جيف الأحوال الغاليات
بصراحه اليوم حابة تشاركوني تجربتي بدون خدم وأبغي آرائكم
بصراحه أنا أبد مب مترقعه ويا الخدم دوم مشاكل ومايتمون عندي
وآخر وحده سفرتها وربي لايردها الإسبوع اللي طاف
في البداية ظنيت إني ما بقدر على شغل البيت واليهال (عندي 3) وبعدين من تجوالي في منتداي الرائع
إكتفت قدراتي في السيطره على كل الأمور من ترتيب وطبخ وتنظيف ومذاكرة لليهال وغسيل وكي وغيرها……….
والمشكله عندي حديقة منزليه في البيت أكثر من خمسين متر ؟ وبيتي فيلا من ثمان غرف وصالتين من غير الملاحق والمطبخ
بس الحمد لله اللي يتوكل على الله مايخيبه
سويت لي جدول يومي وإسبوعي وشهري والحمد لله عندي وقت كبير لعمري ولأبو العيال
نبدأ بالجدول اليومي:
بعد صلاة الفجر ألعب رياضه وبعدين أتريق وأجهز ريوق اليهال وتبدأ الأعمال المنزليه:
1- أهوي البيت بفتح النوافذ.
2-أغسل الملابس .
3- أسقي الحديقه
4-أنظف واجهات البيت
5- أصحي ولدي للنوم للمدرسه وأسبحه وأريقه وآخذه للباص
6-أصحي عيالي الباقين وأريقهم وأسبحهم وآخذ ملابسهم للغساله.
7-أنظف المطبخ تنظيف بسيط مسح وترتيب الأغراض اللي خارج الكابينات.
8-أنظف غرفة اليهال مع الحمام عزكم الله
9- أرتب غرفتي مع الحمام عزكم الله
10- أرتب الصاله المستخدمه.
11-ألعب ويا عيالي لمدة نص ساعه وبعدين أحط لهم برامج التلفزيون وفي هذي الفترة آخذ لي قيلوله وأنام جنبهم
12- أبتدي التحضير للغدا
13-أصلي الظهر
14- يوصل ولدي من المدرسه أغديه وأبتدي أذاكر له دروسه وحل واجباته وألاعبه وأخليه ينمي موهبة الرسم عنده
13- أشتغل على الكمبيوتر للعصر وأصلي
15- أبتدي في كي الملابس وترتيبها في الدواليب
16-أنظف الأماكن اللي محتاجه لتنظيف
17 – أسقي الزراعه الجابية .
18-أجهز للعشا وأتعشى أنا واليهال وأسبحهم وأنومهم الساعة 7:30
19- أتابع برامجي المفضله وأقرأ لي كتاب أو قرآن لين الساعه 10
20 أطفي أنوار البيت وأتوكل على الله وأنام
على فكرة ترى عيالي على الرغم من صغرهم الا إنهم يساعدوني في أشغال البيت البسيطه مثل ترتيب غرفتهم
وبعد زوجي مايكون موجود عندي الا آخر اإسبوع
إذا عجبكم نظامي ممكن إني أعطيكم الجدول اللإسبوعي والشهري
ملاحظه هامه أكثروا من الإستغفار وأنتو تقومون بأعمال المنزل ولا تخلون الغرف في حاله فوضى أبدا ،يعني لازم تهتمون بنظافتها أول بأول وهذا يساعدج على الشغل في البيت
وسلامتكم..
