تجربتى لاطالة شعرى وتقليل التساقط بنسبة 90% 2024.

حبيباتى دى تجربتى الشخصيه فى اطالة شعرى وتقليل التساقط بنسبة 90%

بداية انا كان شعرى بيقع كتير جدا وعلطول بقصه لانى بلونه وكمان كنت بعمل بالبيبى ليس يعنى علطول كاريه قصير لو طول شويه يبدا يقع بطريقه رهييييييييييييييبه واضطر اقصه

تقريبا كنت فاقده الامل انه يطول على الرغم انه حلو وناعم وكان تقيل لكن الصبغة اثرت عليه جدا

من فتره بتصفح فى منتدى لاقيت واحده منزله موضوع ,,استغربته بصراحة لكن جربته جاب نتيجه كويسه جدا
فى العادى احنا بنلف شعرنا بعد الدوش طاقيه
,,الفكرة بعد ما تفكيه تقلبيه كله على قدام وتلفيه كحكه
صحيح شكلها وحش طبعا حتعمليه وانتى لوحدك بس فعلا طلع لها مفعول بتفرد الكسره ,,وتطول الشعر وتقلل التساقط

الاضافه بقى

استخدمت شامبو كلير ضد التساقط فعلا تحفففففففففه وده شكله

الكريم اللى استخدمته بالمرز برضو كويس جدا ومغذى بس مش بيمشى مع كل الشعر هو بيكون افضل مع الشعر الكثيف فى كل الاحوال هو بيغذى الشعر

نيجى بقى للاهم وهى الماسكات

اول ماسك

زيت زيتون +بيضه+معلقتين عسل نحل
ده تحفه جدا قبل غسيل الشعر بس خدى بالك لو غسلتى بميه سخنه البيض بيتسلق على شعرك

الماسك الثانى

الزبادى روعه روعه روعه بيطول الشعر بسرررررررررررعه بس مشكلته ريحته وحشه لااااااازم تغسلى شعرك كويس جدا
ودول كل واحد فيهم مره فى الاسبوع اللى ترتاحى فيه

اما الماسك الاخير والسحرى بقى فهو عسل النحل
ده ممتاااااااااااااااااز بينعم الشعر جدا وبيطوله بسرررررررررررعه وبيمنع التساقط وتقصف الشعر

الطريقه

تخلطى العسل مع كريم الشعر ,,انا خلطته بفاتيكا ,,قبل الدوش بساعه وتكرريه كل اسبوع

بجد الوصفات دى فرقت معايا كتير وشعرى طول جدا فى شهر واحد بس
جربوها وان شاء الله مش حتندمو