ازيكم يا احلى بنوتات فى الدنيا
كل سنة وانتوا طيبين وبخير وصحه يارب
طبعا احنا فى ايام مباركه الحمد لله وايام والعيد هييجى ان شاء الله 
وكتير مننا اشترى لبس العيد واللى لسه بيشترى وكده
وكلنا بنحاول نبقى احلى واجمل عشان نفسنا وعشان نبقى احلى فى عين اهلنا وزواجنا وقرايبنا وكده
هنتكلم كلنا عن اللبس وازواقه وكل واحده تحكى جابت ايه والالوان وكده ولو فى حد محتار فى لون يليق مع لون ايه يقول
لو كمان عاوزين نعرف حاجه جديده تفيدنا وتخلينا احلى واجمل نسال بعض عشان احنا كلنا هنا اخوات
يارب يكون الموضوع عجبكوا يا بنوتات ومستنياكوا ترغوا بقى 
بصوا بقى يابنات انا هبدأ اهه
بلوزه اورانج اختار عليها بادى لونه ايه ؟؟
والطرحه كمان تبقى ازاى ساعدونى يا بنوتات بارائكوا الحلوة دى
موضوع جميل يا جنة ..
بصي يا قمر الاورانج بيليق عليه جدا البنفسجي
اورانج بنفسجي
والطرحة ممكن تشوفي واحدة فيها اللونين دول ..
انا بصراحة لسه مش جبت حاجة …
ايوه فعلا يا كلمة البنفسجى معاه بيبقى تحفه بس المشكله
الجيبه لونها بتنجانى شويه او بنفسجى غامق وجبتلها بلوزه موف فاتح
فحبيت ابعد عن البنفسجى مع البلوزة دى
طيب ايه رايك فى الزيتى مع الاورانج او البنى ايه افضل ولو فى الوان تليق قوليلى
امممممممممم اوعى تكونى لسه مش جبتى لبس العيد لرقيه ومرام دول اهم حاجه احسن يزعلوا مننا بوسيهوملى وربنا يخليهملك يارب ويباركلك فيهم يا حبيبتى
وتشوفيهم احلى عرايس فى الدنيا
ههههههههههههههههههههه .. والله يا بنتي جبنا لهم اللبس من بدري جدا ولسه عايزين نجيب لهم فستانين عرايس عشان عندنا فرحين في الاجازة .. نزلنا امبارح شوفت كام فستان حلوين بس استغليتهم بصراحة حتة فستان مايجيش متر قماش و45 ريال .. فقلنا نشوف في حتة تانية وان مش لقينا نجيبهم بقى وخلاص ..
المشكلة بقى ان انا الفساتين السوارية اللي عندي طبعا بقت ضيقة شوية .. وطبعا جوزي مش موافق اني البس حاجة ماسكة او مفصلة .. ومش عارفة اعمل ايه ؟؟
طيب انت دلوقت عندك بلوزة برتقالي وجيبة بتنجاني .. طيب ايه رأيك يكون البدي برتقالي برضه وتشوفي بقى اكسسوار من نفس لون الجيبة يعني وردة قماش كبيرة تشبيكيها على البلوزة او عقد .. كده هيبقى ابسط واشيك ..
والطرحة برضه تكون برتقالي في بتنجاني او طرحتين واحدة برتقالي والتانية مشجرة وتلفيهم على بعض
هههههههههه ايوه مش هما اغلى حاجه عندك اشتريلهم تانى وتالت ورابع كمان ربنا يحفظهملك يارب
لفى فى كذا محل عشان متتخميش فى السعر وكده ولو ملقتيش هاتى دول وامرك لله
هو لازم فساتين ولا مثلا لو جيبه شيك قصيرة كده وعليها بلوزه بناتى فيها برونز وبتلمع بيبقى شكلهم حلو بردو بس انا معرفش الاسعار عندكوا فى الحاجات دى ايه
انا خطيبى فى الرياض كل اما ينزل يشترى حاجه بيجيب الحاجه غاليه اقوله مش كده يقولى مش عارف الاسعار ايه هنا اصله لسه مسافر اول 3 فميعرفش اوى
راح اشترى ازازة برفان ب 65 ريال الله اعلم يمكن تكون حلوه لا والمشكله انها مش ليه دى هديه كمان 
اه صحيح بالنسبه ليكى انتى مع دماغ الرجاله الناشفه مستحيل لبس ماسك خالص ماهو الحال من بعضه
فيه هنا عبايات شيك اوى وسواريه بردو وواسعه نازله فى اسكندريه وجميله اوى بجد ممكن تعجبك
او تونيكات بردو لذيذه خالص
ان شاء الله تلاقى حاجه تعجبك وتبقى جميله عليكى يا حبيبتى
انا بقى البلوزه عباره عن فيست بتبقى طويله كده مش تنفع على جيبه فانا هلبسها على بنطلون جينز وهجيبلها بادى تانى
انما الجيبه والبوزه الموف دول طقم تانى فهمتينى يا قمر
فهى الاورانج دى اللى محيرانى
انما الطرحه لو كده هتبقى واحده الاورانج فى لون البادى بس لما اعرف لونه الاول 