اهلا بيكم يا بنات 
انا حضرت تورتات الفريز و ذوقهم جا يهبل 
طريقتهم ساهلة 
العجينة
250 غ زبدة
50 غ سكر
بيضة وحدة
3 ارباع كيس خميرة الحلويات
شوية ملح
فانيلا
ودقيق تجمعي بيه العجينة حتى تتحصلي عليها طرية
غطيها ترتاح شوية حتى تحضري الكريمة
الكريمة
في كسرول
ضعي 3صفار بيض
200 غ سكر عادي
3ملاعق نشاء
ربع لتر ماء يعني كاس
عصير ليمونتين صفراوتين جميلتين كبيرتين براقتين ههههههههههه
وقشور الليمونتين الصفراوتين ….الخ ههههههههه
تخلطيهم و تضعيهم على نار هادئة و اكثر من هادئة وخلطيها من حين الى اخر لكن ماتخليش صفار البيض يتكتل 
كي تشوفيها تخثرت شوية انزعيها من على النار وخليها تدفئ قليلا
ثم اضيفيلها ملعقة زبدة وخلطي حتى يتجانس الخليط 
ضعيها تبرد في الثلاجة وروحي يا شطورة تجهزي العجينة
تحليها على طاولة مرشوشة بالدقيق و تحمليها برفق على طريقة المحترفين و تحطيها على القوالب المرتبة بجنب بعضها و تظغطي فوقها بالحلال لتقطعي حواف العجينة
وتثبتيها جيدا في القالب و تثقبيها و دخليها الفرن
انزعيها من القوالب بعد الطهو
احضري فواكه مصبرة و ضعي القليل منها في كل تورتة و صبي عليها الكريمة وزينيها بشرائح الفريز و كريمة الشانتيي
شوفي المنظر التحفة ,,,يجنن
وش رايكم ؟؟؟؟؟؟؟؟؟؟؟؟
من حلاوتهم عملتلهم البوم ههههههههههههههههه 
شكلهم يجنن فعلاااااا..
تسلم الايادى الحلوة على الوصفة الشهية..
تستاهلي أفضل تقييم
بوركت يداك حبيبتي
شكلهم بيشهي
سلمت يداك
بارك الله فيك
لاتحرمينا وصفاتك المميزة