اهلا حبيباتى
قمت امس بعمل بيتزا سريعه وكانيلونى ويارب يعجبوكم 
مقادير الكانيلونى
كوب الا ربع دقيق
كوب وربع لبن
بيضه
معلقه كبيره زبده
رشه ملح
الطريقه تخلط كل هذه المكونات فى الخلاط
ويتم وضع طبقه رقيقه من الخليط فى طاسه بعد مسح الطاسه بزيت قليل جدا
وبعد ذلك يتم عمل الخليط الذى سيوضع فى الكانيلونى وانا عملت لحمه مفرومه
نضع طبقه بسيطه من الباشاميل فى البايركس
وطريقه الباشاميل كالتالى
4 ملاعق كبار زبده ونضع عليهم 4 ملاعق كبار دقيق ونضعهم على النار ونحمر الدقيق ومن ثم نضع اللبن
ويرص الكانيلونى ويوضع فوقه الصلصه
وطريقه الصلصه كالتالى
يحمر ثوم فى الزيت ونضع عليه صلصه وكاتشب وزعتر ويترك على النار قليلا
ومن بعدها باشاميل ومودزريلا وتوضع فى الفرن
فى النهايه 
عجينه البيتزا
2ونصف كوب دقيق
5 ملاعق زيت كبيره
3 ملاعق حليب بودره
3 ملاعق صغيره سكر
معلقه طعام خميره فوريه
نصف معلقه بيكنج باودر
رشه ملح-زعتر
ماء للعجن
نقوم بوضع المكونات الجافه اولا وبعد ذلك نضع الزيت وبعده الماء الدافىء حتى تتشكل العجينه
نتركها تتخمر نصف ساعه ومن ثم نقوم بفردها فى الصينيه بعد دهن الصينيه بالزيت ونضع عليها المكونات المفضله لدينا
وانا وضعت عليها طماطم وفلفل وزيتون ولم اجد لحم مدخن فوضعت بسطرمه وفرانكفورتر بقرى وجبنه مودزريلا
بعد خروجها من الفرن
ابداع
جزاك الله خير على الموضوع الرائع
ماااااااااااااااااااااااااااشاء الله
على العموم انا عازمة نفسى عندك
انا والعائلة بتاعتى هههههههههههههه
شوفتى الرخامة والله تسلم ايديك
انا لما بعمل الكانيلونى بعد الخلط بصفية واتركة شوية
انتى هايلة حبيبتى وشكلهم بيفتح النفس
احلى خمس نجوم وتقييم
انا اول مره اعرف يا هنا ان الخليط بيتصفى واتركه شويه ربنا يكرمك على الاضافه
عموما هو حتى لو كان بيتصفى انا ماعنديش وقت خالص
ده كويس جدااا انى عرفت اعمل حاجه من بنتى الى مجننانى
وخلاص انا هنتظرك انتى وبنوتك بس اوعى ترجعى فى كلامك
مجمعه ليس اكتر ما دام كلها سايلة خالص
ماشى يلا افتحى الباب ههههههههههههه
يمى يمى يمى
شكلهم شهى جداااااااااااااا
تسلم ايديكى حبيبتى يا رب
انا عمرى ما عملت الكانيلونى ان شاء الله بجربه باليوم الفرى