طبعا الاغلب منا بيشتري صلصة البيتزا جاهزه مع انه كل مكوناتها موجوده امامك بالمطبخ وسهله وما بدها شطاره بشوية خطوات بتحضريها بدون لا مواد حافظه ولا شيء غير مضمون شوفي شو بتحتاجي للصلصه::::
المقادير:::
رب البندوره
كاتش اب
بصل مبشور ناعم
كمون
ورق زعتر ناعم وناشف
بهار كنور او ماجي
الطريقه ::::
بتقلي البصل المبشور ناعم بزيت الزيتون او اي زيت ..
لما تحسي انه ذبل كويييييييس وبطل يقرمش ضيفي الكمون والبندوره
**ملاحظه**
تبشر البندوره بالمبشره يعني بشيل القمع وبمسكها وببلش ابشر وهي غير مقشره حتى ينزل كل اللب وتبقى القشره وهاي اسهل من التقشير والعصر بالمولينكس
الان اضيفي رب البندوره والكاتشاب ثم الزعتر الناشف لكن لاتكتري
اتركيها تغلي شوي وحطي الماجي او بودرة الكنور وذوقي ملحتها وخلص
الان حضري العجين وافرديها على شكل اقراص دائريه واثقبي قاعدتها بالشوكه ومرري اطراف اصابعك حتى ما تنفخ العجينه وحطي اول شيء كاتش اب وبعدين من الصلصه يلي عملناها وبعدين باقي الحشوات
اما الحشوات ممكن تستعملي النقانق المجمد ازكى من المعلب واحسن ولحمة الاكسترا وهي زاكيه على البيتزا
بنبلش باللحمه اما النقانق او لحمة الاكسترا وبنكمل انا هون موضحه على النقانق بس للحمة الاكسترا نفس الخطوات
واخر شي بنحط الفلفل الحلو او الفليفله والجبنه المبشوره وشرائح من الزبده على الوجه ::
هذا الشكل النهائي لبيتزا لحمة الاكسترا
وهذا النقائق
ثم ندخلهم الفرن ويطلعوا بهذا الشكل
صحتيــــــــــــــــــن وعـــــــــــــــافية على قلوبكم
الله لا يحرمني منكن ومن طلتكن الحلوة
تحياتي
