الأول: اتخلى عن اللي حبك و صاحبك فدربك ؟
الثاني: و ليش ما تكون انت البادي يا صاحبي ..
الاول: انا البادي و انت سبب كل جروحي ؟
الثاني: كيف تسميني البادي و الجارح لجروحي ؟
الاول: لاني من اجلك تخليت عن احبابي
و بقيت انت كل احبابي ….
الثاني: انت من طبايعك التخلي …
و افرض في يوم صرت انا منهم
و صرت لي بناسي ….
الاول: حرام عليك يالغالي انك تقول لي..
انه من طبايعي التخلي ..
و كيف اتخلى عن الروح اللي فيني ؟
الثاني: كفايه عتاب يا صاحبي ..
انا رايح خلاص اتعبتني المآسي…
الاول: انت اللي تتخلى عني ألحين ..
و تتركني لحالي ….
الثاني: انت اللي جبرتني يا صاحبي …..
الاول: ليش يا صاحبي ؟
انت الربيع اللي انا منه احيا بدنياي
انت النسمه اللي بها اعشق سماي
انت اللي به انا اعيش اسعد ايامي
و تبي ترحلربعد هالكلام يالغالي…
الثاني: كلامك بالقلب م****
و حبك بالوفى معهود
و اسمك بالحسن معروف
لاكني بالقهر مهموم
الاول: افا يالغالي علّي …
انت اللي مقهور!!
و انا بالقهر محفور
اعيش بدنيتي ميؤؤس
و بحسرتي مرسوم
و تقول ان اسمي بالحسن معروف
بعد ما طلبت الرحيل ؟
الثاني: هييييييييييه يا ربيعي ….
انا فاهم شو اللي في بالك يدور هالدقيقه
انت تتساءل و تقول فخاطرك ..
تقول دام هذا ليش البعد عن الاحباب ؟
ليش انكثر الاشواق ؟
ليش انتعب الآمال ؟
و ليش انعذب الاصحاب ؟
الاول: دامك فاهم بالي و احساسي
و عارف خاطري و اسبابي
عيل ليش كل هالعناد يا رفيقي ؟
خلنا دوم بالعهد وافين
و بالزين معروفين
و بالحب مشهورين
و بالطيب مذكورين
الثاني: عارف.. و و الله اني بداري..
ارجوك كفايه ابي ارل عن دنياك
و انا ارجع لدنياي
كفاني عذاب يا صاحبي
اذا كنت تحبني و تهواني
خلني بحالي يالغالي …
الاول: يعني تبي ترحل خلاص ؟
تبي تتركني بباس ؟
الثاني: هيه .. اعتذر
ادري ان الغذر مهب كافي ..
بس و غلاتي تسامحني
انا راحل للابد راحل
الاول: تبي ترحل بعد ما صار لي كل اللي صار؟
الثاني: تذكر يوم مشت روحي لروحك تعاتبها..
على اللي صار لي من فعايلها
قمت انت تناديني و تناديها
" تعالوا عندي انا اناديكم للقياها"
و قامت روحك تعاتبني بمعاملها
في امة الناس تأنبني و ما بينها
و ألحين انت اللي تبي ترحل من بعدها
الثاني: انا اسف قد ما طار الطير من اعشاشه
انا اسف قد ما فتحت في الازهار في الربيع
انا اسف قد ما قال سال الدمع من عيني
انا اسف قد ما قال لساني احبك يا اغز
الاصحاب
و ظل اسف لين ما تقول قبلت الاعتذار…
الاول: ما بين الاصحاب اعتذار ..
بس حب و تفاني و وآم ..
ما في غيره في درب صحبتنا
خلها على بالك و لا تنساها
الثاني: لك وعد مني ما انسى و لو ما عدت لورحي
بمالك ..
الاول: ما عدت بفاهم يا صاحبي اش معنى كلامك ؟
الثاني: اقصد ان روحي راح تبقى لك ديمه
و ابقى انا لحالي يا رفيقي
الاول: بعدي مب فاهم
لا تكلمني بالألغاز بعد تالي
كلمني بكلام يدخل خيالي
الثاني: مالك إلا طيبة الخاطر
بكلام مفهوم يدخل خيالك
معا اني اعرف انه اكبر اهمومك
الاول: كفاك الغاز و ألغاز
فهمني تراني هب فاهم عليك
الثاني: اقصد اني راحل
الاول: ليش….
بعد كلامي و كلامك
بعد اعتذاري و اعتذارك
بعد جروحك و جروحي
بعد تابك و عتابي
بعد كل هذا تبي تتركني و ترحل
بس إذا انت بناوي عالرحيل ارحل
تراك متعبني يا صاحبي ..
ارحل
الثاني: علمك يا رفيقي ..
ما عت لي بعون يا صاحبي ..
الاول: ما كنت ادري ان هذا من شيم الاصحاب..
الثاني: قلت كفايه عتاب
بسّك
يكفيني الي فيني
الاول: تبي تركني
بعد 5 سنين جمعتنا
بعد ايام عشناها
بعد آلام تقاسمناها
بعد كل هذا تبي تترك
الثاني: كفايه …
يكفيني عذاب..
تكفيني جروحي..
كا كنت ادري ان هذا كلام الاصحاب
الاول: و ما كنت بداري ان هذا بفعل الاصحاب
الثاني: كنت احسب ان عهدنا باقي !
الاول: كنت افكر و اقول اذا كان لماضينا وجود؟
الثاني: كنت احس ان الحب ماله حدود
الاول: كنت اقول ان اذا مازلنا واحد
و إلا للرحيل آراء …
الثاني: كل هذا لاني بغيت البعاد
قلت اني ببعد بجسمي هب بروحي
الاول: بس انت راح تبعد بضحكتك ….
بتبعد بهمستك
بآهاتك
باحزانك
بافراحك
بآمالك
و بدنياك .. و انا بداري ان كلامي صادق ..
بس اسالك اذا كان لك راي باقي …
الثاني: بس الاصحاب اصحاب وين ما كانت دنياهم .
و وين ما كانت احلامهم .. آمالهم ..
آلامهم .. همساتهم .. و ضحكاتهم ..
بس تأكد يا صاحبي اني راحل اكيد ..
الاول: خلاص ارحل …
لكن تأكد بأنه
ما عاد لرجعتك سبيل.. ترى عافك الخاطر اكيد
الثاني: وشلون يعفيني الخاطر
اللي انا منه احبك
وشلون يبيعني بعد تفاني وحب دام طول الايام
قلت انت اننا اصحاب مب في ليله و ليلتين من
زماننا…
بيننا عشرة عمر عشناها بأحلا الوانها…
قد عمر طير نمى و كبر و طار ما بين اغصان
اشجار بستانها …
و ضل للشجر وافي و صار بزاير لها كل زمانه
و زمانها…
و ما فرقهم شوى تراب احتوته دونها …
و باتت وحيده تذكر احلا لياليها …
هذا الطير اهو اناولحبك دايم مكان في قلبي..
اما الشجره فهي انت يا المخلص يا الغالي ..
انت اللي بعهدي وافي ..
و بجبي باقي ..
و بهمستي ناجي ..
و بعيشتي هاني ..
و برحلتي قاسي …
و بموتتي باكي ..
و بوحدتي لك مهب عادي ..
و بأصراري انت مب راضي ..
و تبقى ذاكرني طول غيابي ..
و الحين انت ناهي ؟
الاول: دامك عرفت و فهمت سبب زعلتي و ضيقتي ..
و داويتها بكلماتك …
ما عدت بناهي إلا اني بهاوي لروحتك
و لرجعه تجمعنا من يد ويديد …
ما راح تمنعني من انتظارك ..
بنتظر ولو طال انتظاري …
و لو حتى عشت عمري كله في انتظارك ..
الثاني: ارجوك لا تعذبني ..
لا تنتظر .. ترى بيطول انتظارك ..
عيش دنياك و جنه اجر يوم في عمرك ..
عيش آمالك و حققها فحياتك …
و لكن … لا تنسى انه في يوم كان لك
صاحب حبك و هواك …
لاخر ايام رحيله من حياتك ..
الاول: لا تخاف عهد الاصحاب ما يضيع ..
و يبقى في القلوب دايم ..
و لو طالت الغيبات ..
الثاني: ونبقى على طول ….
اوفى اصحاب زماننا …
بكل تفانينا و نجوانا …
لمروركم اخواتي