إعملي شمعة معطرة من عمايل إيدك وبأقل التكاليف من الشموع اللي في البيت
أولا هتجيبي مجموعة من الشموع اللي عندك وتضعيها في آنية فخارية وليكن مثلا طبق صغير او اي حاجة تنفع تحطيها علي النار وتكون شكلها حلو وتكوني مش بتستخدميها بس تكون مش كبيرة ثانيا هتحطي فيها الشموع وتحطيها علي النار حتي تسيح تماما بساوعي تتحرق منك هههههه هتشيلي الفتل كلها من الشمع قبل ما تحطيه علي النا هتقوليلي الشمع هينكسر مش مهم كدة كدة هتسيحيه ثالثاهتجيبي شوية زيت عطري النوع اللي بتحبيه وليكن مثلا زيت مسك او لافاندر او اي نوع بتحبي ريحته وتضيفيه علي الشمع وهو علي النار وتقلبي بحاجة معدن رابعا تصبي الشمع السايح بسرعة فياي حاجة مثلا شمعدان بدون ثقوب وتكني دهناه بمية
علشان ما يلزقش منك او لو إنتي عايزاه تخليه في الشمعدان صبيه بدون مية
وقبل ما يبرد تجيبي فتلة دبارة مدهونة بزيت ممكن يكون عطري أو أي زيت تضعي الفتلة في وسط الشمعة وتفضلي مسكاه لحد ما الشمع يبرد ويتجمد وتقصي الزيادة من الفتلة علي فكرة لازم تخلي الفتلة توصل لآخر الشمعة وبكدة تكون عندك شمعتك المعطرة اللي بتحبي ريحتها وكل ما تشعليها هتشمي ريحتها 
اتمني الرد وتقييم الموضوع
وعلى فكرتك الاروع
سلمت يداكى ما تحرمينا من افكارك الجميله
فكره جميله وان شاء الله اجربها
مبروك الوسام 
فى انتظار المزيد من تجاربك الرائعه 🙂
ان شاء الله اجربها
مشكوره حبيبتى ودمتى متميزه دايما
🙂