كيفكم بنات أخباركم ؟ بما انه حنا مقبلين على اجازة والعروس معاها .. حبيت افيد كل عروس حابه تطلع فيوم زواجها مثل القمر ما شاء الله .. وحابه انتم بعد تفيدوني ارجوكم
ابغى في هالموضوع كل وحده اذا عندها معلومات عن خبيرات تجميل في الرياض او اي منطقه تفيدنا .. لانه بصراحة مو كل وحده تعرف تسوي لوك عرايس متكامل من الى ..
فاللي حابه تشاركنا عشان تفيد خواتنا المقبلات على الزواج وانا بدوري ما بقصر ان شاء الله لانه في فترة من الفترات في ملكة قريبتي حاست الدنيا وحاستنا معاها .. لكن في الاخير ما شاء الله طلعت روووعة .. وزي القمر لا اله الا الله وهذا بفضل الله ثم بفضل خبيرة تجميل عندنا في الرياض ما شاء الله .. في ذمتي ريحتنا وحطت كل خبرتها في اللوك الاخير حق العروس لمين اطلعت في شكل صدق يستاهل الفخر ..
هي اختصاصها شعر وتجميل سوت تسريحة على حسب طلب قريبتي كلاسيكه والاسم الدارج لها الحين (( التسريحة الامبروطيريه )) سووها كثير من المعروفات باعراسهم مثل نورما نعوم .. والله يا بنات ما شاء الله ما ابغى امدحها الانسانه زيادة مع انها تستاهل لكن هذا لاني عشمانه فيها بدرجة مو طبيعية تعرف اللي يناسبك من اول نظره ..مارح اتكلم كثير لانه اللي بتجربها بتشوف الشغل بنفسها وتحكم عليه لكن اللي تبغاها توها تستقر بمشغل في الرياض بالعليا اعتقد انه جديد اسمه .. الفارسه الحسناء ..
والله كل هذا لكل عروس .. حرام تحط نفسها بين ايدين وحده والله ما تعرف في المكياج شي .. شفت كثير من البنات اللي يتمنون يطلعون في الشكل المناسب لهم يوم العرس .لكن بمجرد انها تسمع عن كوافيره كويسه تروح طايره عندها لا بروفه لا تجربه .. ويطلع بنفس اليوم كل العرايس اللي مسويتهم نفس الرسمه والالوان ..فكل بنات لها شكل عين مختلف ووجه مختلف فلازم يكون المكياج هدفه الاول ابراز الجمال الخاص للعروس .. لانه ما في بنت مو حلوه لكن الصبغات والقصات اولا والمكياج والتسريحات ثانيا تغيرك كليا تأكدي ! وكل هذا لقيته في هالخبيره عسى الله يوفقها.. العروس يبي لها وحده خبيرة تجميل من جد دارسه متعلمه اصول المكياج وأأكد انه العروس مو بس يبي لها مكياج وشعر في بنات الصبغات تغيرهم والقصات .. ترى مجرد الغرة تغير الشكل .. وما اقول انها تناسب الكل لا .. كل وحده في هالكون لها ستايل يليق فيها ويا سعد اللي تكتشفه ..
واتمنى تسعدون يارب في الموضوع وتدعي لي اللي كل من تستفيدي منه واي سؤال انا حاضره..
