السلام عليكم
ازيكم يابنات
انا كنت كل ما ادخل ع القسم ده اتمنى انى اوصل لمرحله اقدر اكتب فيها تجربتى الناجحة
فقلت خلاص لما اكسر رقم ال 80 اللى كرهنى فى عيشتى ده واللى فضلت بيه 5 سنين من بعد ولادت بناتى ربنا يخليهملى هاكتب تجربتى هنا
وانهارده بس وبعد طول عنااااااااااااااااااااااااااااااااااااااااء شفت الرقم ع الميزان 
79.8 ياااااااااااااااااااااااااااااااااااااااااا مش مصدقة نفسى من بعد ماوزنى وصل 91.5
كنت حاسه انه امل بعييييد ومستحيل خصوصا ان نسبة الحرق عندى ضعيفة جدا جدا جدا يعنى الكيلو بنزله بعد طلوع الروح والله 
انا بقى مشكلتى فى نزول الوزن تتمثل فى حاجتين اولهم انى مش بقدر امشى ع نظام معين يعنى يقولى الفطور كذا والغدا كذا مستحيييييييييييييييييييييييييل
وضيعت كتير من الوقت نقدر نقول سنييييين عشان اعرف انى مستحيل انزل وزنى بنظام معين لانى رحت كمان لدكتور تخسيس وفشلت معاه
والتانى طبعا ان حرقى ضعيف ودى حاجة مليش يد فيها ومقدرش اعمل حاجة فيها 
غير انى اصبر وتكون عندى اراده انى استحمل
اندخل بقى فى المهم وازاى نزلت ال 12 كيلو دول اللى فرقو معايا جدا وبدات اطلع اللبس القديم وبقى يجى مقاسى
والله كل تعب الواحد يهون قدام اللحظة دى
انا بقى من سنتين ونص كده قبل ولادت بنتى الثانيه نزلت كويس على نظام حساب السعرات الحرارية وطبعا لانه نظام ممكن تاكلى كل اللى نفسك فيه
بس مجموع سعراتك مايتعداش عدد معين وللاسف رجعت الوزن ده كله بعد الحمل والولاده
ومن كام شهر كده قررت انزل تانى الحقيقة مش بقت احسب بالورقة والقلم لان بقى عندى خبره خلاص 
نظامى كان انى ابعد عن المحمر والمشمر 
والاكل اللى سعراته عاليه جدا ومش يشبع والارز والمكرونه كل فين وفين وبكميات قليلة جدا
اما الخبز كان اكتر حاجة ممكن اكلها لو عكيت رغيف صغير ده قمه العك
وكترت الفواكه والخضار والميه وعالجت مشكلتى الكبرى فى السكر لانى بحب اووى طول اليوم اشرب حاجات سخنه شاى اخضر ونسكافيه
واستبدلته بالسكر الدايت والحاجة الساقعة دايت بس مره بالاسبوعين
والحاجة اللى بقى ببقى هاموووووووووووت عليها يعنى ومش قادرة باخد قضمه صغيرة من نفسى 
ولو معزومة بره او يوم الفرى باخد حبه اورلى عشان لو الدهون بالاكل كبيرة
واهم حاجة طبعا واللى من غيرها الريجيم يبوظ الرياضة ثم الرياضة كنت بلعب كل يوم
عشان كنت مرعوبه ان جسمى يرهرت ويبقى شكلى وحش
وتخيلو بعد كل ده كان ممكن الاقى وزنى ثبت مده وكنت بتعب نفسيا اوووووى انى اتعب اووى كده وملاقيش نتيجة او الاقى كالعاده نتيجة صغيرة
لكن كنت بدعى كتيير واقول اهو صغير على صغير بكره يكبر
انا دلوقتى فى نص الطريق بالظبط ادعولى انى انزل بصحة وان ربنا يعنى ويرزقنى الاراده
واستنونى بقى بعد كام شهر ان شاء الله (طبعا عشان نزولى زفت جدا 
) فى موضوع واخيييرا كسرت ال 70
ربنا يستر وميكونش بعد سنين اصلى شايفاه امل بعييييد
وقبل ما امشى بقى هاقولكم الخلاصة للتذكرة
نظام اكل صحى ومتوازن بسعرات قليلة + رياضة + ميه كتير
ده الاساس واى حاجة تانية كلها اضافات ع الاساس
ماشاء الله عليكِ
ألف مبروك على نزول وزنكِ ياقلبي وعقبال كل من يريد أن يخفف من وزنه .
يعطيك ألف عافيه ع طرحك لتجربتك في إنقاص الوزن..
بإنتظَآرَجَديِدكًـ بشغفَ
تقبلي مروري وتقييمي ياقلبي ودمتي بحفظ الرحمن
مع تمنياتى للجميع بحياة صحية ورشاقة دائمة
دودى ألف مليوووون مبرووووك
ان شاء الله يارب من تقدم لتقدم
فرحتيييينى جداً ويارب دايماً نسمع انجازاتك
وعقبال ما تفرحينا الفرحة الكبيرة وتقولى لنـا وصلت لوزنى المثاالى
الله يحققلك هدفك عاجلاً
الله يوفقك ياقمر
والله يخليلك بناتك وتفرحى بيهم يارب
وعقبال وصولك لتنقيص وزنك بشكل اكبر
بالتوفيق
واحلي تقييم لعيونك
الف الف مبروك وان شاء الله لعيد اﻻضحى تكوني كسرتي ال70 يارب
الف مبروووك نزول وزنك
وان شاء الله تحققين حلمك وتكسرين الرقم 70 