بسم الله الرحمن الرحيم
الحمدلله والصلاة والسلام على
رسول الله وعلى آله وصحبه أجمعين
السلام عليكم ورحمة الله وبركاته
القرنبيط المطبوخ من عمايل ايدى
اتمنى يعجبكم
حنجيب واحدة قرنبيط حجمها على قد عدد الاسرة
نضع الماء على النار بها شوية ملح وكمون
لما يغلى الماء نضع القرنبيط ليتم سلقة
عندما يستوى نضعة فى مصفاة
ونشطفة بالماء حتى لا يتهرى من السخونة لو تركتية
وبعدين نقطعة صغير بالسكينة
نجيب بصلتين
ونبشرهم بالمبشرة
وفلفلة اخضر كبيرة وواحدتين بلدى
ونقطهم صغير
وكرفس افرنجى مقطع
وعلى فكرة لو مفيش كرفس افرنجى نستكفى
بالكرفس البلدى بس نضعة فى آخر الطبخ
ونضع الحلة على النار وشوية زيت ولما يسخن
نسقط البصل والفلفل والكرفس مع بعض
ونرش شوية فلفل اسمر ونقلب لحد ما يحمر بس مش قوى
نضع ملعقتين صلصة نكون خففناها بشوية ماء
ونصبها على البصل ولما تتسبك خالص لحد ما يبان الزيت على الوجة
نضع كوبين ماء ثم نضع التوم وباقى البهارات
الفلفل الاسمر والكمون والكسبرة ومعاهم مرقتين ماجى
لما يغلى الخليط نضع القرنبيط المسلوق والمقطع
ونتركة لحد ما يغلى
ويتم السواء
ثم نضع البقدونس والكسبرة الخضراء
ونقطعهم صغير
ثم نضعهم على الخليط
ونتركهم ياخدوا غلوة واحدة
ثم نصب الاكل فى طبق التقديم ونضعة فى الفرن
لحد ما يتسبك ويحمر الوجة قليلا
ثم نخرجة ودة آخر شكل لة
بالهنا والشفا واتمنى انة يعجبكم
وان اعجبكم فلا تنسوا التقييم
فى امان الله وحفظة
تسلم ايدينك الحلوووووووه .. مشكووووووره يا قلبي
بارك الله فيك
🙂
تسلم الايادي يمي
تسلم الايادى سحوره
طريقه جديده واول مره اعرفها
بارك الله فيك وجزاك الله خيرا
شـكــ وبارك الله فيك ـــرا لك … لك مني أجمل تحية .
ف انتظار جديدك