أطـباق إيـطالية بنـكهة سـعوديه /^_^ 2024.

السلام عليكم ورحمه الله
وحي الله اهل الطبخ والنفخ
حبيت اسوي طبخات ايطالي بنكهة سعوديه
فيني طبع اذا اعجبتي طبخه بس فيها حاجه مااحبها على طول استبدلها بالشي باللي احبه
ومع طبخي دايماَ الحياة اسهل

البـاســتا
مع الدجاج والصلصه البيضاء

المقادير:
باستا النوع اللي تفضلونه
دجاج صدور او مفروم
بصل
ثوم
ماجي
بهارات ايطاليه

الطريقة :
نسلق الباستا مع ماجي
ونحمس البصل والثوم لمن يحمر
ونضيف له الدجاج ونقلبه مع بعض
نتركه على نار هاديه ربع ساعه
بعدها نضيف عليه البهارات الايطاليه

الصلصه البيضاء:
احب استخدم القشطه وجبن كرافت السايل
اخف والذ من صلصله الباشميل
اضيفي عليه قشطه مع ثلاث ملاعق كبيره جبن بالخلاط

مقادير العجين:
2 كاس دقيق
2 ملعقه حليب بودره
1 ملعقة خميره
كاس ماء دافي
رشه ملح
ملعقه صغيره سكر ناعم

مقادير الصلصه:
ثوم مهروس
ملعقة شاي أوريجانو مجفف
8 ملاعق كاتشب
2 طماطم مفروم (في الخلاط)
بهارات ايطاليه

سخني الزيت الين يوصل لدرجة التدخين تقريبا
ابعدي عن النار شوي ونزلي الطماطم في الزيت مع الثوم والأوريجانو
اتركيه على نار عالية لمدة 5 دقائق بعدين
تبليها بالملح والفلفل والبهارات الايطاليه
افردي العجينه بصينيه واضيفي لها الصلصه والزيتون والفلفل الرومي
دخليها الفرن لحد ماتستوي من تحت
طلعيها ورشي عليها جبن الموزريلا (افضل نوع برايد ) ودخليها للفرن من فوق

الحـشوه:
بصل شرائح
مشروم شرائح
فلفل رومي شرائح
جزر مبشور
صلصة بيتزا او كاتشب
شرائح مارتدلا ( استبدلتها بدجاج )
جبن موزريلا

الطريقة:
نفرد العجينه بشكل مربع
ندهنها بصلصه البـيتزا او الكتشب
نضيف الدجاج وباقي المقادير ونسكرها بشكل جديله
واذا حابين سوي العجين دوائر وسكريها بحيث تكون نصف دائره
ونرش جبن الموزريلا ع الوجه وندخلها الفرن

المقادير :
الخبز الفرنسي (اذا ماعندك ترا الصامولي يقوم بالواجب )
زبدة
حبنة برميزان مبشورة
3 فصوص ثوم مهروس
زعتر (نسيت اضفيه)
جبن موزيلا

الطريقة :
نخلط الثوم مع الزبدة والزعتر
نقطع الخبز شرائح نصف الشرائح في صينية
ندهن كل وحده بالخلطه
نرش عليها جبن البرميزان والمورزيلا
وندخلها للفرن لحد ماتتحمر

الحشو:
اي جبنه حابينها
انا اضفت الجبن الشيدر
مكن نضيف الجبن الابيض مع الزيتون اسود واخضر
او مع الزعتر ……

الطريقة:
نفرد العجين بشكل دائره
ونقطعها مثلثات مثل البيـتزا
وتحشي كل مثلث ونلفه بشكل رول
وندخلها الفرن ..