الفسيخ
أكلة مصرية 100%
وكلنا بنحبها وبموت فيها
وأكيد أخواتنا وحبايبنا اللى من البلاد العربيه
هيحبوه هما كمان
الطريقة
سمك بورى طازة لازم تقولى للسماك عايزة بورى أعملة للفسيخ
هنجيب البورى وتغسلة كويس ومن عند الخياشيم بالمية وبس وأوعى
تشيلى قشرة ودى صورته
وبحطة فى مصفاه من الصبخ لغاية بالليل بس بحط راسة لتحت وديلة لفوق علشان يتصفى من الدم والمية
وساعات بحطة فى زجاجة ميه معدنية فاضية كده علشان يتصفى
عليه وصفي منه دمه بالضغط ع خياشيمه
ودي صوره السمك بعد ما بيكون نشف تما اااااما
تجيبي بقي كيس بلاستيك وتمسحيه بالزيت من الداخل جيدا
وتفتحه وتجيبي ملح خشن
وتحطي عليه شويه شطه ناشفه وده شئ اختياري وكمان ساعات بحط عليه شوية كمون مطحون وشوية كارى بيخليه أصفر شوية
هنحشي الخياشيم بالملح اللي بالشطه
وبعدين خلي بالك معايا انتي وهيا
لو زودتي الملح أووي هيطلع حادق
ولو قللتي الملح ب يدوووود
خلو بالكم كميه معقوله
ونحشي الخياشيم ودا شكلها بعد الحشو
وهنرص كل سمكة عكس اللي جنبها ف الكيس كده
يعني الراس هتكون جنب الديل وبعدين نحط شويه زيت نرشه فوق الرصه ,,,ونرش عليه شويه ملح خشن
والرصه اللي فوقها تكون عكس اللي تحتها
يعني ما نحطش رأس ع رأس لأ
الرأس يكون تحتها ديل وبين كل رصه رشه ملح ورشه زيت
واضحه بقي بيتهيألي
وبعدين خلصنا الكميه نفضي الكيس من الهوا كويس
ونلف ونربط..ونحط كيس جوا كيس جوا كيس حوالي 7 او 8 اكياس ويفضل يكونو سود
مفيش مش مشكله حطي اكياس ملونه وخلي الكيس الأخير اسود ودا الشكل قبل وضع الكيس الأسود
وبعدين ف علبه بلاستيك بغطا وحطيه
مفيش
مش مشكله حطي تحته طبق بلاستك كبيييييييييييييييييييير
وفوقه غطيه بطبق تاااااااااااااااااااااااااااااااني بلاستك برده
وحطيه في مكان جاف وناااااااااااشف لو ف مصر ممكن ف فرن البوتجاز مثلا
او في ركن ف المطبخ عادي لو انتي مش ف مصر
لو ف مصر
بيقعد 15 يووووووووووووم واكتبي عشان متنسيش دا طبعا عشان طبيعه الجو
ولو ف الشتا ميقعدش اكتر من 10 ايام
لو ف الخليج
حطيه 3 ايام وافتحي الرابع
لو ف الشتا حطيه7 ايااااااااااااام وافتحي التامن مثلا
وتقلبوه دايماطول الفتره
وممكن تعرفي انو استوي لو شمتي الكيس ولاقيتي الريحه الحلوووووووه طبعا
وكمان هيكون في ماء
يبقي اتفسخ وبالف هنا ودا شكله بعد ما يتفسخ
وبتقدميه للاكل كده
والطبق ده للرد والتقييم يعنى ملك بتاع الجميع
أدعولى ربنا يحقق لى اللى بتمناه
ولا تزعلى نفسك
كل المصريين مجرد مابيشوفوا الفسيخ مش بيبصوا للريجيم
نورتينى ياحبيبتى
ويارب دايما منورة الدنيا كلها
لانى مش اقدر اكلة
تصورى عمرى ما دوقتو
لكن بالهنا والشفاء
تسلم ايدك
مع اني مش بحبه بس طريقتك جميله
لك ودي و تقييمي حبيبتي