بهاد الموضوع راح اتكلم عن طريقه تقشير البشره بالخطوات والمحاذير المهمه ياللي لازم نتبعها
اول شي راح احكيلكم عن مضار التتقشير طبعا كلنا بنعرف انه ياللي بنستخدمه ماده كيماويه هاد اول ضرر بتدخلي لبشرتك ماده مضره
2- بيفتح مسام البشره لانه الجلد بيمتص الماده للداخل وكل ما كترتي من الاستخام كل ما فتحت المسامه اكتر لان المسام متل المعده كل ما تستقبل تكبر وهاد شي علمي درسناه
3- انه بيشقر وقتي في بنات بيفكروه بيبيض وهاد خطا لانه بيشقر الشعر فانتي بتحسي انه بيبيض بس مو اكتر وبعد ما يرجع لون الشعر برجع الوجه لطبيعته
انا ما بحب التشقير وما بشجعه بس اذا كنت من يالي بيشقرو تعالي اقولك الطريقه الصحيحه للاستخدام ونصائح مهمه اثناء وبعد الاستخدام
المواد اكسجين 3% ركزو هاد التركيز الملائم لانه كل ما زاد التركيز بيحرق الوجه ماشي 3 بالميه وممكن في شركات تكتب 20 فاليوم هو نفس التركيز لا تخافو
فرشاه لالاستخدام او قفازات لو ما في فرشاه لانه الماده بتاثر على الاظافر هاد شي مهم ممكن تكسرهم او يلتهبو
صحن بلاستيك او زجاج بس لانك لو استخدمتي الالمنيوم بيتفاعل مع الماده وكانا ما عملنا شي
بودره يالي تستخدم بالميش
وهلا نيجي للطريقه
بعد خلط الماده وانتبهي لا تخلطيها وتسيبيها فتره لانه الاكسجين بيطير ويروح مفعوله يعني خلط واستخدام على طول
توضع على البشره بالفرشاه او باليد بعد لبس القفاز وتترك 20 دقيقه وملاحظه مهمه لازم يتعرض الوجه وانتي حاطه الماده لهواء بارد يعني بدفتر او كرتونه هوي على وجهك مو تروحي بهالبرد حاطه حالك تحت مكيف وتدعي علي
بعد هيك وهون انتبهي كتير لازم نمسح البشره بقطنه قبل تشطيفه يعني امسحيه بالقطن وشيلي كل الماده وبعدين شطفيه بالماء ليه لانه لو شطفناه على طول ممكن تدخل الماده بالعين وياثر على القرنيه اوكيه
وبالخر بنحط ماء ورد للتخفيف من المسام المفتوحه والافضل شرائح خيار بارده
والحواجب نفس الطريقه بس بنستخدم منظف الاذن على الحاجب فقد وانتبهي ليدخل بعيونك
الموضوع مني انا شخصي ومن يالي تعلمته بالمعهد واي سؤال انا بالخدمه ويا ربي اكون افدتكم
موضوع مميز وطريقة واضحة في العرض
مشكوووووووووووووورة ام احمد ويعطيكي الف عافية
ان شاء الله البنات يستفيدو
تحياتي 
موضوع مميز
تسلم الايادي
