السلام عليكم للجميع انا اليوم بكتب اول موضوع ليا بالمنتدي وانشاء الله يعجبكم موضعي رحلتي الشخصيه انا وزوجي ال تايلند كانت من اجمل ايم في حياتي وخصوصا ان البلد جدا رائع وكانت الفكره بالبدايه الاستجمام واخذ راحه واسترخاء من جو السعوديه والعمل والاولاد وهذا البلد سبحان الله جميل جدا للراحه والهدوء والاستمتاع بالمناظر الخلابه الي ترد الروح .
اولا قررنا انا وزوجي اخذ اجازه وبدانا نفكر فين نسافر وبدانا بالبحث عن بلد يناسب تطلعتنا فكرنا بتايلند وكنا مترددين بسبب منع السعودين للذهاب لها ولما سئلنا وجدنا مافي منع وممكن السفر بسهوله المطلوب كان شراء التذاكر والشغل السليم اخد الفيزا من السفاره التايلنديه بجده وقدمنا الجوزات وتحتاج مبلغ بسيط ورمزي للفيزا وهو 120 ريال وتستلم الجوزات يا نفس اليوم او ثاني يوم ومختوم عليهم الفيزا ولا اسهل من كده .
الرحله كانت علي طيران الاتحاد وبصراحه افضل طيران مسار الرحله جده ابوظبي بانكوك ولا يو جد انتظار في المطارات ولله الحمد .
انتلقنا من جده ودعنا الاهل والاولاد ورحنا المطار وقت الرحله الاقلاع 5 عصرا من جده الوصول لابو ظبي 7 المغرب اول مانزلنا من الرحله اعلن المطار عن الرحله المتجه الي بانكوك لا يوجد وقت بعد كده الوصول الي مطار بانكوك من جد مطار ولا اروع وهادي صوره للمطار شوفو النظافه والنظام.
وهادي وحده تانيه للمسارات الي في داخل المطار .
اول ما توصل المطار لا يوجد تفتيش بس تختيم للجوزات وبعدها الخروج تلاقي مكاتب للتاكسي انا وزوجي بدات رحلتنا اخذنا سياره خاصه افضل من التاكسي بسائق خاص علشان نروح بتايا تبعد عن المطار سعه وربع تقريبا بسما حسيت فيها من الفرحه والمناظر الي حولينا في الطريق والسياره جدا مريحه وسريعه وهادي صور للطريق الي بتايا.
بصراحه علي الطبيعه شي خيال
ي . بعد كده السواق يسئل اذا انت حاجز ودافع لفندق يوديك عليه علي طول اذا منت حاجز يويك لمكتب سياحي علشان تختار فندق وتدفع بصراحه انا وزوجي اخترنا فندق عن طريق الانترنت وما دفعنا ولا حجزنا رحنا المكتب وقلنا اسم الفنق وموظف المكتب عرف الفندق علي طول اتصل عليهم وحجزلنا غرفه ودفعنا عند المكتب
والسياره انتظرتنا وودتنا للفندق طبعا تستغرب من النظام السواق ما ياخد أي زياده بالفلوس سعر محدد للمشوار من المطارللمكتب للفندق . وهادي صور الفندق في بتايا علي شاطيء الجومتين بيتش ومميز الشاطيء بالفنادق
الفاخره وبعيد عن منطقه العرب ورائع جدا للعوائل .
الفنق منتجع وسبا يعني للاستجمام ممتاز ويوجد به وحدات مختلفه غرف سويتات فلل بمسبح خاص احنا اخدنا غرفه لشهر العسل لها مزيا تخص العرسان والفنق عندو شاطيء خاص و3 مسابح وسبا الي هوا مركز للعنايه بالجسم مساج جاكوزي تنظيفات رياضه استرخاء اسم الفندق revandra resort and spa
واسعار الفندق متوسطه سعر الغرفه الي اخذتها انا وزوجي 350 ريال لليله .
الفندق 5 نجوم وانا والله اقيمو خمس نجوم واكثر يوجد مواصلات للبلد ومنطقه العرب كل 3 ساعات وماهو بعيد جدا ممكن تاخد تاكسي للبد ب 30 ريال والمسافه ربع ساعه عن الرويال جاردن في وسط بتايا .
وهدا اللوبي ولا اروع .
انتظرو رحلاتي السياحيه في بتايا انشاء الله يكون اعجبكم الموضوع لحد الان .
يتبع
بعد الوصول للفندق استقبلونا بترحيب وبكل ادب واخلاق بصراحه الشعب جدا جدا محترم علي عكس الاندونسين تماما وقدمو لنا عصير فواكه استوائيه خطير جدا من جد يروي عند الوصول من رحله طويله وطبعا مناشف بارده مبلله لليدين الي ان يتم تسجيل الاوراق ودخلنا الغرفه وبصراحه نظافه عاليه جداا والغرفه جدا مريحه ما حسيت اني بغربه بعيد عن اهلي والله العظيم .
ارتحنا وجا وقت الغداء والطلعه طبعا اول حاجه في بتايا لازم تزورها في وسط البلد الرويال جاردن وهو عباره عن مول كبير في وسط البلد بجانب فندق الماريوت وفندقنا كان موفر باصات للنزول علي وسط البلد وينزلنا عند بوابه فندق الماريوت تمشي خطوتين تلاقي الرويال جاردن طبعا يوجد به مطاعم مكدونالدز ومطعم صيني
ومطعم ماكولات بحريه .ويوجد جميع الماركات داخل المول ويمديك تعمل شوبنج رائع من الملابس والتحف والهدايا بس اسعارو شويه غاليه غير فادحه ويوجد في المول زي مدينه الالعاب للكبار والصغار وفي سينما
وفي بليف اور نت بليف الي هوا صدق اولا تصدق غرائب وعجائب والسينما نوعين سينما تايلندي وسينما انجليزي ويوجد ايضا شي كثير عجبني ودخلنا عليه سينما عرض ثلاثي الابعاد عرض كل ساعه ويوجد ايضا
مدينه الرعب مافكرت ادخلها ابدا وفي كمان كوفي شوب في نص المول وهادي صور المول
بعد كده بدئنا نرتب لرحله تاني يوم علشان تكون بدري من الصباح بعد الفطور مباشرة كلمنا المكتب وارسلنا سائق خاص مع السياره ومعاه كتلوج تختار المكان الي يعجبك وتقولو عليه طبعا اول مكان عجبنا ورحنا عليه
بصراحه مكان جدا رائع عباره عن حوض سمك جدا كبير وانت تمشي بداخله وتشوف
جميع انواع السمك والمكان مجهز بمؤثرات صوتيه وحسيه تحس انك بتسبح مع السمك بالحوض
Undar water park
وطبعا في مسار محدد وعليه اسهم تمشي عليه من البدايه للنهايه وفي النهايه في محل هدايا جدا رائع
تاخد منو تحف وهدايا وتذكار للمكان هدا وطبعا انا اخت لاولادي واسعارهم عايديه جدا .
النظام في تايلند شي بصراحه حلو كلو بنظام واحب اقول ان الناس دايما تنصح ان ما احد يا خد عيله لبتايا
انا كنت هناك وشفت مافي مشكله للعوائل في اماكن معينه اما بالنسبه ليا انا وزوجي الحمد لله اخترنا موقع الفندق
جدا مناسب للعوائل وهادي جدا ومافي أي خوف واذا خرجنا في الليل ما نطول في السهر لان من الطبيعي
بعد كده ممكن مافي امان وتبدا الشوارع تفضي من الناس والكل يتجمع في شارع جهنم وهادا مكان خاص للشباب ينصح بعدم دخول العوائل عليه الا في الصباح فقط اما الليل يقولو شي تاني مكان للديسكوهات
والسهر انا عن نفسي شوفتو في الصباح فقط ولا تيجي 10 الليل الا انا في الفندق بجهز لرحله تاني يوم مع السواق وبحجز للعصر مع مركز المساج في الفندق .
المساج في تايلند شي مهم بصراحه لان اصول المساج هناك وطبعا انا وزوجي اخترنا فندقنا وعرفين ان موفر
مركز المساج طبعا مو مساج عايدي مساج علي ايدي مختصين وانت تختار المساج الي يناسبك وانواع المساج
مو للدلع فقط في ماج خاص للجسم لازاله التعب والارهاق من العضلات وفي مساج للوجه للترطيب وتجديد الدوره الدمويه وفي مساج للراس والرجول وكثير انواع وانت تختار الي تحتاجو لجسمك .
بعد الرحله والغداء والمساج في العصر راحه في الفندق وعلي المغرب نطلع للرويال جاردن علشان الشوبنج
والسينما ثلاثيه الابعاد والمشي في اسواق وشوارع بتايا الشعبيه وكلمه شعبيه لا تعني ان المكان عفن ومقزز
غير ذلك تماما بسطات للبيع في الشوارع وعربيات فواكه جدا طازجه ولذيذه وفي كفي شوبات علي البحر
للاسكريم والعصيرات الطازجه والمعسل يعني مشي يجنن وهادي صور الكوفي شوب (جيلاتو).
ثالث يوم افطرنا بالفندق بصراحه الفطور جدا مميز لانو ذا تشكيله واسعه عندهم ركن المخبز علي الطلب
يسويلك بيض مقلي وفي ركن الاكل التايلندي وفي ركن الاكل الصيني والذ ركن ركن الفواكه الاستوائيه
وركن القهوه الفرنسيه وركن العصائر الطازجه يسلام .
بعد كده طلعنا غيرنا والسواق كان في الرسبشن يستنانا وطلعنا والمره هادي اخترنا نروح حديقه التماسيح
وفيها كل الحيونات الاخري بس فيها عرض للتماسيح وتمشي في طبيعه خرافيه من الزهور والخضار
والحديقه جدا كبيره وتاخد وقت في المشي بس المناظر الي تشوفها ما تخليك تحس الوقت ومنظر التماسيح في البحيرات فظيع جدا ولكم بعض الصور
انتظروني لدي المزيد من الرحلات والصور والي يحب يسأل أي سؤال انا في الخدمه
شكل الرحله كانت رائعه ولكن الصور للاسف لا تظهر يا ريت تقومى بوضعها مره اخرى علشان عايزه اشوفها
بس الرحله
