أنواع السمك المقلى والمشوى يارب تعجبكم
السمك بالزيت والليمون
..المقادير:
-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم
..الطريقه:
-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..
[IMG]http://dc01.***********/i/00088/emy3umnxpxw7.jpg[/IMG]
[IMG]http://dc01.***********/i/00088/07cohv4p1x8w.jpg[/IMG]
[IMG]http://dc01.***********/i/00088/05h352gtx8bv.jpg[/IMG]
السمك الصيدية 
…المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
– ربع ك عصير طماطم(أكلتي لفردين فقط)
-ليمونه
-ملح وكمون وشطه
..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج .
[IMG]http://dc01.***********/i/00089/qs1o7is933ms.jpg[/IMG]
[IMG]http://dc01.***********/i/00089/0pb62nk4m3cr.jpg[/IMG]
[IMG]http://dc01.***********/i/00089/9t9133bub9od.jpg[/IMG]
السمك السنجارى 
..المقادير:
– سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون
..الطريقه :
-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر
[IMG]http://dc01.***********/i/00089/i9c353vx714d.jpg[/IMG]
[IMG]http://dc01.***********/i/00089/qbnid6ehopee.jpg[/IMG]
[IMG]http://dc01.***********/i/00089/lbj9wcteeg9u.jpg[/IMG]
السمك المشوى
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله
..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا
السمك المقلى
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو
..المقادير:
-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر
..الطريقه:
-يتبل السمك ثم يترك ساعه علي الأقل ثم يغطي بالدقيق
ثم يدخل الثلاجه من نص ساعه لساعه ثم يحمر في زيت غذير
[IMG]http://dc01.***********/i/00089/ifz7giop1nlr.JPG[/IMG]
تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 778 * 519 و حجم 67KB.[IMG]http://dc01.***********/i/00089/tuk07le4g29w.JPG[/IMG]
صينيى السمك بالصلصة 
-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم
..الطريقه:
-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير
[IMG]http://dc01.***********/i/00089/qblm3bvunlst.JPG[/IMG]
[IMG]http://dc01.***********/i/00089/03u1cbe78kai.JPG[/IMG]
[IMG]http://dc01.***********/i/00089/fv8as4b5tsd5.JPG[/IMG]
تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 778 * 539 و حجم 62KB.
…أتمني تعجبكم الطرق وتنال رضاكم ..
تحيااااااااااااتي لكــــــم
منتظرة ردودكم وآراءكم عالموضوع……. جربوها وصحتين وعافية على قلوبكم
الف صحه وهنا على قلبك …مشكورة خيتو عالمرور العسل
تسلم ايدينج حبي
مشكورة عالمرور اختي ام عراق الدلوعه