زوجي عن واحده فاضيه له ولصالته..ولطاولة الرقص..ااقصد طاولة الاكل!!
طيب هالامور من وين اتعلمها؟
من الكتب
>>تعودت كل شي ابحث عنه القاه بالكتب!
لاتقولون لي من غير كتب هذا احساس انثوي بحت>>قالها لي زوجي كثير
طيب
طيب
لاتدفون
بروح
ابحث
في المراة المدفونة بداخلي
يمكن القى زوجة مندسة هنا او هنا
واطلعها قبل فوات الاوان
بس برضه
لاتحاولون تقنعوني
زوجي زي ماقلت لكم من البداية
يقتل الابداع
ولو لقاه باي مكان ينمو يروح يقتله ويرجع
>>>>اهيء اهيء اهيء
<<يكفرن العشير
وانا متأكدة انك تعملي بكل صدق ونيه لانك تلاقي اللي يمدحك ويرفع معنوياتك
وهذا الشي يشجعك ويخليك تبدعي اكثر وتناضلي للافضل
بس لعلمك كويس انه يتكلم ويقولك رايه يعني تعرفي ايش يبغى وايش اللي مايبغاه
الرجال يبغى يحس انو اهم شي في حياتك
اهم من عياله حتى
خليك كل يوم شكل لما يدخل من الباب سيبي كل شي في يدك
واذا عندك اطفال قولي لهم وهو يسمعك
ياله بوسوا بابا وروحوا العبوا في غرفتكم
عشان بابا مسكين تعباااان ويبي يرتاح
خذي شماغه وملابسه منه وعلقيها له
واسأليه وش محتاج حبيبي مويا شاي عصير
دلعيه اخدميه لبي طلباته حتى جواله لما يرن خذيه من على الطاولة وعطيه
اتعبي كم شهر ولا تنتظري منه كلمة شكر او مدح سوي اللي عليك
راح تشوفي التغيير
وهو كمان راح يستحي ويخفف طلباته ويدور راحتك
ويتغير ويخدمك هو (( كوني له جاريه يصير لك عبدا ))
ليه تشتري الملابس الماركة وتخلصي فلوسك وهو لبس مرة وحدة وخلاص
مو كل غالي حلو
في ملابس اشكالها حلوة ورخيصة وبالـ 500 اشتري 5 قطع
وكل وحدة تختلف عن الثانية في اللون والموديل والطول شكلي
كوني كل يوم امرأة غيييييييييييييرررررررر
مرة لابسه قصير وعاري والشعر كيرلي
مرة طويل وضيق وشعرك مرفوع
مرة دراعة والشعر حرير
مرة جينز
وانت وشطارتك
والوحدة لما تطبخ من دون نفس مايضبط الاكل معها
وبعدين ليه كل يوم كبسة الرجال مل
ويااااااكثر الله الطبخات اللي في هالنت واذا يحب الرز لاتعلقي عالكبسة
مرة سوي مندي مرة مضغوط مرة برياني مرة غوزي مرة مقلوبة وين الابدااااع هنا
ماسمعتي ان العين تاكل قبل الفم
لازم تحطي لمسات انثوية عالطبق
حتى لو تفرمي بقدونس وترشيه عالرز وكم جزرة على طماطه على خيارة على شرايح ليمون ولا اقدع شيف
وحاولي تشتري كم طقم سفرة
وكل مرة قدمي في طقم غير
وغيري مكان الصحووون لما تقدميهم عالسفرة
حتى الخبز دلعيه وقطعيه مثلثات وحطيه في صحن بشكل حلووو
وين يجلس وكيف يحب الاضائة ووين يحط رجله ووين يسند راسه
ومو كل الرجال تحب الاثاث المودرن
والله لو انك سويتي حتى جلسة عالارض وقلتي له شوف ياحبي حطيت لك هالمخدة هنا عشاني اعرف انك تحب هالمكان
وحطيت لك الطاولة هنا عشان ادري انك ياحياتي تحب تحط اللاب توب هنا ووووووذكرتي الحاجات اللي يحبها
راح ينسى شكل الاثاث ويفكر كيف انت مهتمة براحته
قولي زوجي ناقص عليه شي
فكري في ايش انت مقصرة
اصلا من دون ماتفكري هو قالك ايش يبغى
الاهتمااااااااااااام الزايد
بس
زوجك طفل كبيييييير محتاج حب اكثر حنان اكثر دلع اكثر
بس للاسف كل كلمة قالها صح
وياكثرها الافكار الرومانسية لو تطبقي كل يوم فكرة
يكفي
وتقولي خلاص انا راح اسوي المستحيل عشان اسعدك
بس بشرط
انك تكون صبوووور وتبطل النقد شوي وما تقتل حماسي
وعشان اقدر اوصل للمرأة اللي تبيها
والله يكون في عونك
بس انتى بتعمل له كل شئ حلو ليه كله هذا منه
ما اعرف مالهم الرجال مو عاجبهم شئ
ربنا يصبرك
جميل ان يكون الانسان موهوب ومبدع في عمله وايضا في بيته
نجحتي في الاولى ولكن الاهم ان تنجحي في الثانية اي موظفة انصحها بان لاتنقل ابداعها لبيتها لان الزوج سيقارن ماتعطيه خارج بيتها وبيتها
جميل زوجك يبوح لك بما يرغب لانه يريد منك انت مايحب ليس من غيرك اذن انت اعطيه مايريد اعملي بنصية اختي الدب الكسلان
اعملي له مايفرحة بادريه بكل مايحب قبل ان يطلب ذلك فاجايئة بما يحب واياك والتحدث بعملك امامة وتحدثي عن انجازاتك دااخل بيتك فقط
موفقه حبيبتي لكل خير