انا كل مرة بعمل البتيفور عادي
بس المرة دي لقيت له فكرة
جمييييييلة وهي اني اعمل معاه علبة
من بسكويت السابليه
عشان يتحط فيها
وطبعا ممكن نحط فيها
اي بسكويت مش البتيفور بس
بسم الله ندخل في مقادير البتيفور
4 كوب دقيق
2 كوب سمنة
1 كوب سكر بودرة نااااااااعم
3 بيضات كبيرة
2 ملعقة كبيرة حليب
فانيلا
1/4 ملعقة صغيرة ملح
ملعقة صغيرة بكنج بودر
الطريقة
تخفقي السمنة والسكر بالمضرب الكهربائي
لغاية ما تبقى بيضا وتنفش جداااا
بعده تحطي عليها البيض كله دفعة واحدة
والفانيلا والملح
وتخفقي لينفشووووووا كماااان
بعدها تحطي الدقيق المضاف الية البكنج بودر كله
ودلوقتي تعجني بإيديكي
حوالي 10 دقايق
الى ان يتشرب الدقيق كل مقدار السمنة والبيض
وهتلاقي ان العجينة لينة ماتزوديش دقيق
وده عادي جدا مع العجن هتلاقيها اتشربت كل
مقدار السمنة وبقت متجاانسة ومتماسكة
مع بعضها
دلوقتي بأه تحطي الحليب
وتعجني برده
حوالي 5 ل10 دقايق
الى ان تتشرب العجينة الحليب
ويختفي الحليب
وتكون العجينة متماسكة وهشة
ولايوجد فيها اي سائل ظاهر
دلوقتي بأه
عايزة تعملي بتيفور بالشيكولاتة
إقسمي العجينة قسمين
وحطي على النصف
اللي عايزاه بالشيكولاتة
من 5 ل6 ملاعق كاكاو بودرة منخول
حسب ذوقك
و
2 ملعقة صغيرة قهوة مطحونة
ومش هتبان في الطعم ابدآآآآآآآآآ
بإذن الله
بس هتخلي طعم البيتفور كأنه
شوكولاتة تماااااااما
وبس كده شكليه في الصواني
حسب ذوقك
وعلى اي شكل
وبعدها تدخليه الفرن يستوي
مش بياخد وقت
بس لما بيستوي بإذن الله
تخليه يبرد في الصواني تماما
قبل ماتشيليه
وبعده تحفظيه في علبة محكمة
الاغلاق
ودي صورة لطبق من البتيفور
ندخل بقى دلوقتي بسم الله
في مقادير البسكويت المشكل
(السابليه)
6 ملاعق كبيرة زبدة
2صفارة بيض
3/4 كوب سكر
1/4 ملعقة صغيرة ملح
فانيلا
2الى 3 ملاعق كبيرة ماااء بارد جداااا
2ملعقة كبيرة عصير ليمون باااارد
2 كوب دقيق
ولو عايزة سابليه بالكاكاو
تقسمس العجينة نصفين وتحطي على قسم
2 م كبيرة كاكاو
و
1/4 ملعقة صغيرة قهوة
وتعجينها الى تتلون بلون الكاكاو تماماااااا
الطريقة
تحطي الدقيق والزبدة والسكر والملح وصفار البيض
ببولة وتفركي الزبدة باطراف اصابعك
لغاية ماتبقى العجينة عاملة زي البقسماط الخشن
والزبدة تكون زي حبات البازلاء الصغيرة
بعدها تحطي عصير الليمون وتعجني العجينة كويييس
اخر حاجة تحطي الماء الباااااااارد وتحطي معلقة ورا معلقة
عشان ممكن العجينة مش تحتاج الا 2 م كبيرة ماء بس
لما تلاقيها بقت كرة متماسكة مع بعضها خلاص
افرديها بالنشابة سماكة متوسطة ولو احتجتي دقيق للفرد
حطي بس يادوب دقيق بسيييط عشان تنفرد بس
عشان مش يزيد مقدار الدقيق في البسكويت
وقطعي باي اشكال تحبيها وتحطي البسكويت
في صينية مدهونة
ولما تملأي الصينية تحطيها في
الثلاااااااجة عشان تبرد تماااااااما
من 25 ل 30 دقيقة
بعدها تحطي الصواني في الفرن
من هاديء لمتوسط
مش بياخد الا ربع ساعة باذن الله
وطبعا تراقبيه
وبس كده
بسم الله ندخل في الصور
اول حاجة تحطي تقعي شكل نجمة او اي
شكل بالعجينة البيضا
وتحطيه في الصينية
وبعدين تقطعي جواها بقطاعة اصغر منها زي الصورة
وتشيلي النجمة اللي قطعتيهاااا من الوسط
وتحطي مكااانها نجمة بالشوكولاتة
وتلصقي الحواف ببعض
البضا واللي بالشوكولاتة بإيديكي
ودي صورة القطاعات
تستخدمي الاول القطاعة الكبيرة
وبعديها القطاعة الصغيرة تفرغي بيها النجمة
وآخر حاجة تقطعي نجمة بالشوكولاتة بالقطاعة
المتوسطة وتحطيها في الفراااغ
طبعا الطريقة دي خنيقة ومملة ههههه
بس دي الطريق التقليدية لعمل البسكويت
المشكل
بس انا عملت وحدتين منها كده بسس
لكن عشان تسهلي على نفسك وتخلصي على طوول
تحطي نجمة بالشوكلاتة كبيييرة
في الصينية
وتحطي فوقها نجمة صغيرة بيضا
وتلصقيها فوقها
أو العكس
وهيكون عندك نفس النتيجة
بدون وجع الدماغ ده
ودي صورة له بعد مااستوه وقدمته
والنجوم الصغيرين دوول اللي عملتهم بالطريقة
السهلة
نجمة بيضا كبيرة
عليها نجمة صغيرة شكولاتة
دلوقتي بأه نيجي لعلبة البتيفور
طبعا انا عملتها بنننفس
مقادير السابليه اللي فوق
بس خلتيها بيضاااا
مش بالكاكاو
وعشان العلبة تبقى مضبوطة كويس واعرف
ألصقها ببعضها لما تستوي
قطعتها على علبة بسكويت عااادية كرتون
كانت عندي
وبكده طلعت مضبوطة كأنها علبة
حقيقية بس بتتاكل طبعا
وبيبقى شكلها جديد وجميل باذن الله
المهم
تجيبي علبة بسكيت عندك وتقصي
كل جوانبها
بالمقص
وتجيبي كل قطعة قصيتيها من علبة البسكويت
وتحطيها قدامك وتحطي عليها ورقة زبدة
وتفردي عليها قطعة من عجينة السابليه
وتساوي جوانبها بالسكينة
عشان تبقى مقاس
الورقة اللي قصيتيها من علبة البسكويت بالضبط
وبس كده
تشيلي ورقة الزبدة
وعليها العجينة المفرودة
تحطيها في الصينية
وتحطيها في الثلااااااجة
من25 ل 30 دقيقة
لتبرررررد تماما
وتعملي نفس الحكاية مع كل جوانب العلبة
وبعدين تخبزيها عااااادي بالفرن
على حرارة هادية لمتوسطة
الى ان يكون لونها بيج فاااتح
وبعدها تخليها تبرد تمااااما
قبل ما ترفعيها من الصينية
عشان ما تتكسرش جوانب العلبة
و
تدهنيها بشكولاتة بيضا سايحة
تخليها زي ماهي عاااااادي جدا
المهم تلصقي جوانبها بشوكولاتة بيضا
سايحة
او شكولاتة سوداء
حسب ذوقك
ترمي عليها اشكال بالشكولاتة السايحة
انت وابداعك بقى
بسم الله ندخل في الصور
دي صورة لما لصقت جنب وااحد من العلبة
بالشكولاتة البيضا السايحة
ودي لما لصقت ثلاث جوانب بفضل الله
ودي لما خلصتها بفضل الله كلها
والوردة وورق الشجر اللي ملصوقين عالعلبة
دول قطعتهم بقطاعات صغيرة
من نفس عجينة السابليه
ولونت الوردة بشيكولاتة بيضا سايحة
متلونة بلون وردي
وورقة الشجر
غطستها بشيكولاتة بيضاء
وحطيت على وجهها جوز هند
متلون بلون اخضر
ولصقتها على العلبة عشان
يبقى شكلها حلو
ودي مش اساسي اطلااااااقا
ودي صورة لها من الجنب
ودي صورة لها من فووق
ودي مملوءة بالبتيفور
ودي وهي متغطية بس انا متوصية
كويس
ومليااااها للآخر
ههههه
ودي صورة لما مليت
العلبة
بالبسكويت المشكل
ودي صورة للبتيفور والبسكويت
في الطبق لما قدمتهم بفضل الله
تم بحمد الله
والف هنا وعافية على قلوبكم يااااارب
ويااارب يعجبكم
والله يعزكم ماتنسووووووش التقييييييم
في امان الله ورعايته اخواتي
يعطيك العافية على النقل المفيد والشهى