أبشركم حصلت حلى الفازه أخيرآ 2024.

رأيت موضوع بعنوان ((حلى الفازه))

بصراحه ماتتصورون قد إيش فرحت

لأنه عن جد تعبت وانا أسئل عنه وما أحصل الجواب

لكن أخيرآ كتبته والله يوفق صاحبة الموضوع دنيا وآخره يااارب

وهذا هو حلى الفازه لمن يريده

المقادير والطريقة :
1 / حلى السميد وجوز الهند والسمسم<< اسمه هو المقادير

كأس سميد , كأس جوز هند , كأس سمسم تشقر على النار جميع ثم نضيف لها باكيت بسكوت مجروش ..
ثم تعجن باللي يكفيها من النستلة ..
ثم تكور وتترك ع جنب ..

2 / حلى الشعيرية الباكستانية [ المعروف ]
شعيرية باكتسانية تشقر ع النار مع زبدة أو سمن ثم تعجن باللي يكفيها من النستلة .. وتكور وتترك ع جنب مع الحلى الأول ..

وهذي صورتهم .. حلى الشعيرية " يمين " والثاني " يسار

جيبي ثلاث صحون .. واحد فيه أوريو مطحون .. والثاني فستق مطحون وفي الثالث جوز هند مشقر ومطحون

قسمي كور الحلى إلى ثلاثة أقسام .. قسم قلبيه بالأوريو وقسم بالفستق وقسم بجوز الهند ..
والأفضل إنك ماتقلبينها بالصحن ,
جيبي كيس ودخلي فيه كور الحلى مع الفستق مثلا

وتمسكين الكيس من فوق وتقلبينها حتى يتوزع الفستق كله ع الحلى بشكل متساوي ..
نفس الشيء بالأوريو وجوز الهند ..
هذي صورتهم بعد التقليب

خلاص ,, انتهينا من الحلى ..باقي تقديمه << وهو الزبدة ..

تحتاجين فازة .. جرة .. جالون …….الخ
أي شيء .. المهم شيء زجاجي قريب من هذي الصورة

<< نادر يخلو منها بيت .. وان اختلفت الاستعمالات

املئي ثلثها الأسفل بطبقات بسكوت مطحون , وأوريو مطحون , وفستق مطحون
وتفنني فيه كأنك ترسمين بالرمل ..< مع ان الرسم بالرمل أسهل بكثير

فوق هذي الطبقات .. وزعي " ام آند إمز " والحلويات الصغيرة الملونة مدري ايش اسمها .. مثل اللي بالصورة

الآن جاء دور الحلى .. عبي الفازه بكور الحلى .. وحاولي تكون الألوان موزعة ( الألوان : الفستق والأوريو …الخ )
ووزعي بين الكور " إم آند إمز " والحلويات الثانية ..

ويؤخذ بشوك صغيرة ..
أو أعواد بلاستيكية مثل هذي

بألف صحه وعافيه