اليوم عملت جمبرى مقلى وسمك
انا الاول كنت بقلى الجمبرى عادى اضعه فى الدقيق وبعد كده اقليه بس ما كانش بيطلع مقرمش
بس بعد كده قرئت انى اضع فى الدقيق معلقه بكنج باودر علشان يكون هش واما اجى اقلى الجمبرى اكون مجهزه طبق ميه اضع فيه الجمبرى واحده واحده بسرعه واحطها فى الزيت علطول , وفعلا الطريقه دى حلوه جدا وبتخلى الجمبرى مقرمش جدا وطعمه جميل
اولا طريقه عمل الجمبرى
– جبت الجمبرى وقشرته وشلت الخط الاسود الرفيع على ظهرى الجمبرى ونقعته فى ميه وشويه خل وشويه ملح
بعد كده جهزت الخلطه الى حتبله بيها وهى عباره عن
فلفل وثوم وملح وكمون وبابريكا وليمون وخل
بعد كده تبلت الجمبرى وسبته فى التتبيله لمده ساعه
بعد كده غطيت الجمبرى بالدقيق والبيكنج باودر وحطيت على الدقيق معلقه كارى علشان تخلى لون الجمبرى احمر فى ذهبى
وجهزت طبق المياه
انتظر لحد ما لونه يصبح ذهبى وبعد كده اشيله على ورق ماص للزيت واقدمه
هذا فى النهايه
طريقه عمل السمك السنجارى
انا عملته بالسمك البلطى( انا مش بحب السمك الكبير خالص ) فبعمله بسمك حجمه متوسط
اولا جبت ورق المنيوم ووضعت عليه القليل من الزيت وتتبيله السمك الى هى تبلت بيها الجمبرى وفتحت السمكه ووضعت عليها القليل من التتبيله ايضا
بعد كده جهزت الخضروات الى حضعها عليها وهى عباره عن
طماطم
بصله
فلفل اخضر
بقدونس
ليمون مقطع شرائح
ووضعت عليها معلقه كبيره من تتبيله السمك وقلبتها مع الخضروات
بعد كده وضعت جزء من الخضروات على السمكه وقمت بلفها بالورق الالمنيوم
وعملت فى السمك البلطى كده كل سمكه لوحدها فى ورقه واضع عليها الخضار واقفلها عليها
وبعد كده اخذتهم رصتهم فى صينيه ودخلتهم الفرن من تحت علشان تستوى
هو مش بياخد وقت كبير ممكن ثلث ساعه
بعد كده فتحت ورق الفويل وطبعا الخضار كان مستوى بس مش محمر ففتحت الفويل ودخلت السمك فى شوايه الفرن
وده فى النهايه
وقدمت السمك والجمبرى مع الارز الاسمر وسلطه خضراء
ان شاء الله الاكله تعجبكم
عشان اكون اول وحده
من غير كلام الجمبري ليا كلو
و السمك للجميع
مابقيتش انانيه وبخلي للي ورايا
تسلم اديك حبيبتي
اروح اجيب الوسام وانا مطمنه
تسلم أيديك يا زهورة
انا بحب السمك وهو من نصيبي
تستاهلي التقيم والوسام
تتوسمي بالقران يارب
طريقه حلوه أبدعتي
هيه راحت علينا لا سمك ولاجمبري
لكن احاول اتفاوض مع نهووله لعل وعسى
