صباح / مساء
الخيرات واليمن والبركات
على الغاليات حبايبى
اعضاء/ زوار
منتدى رجيم
للأسف الشديد دا اخر موضوع ليه فى هذا القسم الرائع اللى استمتعت جدا بوضع المواضيع فيه
طبعا قصدى اخر موضوع ليه تبع(حملة سماء الإبداع)
افتكاسات ولا احلى لحملة
سماء الإبداع
اول افتكاسة
(مهلبيه) بس مش اى (مهلبيه)
مهلبيه بالكيك والتفاح والكريسب
والمكسراات يميميى
سهل جدا جدا وطعمه لذيذ اوى
المكونات والطريقة
اول حاجة محتاجين كيكة ويفضل كيك شوكليت
وتفاح وكريسب محشى شكولاتة
ونقطع الكيك شرائح ونرصها فى الأطباق بالشكل دا
ونشيل الأطباق فى الفريزر حوالى ربع ساعة يعنى على مانعمل المهلبيه
طريقة عمل المهلبيه
سهلة جدا
لبن.نشا.سكر.فانيليا
نحط اللبن يغلى على النار ونضيفله النشا(كوب اللبن عليه 2ملعقة نشا)
ونضبف سكر حسب الرغبه ونقلبه كويس واول ما يتقل نقفل عليه ونضيف الفانيليا
وبكدة المهلبيه جاهزة
نطلع الأطباق اللى محضرينها من الفريزر وهاتكون الكيك اتجمدت شوية
ونصب عليها المهلبيه
ودا شكلها
ونزينها بالمكسرات والتفاح والكريسب
والمفروض يقدم بارد بس لو عندكوا حالة طفاسة زيى
كلوه وهو سخن طعمه يجنن والكيكة طعمها تحفة
وبرده كلت واحد كمان وهو ساقع هههه بس عجبنى اكتر وهو سخن مش عارفة ليه؟؟
بنوتات جربوا الطبق وان شاء الله هايعجبكوا
افتكاسة اخرى
كيكة بالتفاح وبلح العجوة
رااائعة
المكونات
زى اى كيكة عادية بتعمليها
2بيضة
1كوب سكر
ربع كوب زيت
1 الا ربع كوب دقيق ولو احتاجت زودى
نصف ملعقة فانيليا
1 الا ربع كوب لبن
الطريقة
ضعى كل المكونات فى الخلاط الا الدقيق والبيكنج بودر
واضربيهم ضرب
مبرح وقلبى الدقيق مع البكينج بودر وضعيهم عليه
وقلبي العجينه كويس ولو احتاجت دقيق او لبن حطى
وتجيبى صينيه وتدهنيها بالزيت والدقيق
ورصى فيها البلح العجوة بالشكل دا
وبعدين التفاح
ونصب عليها الكيكة براحة
وبعدين ندخلها الفرن المولع
على درجة 160 وبعدين من فوق على نار وسط
ودا شكلها بعد ما استوت
ونروح قلبينها بالشكل دا
والطعم حكاية والريحة خرافة
ونزينها بالزبيب والجوز الهند
وطبعا انا شلتكلوا قطعة لأول رد مع كوب كابتشينو
وباقى الصينيه اكيد انا اللى هاكله
وبالهنا والشفا على فكرة الكيكة دى لايقة جدا بالشتا اللى احنا فيه
جربوا الكيكة وان شاء الله هاتعجبكوا
بنوتات
اتمنى الإفتكاسات تعجبكوا
وشكر مسبق
على الردود الجميلة والتقييم الرائع اللى جاينليى فى الطريق
انا طبعا بودع الحملة فى هذا القسم وانتظرونى ان شاء الله فى الأقسام القادمة
واحب اشكر كل اللى ابدعوا واتحفونا بمواضيع راائعة فى هذا القسم الرائع
واحب اشكر كمان مشرفات هذا القسم الرائع
لكم خالص مودتى
(ولا احلى)
تسلم الايادي ملووووووووكه
الحلو بتشهي يا قمر
الحلو بتشهي يا قمر
ومن غير ما تعزمي انا اخدت الي ليا
تسلم الايادي يا عروسه
تسلم الايادي الجميله على الاطباق اللي ولا احلى منها
بالخاتمه اللي كتبتيها حسيت ان الاطباق الحلوه راح تنقطع عنا
ونهوله تروح فييييين هههههههه
أبدعتي حبيبتي
بس كلمة افتاكسات أصلها يرجع لمين
واحلى تقييم طبعاً
بالخاتمه اللي كتبتيها حسيت ان الاطباق الحلوه راح تنقطع عنا
ونهوله تروح فييييين هههههههه
أبدعتي حبيبتي
بس كلمة افتاكسات أصلها يرجع لمين
واحلى تقييم طبعاً
اقتباس : المشاركة التي أضيفت بواسطة nehla
تسلم الايادي ملووووووووكه
الحلو بتشهي يا قمر
ومن غير ما تعزمي انا اخدت الي ليا
تسلم الايادي يا عروسه
اهلا يا نهولتى
شكرا على المرور يا احلى نهووووول وبالهنا يا قمر
تبقى تبعتى الأطباق لما تخلصى هههههههه
نورتى موضوعى ويارب ديما يا احلى نهولة
قد يهمك أيضاً:
تسلم الايادى و لا احلى و فى انتظار افتكاسات اخرى………….