السلام عليكم ورحمة الله وبركاته ..~
شحالكن بنات
عساكن بخير
من امس وانا اقرااا كل المواضيع اللي ف المنتدى عن المعجنات والبيتزا و الفطاير
لاني دايما اسوي و ما تضبطت معاي العجينة و اليوم اصريت اني اسووويها
أخليكم مع الصور
قوولووا ما شاااء الله .. وتبارك الرحمن ..~
البيتزا
|
|
الفطاير بالحشوات المختلفة
/
/
واحينة راح اقولكم المقادير
اولا العجينة :
طحين لجميع الاستعمالات ( انا خليت الكمية حسب الاحتياج يعني نظري )
3 ملاعق حليب بودرة
3 ملااعق خميرة و ذووبتها باربع امثالها من الماء يعني لكل ملعقة خميرة 4 ملاعق ماء
1ونص ملعقة بيكنج باودر
بيضة
1ونص كوب ماء دافئ او بقدر الاحتياج يعني انتي شووفي العجينة
ملح
2 فنجان سكر
الطريقة :
اول شي نخلط الحليب البودرة مع البيكنج باودر و نصب عليهم الخميرة المذابة بالماء و بعدين الماء الدافئ طبعا بعد ما نضيف اي شي نخلطة بعدين نضيف اللي بعده
ونتم نخلط المكونات السابقة لين نحس ان الخليط اصبح متمازج ومخلوط عدل
بعدين نضيق كمية من الطحين لكن مب كثيرة يعني العجينة تبقى سايلة ونحرك لين يتمازح عدل و بعدين نضيف كمية ثانية و يصبح متماسك شووي ونضيف البيضة و نخلطه و يوم بنحس العجينة اصبحت ممتازة للعجن نضيف نص كوب زين و نعجنها بالايد وكل ما عجنتي اكثر كان احسن ^^ و نتركها ترتاح ع الاقل ساعه عشان تتخمر عدل
ملاحظة ** انا استخدمت هالعجينة للبيتزا و الفطاير ..~ وهالعجينة وصفتي ما خذتها من اي حد
حشوةبيتزا الخضار :
جبن موزريلا مبشور
بصل و ثوم و فلفل و طماط مطبوخ (( اول شي نحمر الثوم و البصل في زيت زيتون و معاهم الفلفل بعدين نضيف الطماط و الكزبرة ونتركه لين ينضج ))
زيتون اخضر مقطع
صلصة بيتزا
الطريقة
ندهن العجينة بالصلصلة بعدين نحط الطماط و البصل والثوم المطبوخ و بعدين زيتون اخضر و بعدين جبن موزريلا
حشوة بيتزا اللحم :
جبن موزريلا مبشور
زيتون اخضر مقطع
لحم مفروم " كيما "
بهارات
بصل مفروم
ثوم مفروم
كزبرة
ملح
طماط مقطع مكعبات
زيت زيتون
فلفل حار
معجون طماط
زيتون
الطريقة :
في مقلاة نحمر الثوم و الفلفل الحار و البصل ثم نضيف اللحم المفروم وننتظر حتى يبيض ثم نضيف الطماط و الكزبرة والبهارات و الملح و معجون الطماط و ندعه ينضج ..
وندهن العجينة بالصلصة ثم نضع اللحم اللي طبخناه و بعدين زيتون وبعدين جبن
حشوات الفطاير
الشطة :
طماط + بصل + ثوم + فلفل حار نخلطه في الخلااط بعدين نضعه ع النار حتى ينضج
الجبن
جبن ابيض بالزيت + جبن مثلثات + كزبرة + زيتون نخلطهم مع بعض وتكون الحشوة جاهزة
اللحم
في مقلاة نحمر الثوم و الفلفل الحار و البصل ثم نضيف اللحم المفروم وننتظر حتى يبيض ثم نضيف الطماط و الكزبرة والبهارات و الملح و معجون الطماط و ندعه ينضج ..
وبث ^^
يوم خلصت ما كلت منها لاني اسووي ريجيم خخخخخخخ بالعافية على اللي كلووها
السموووحه منكم
رايكم يهمني بليز لا تحرموني منه ..~
اكثر من رائع
يعطيكِ العافيه حبيبتي
وبانتظار المزيد من اكلاتك الروعه ما شاءالله
/
تسلمين ع المرور الطيب ..~
نورتي صفحتيه بردج ..~
تسلمين ^^
وبانتظار المزييييد
