سلام ياحلوات
باقولكم سالفتي مع مشغل لبنى الفاشل ومديرته الحرامية النصابة الله لايوفقها وعاملاته اللي ماعندهم اي خبره في مجال الصبغة جايبينهم يتعلمو ويتدربو على شعورنا الله ينتقم منهم اشر انتقام ..
سالفتي اني رحت لمشغل النصب والاحتيال مشغل لبنى في الرياض وكنت ابي اصبغ شعري للون فاتح بدرجات الثلجي وطبعا انا شعري قبل مصبوغ ومخصل لما طلبت منها تصبغ فاتح قالت ماينفع لازم سحب لون قلت لها طيب ابي لون يوحد لي لون شعري وجلست اوريها الصور اللي منزلتهم في جوالي عشان تختارلي لون يتوحد مع الخصل ومايحتاج سحب وانا لسى اوريها الصور لقيتها خالطة الخلطة وجايه خلاص يعني قررت اللون اللي باصبغه من نفسها ،، المهم قلت لها شوفي انا ابي اللون يكون متناسب وبطريقة او اخرى يغطي عالخصل واهم شي انه مايكون برتقالي ولامن درجات البرتقالي ولايقلب مع الاستحمام برتقالي قالت خلاص ،، لما غسلت شعري استغربت اللون موذاك الحلاوة قالت مع الاستشوار يبين واستشورت وانا ماني مقتنعه باللون قالت عادي اخصل لك قلت انا مابي الخصل اصلا المهم شكل مديرتهم حسبي الله عليها ونعم الوكيل تقول للعاملات اي وحده تخلص انفخوا راسها ان الصبغه والقصة روعه وكل مامريت من عند وحده قالت واااااااااااااااااااااااااااااااو شعرك يجنن كبرو راسي حتى موظفات الاستقبال بس يمدحو خلاص تقتنعي من كلامهم انو الشين زين وعاد انوار مشغلهم فاقعه تخلي شعرك يلمع ،، المهم رجعت البيت وشلت الطرحة وانا اللي انصدم من اللون والله قعدت ابكي برتقالي العاده لون شعري ومن تحت لونه على كستنائي والخصل صار لونها مقرف انجنيت قعدت ابكي والمشكلة انو بكرة وراي سفر واتصل عليهم وقلت لها المشكلة كامله قالت لي خلاص تعالي نعدل لك اللون قلت لها طيب يمكن اتاخر انا بكره وراي سفر قالت ماعليه تعالي لما ترجعي وجلست مايقارب 10 ايام وانا نفسيتي مثل الزفت من لون شعري حتى كل من شاف شعري قالولي ليه كذا دايم صبغاتك حلوة ليه هالمره موصابغه زين والكل يحسب اني صابغته في البيت لحالي اااااااااااااااااه يالقهر الله لايوفقهم بس ..
ومرت الايام ورحت لهم بليموزين ولما وصلت قالو روحي للمديرة رحت لها قال الحرامية حسبي الله عليها تقولي لازم تصبغين جذور وتدفعين فاتورة جديدة اقولها حرام عليكي كيف ادفع فاتورة جديدة وانا مالي 10 ايام صابغة وانا داقه عليكم وقلتلكم ان اللون سيء وابي اغيره من ثاني يوم من الصبغه قالت لا ادفعي عالاقل حق الجدذور اي جذور اللي بتطلع في 10 ايام قلت لها مالك دخل بالجذور اصبغيلي فوق هاللون بلون ثاني او تغمقه ،، قالت لا لازم تدفعي فاتوره واذا تبي تغيري اللون كامل لازم تدفعي صبغة شعر جديده ،،،،، 
الله لايوفقها بجاه هالوقت الفضيل قهرتني طيب ليه تقولولي تعالي وليه العامله تصبغلي لون انا ماابيه الله لايوفقهم والله اني دعيت عليهم بوجههم والحين انصحكم لاتصبغون عند هالمشغل الفاشل واي وحده تشوف المديرة السمينه السمراء وشعرها احمر تقولها البنت اللي كليتي حقها ورفضتي تعدليلها طلبها تدعي عليكي لين نهار والله ماني زعلانه على المبلغ كثر مازعلت على كذبهم وسرقتهم اللي عيني عينك الله لايوفقهم بس انتبهوا ابعدا كل البعد عن مشغل لبنى اللي في الرياض
والحين ابيكم تنقذوني ياخبيرات الصبغات ابي اوحد لون شعري في البيت وابيه بني ماادري ايش اخذ اي نوع واي درجه وايش اصبغ اول اللي تحت والا اللي فوق الخبيرات واللي يفهمو بالصبغه يفيدوني الله يسعدهم :00003265
ابي درجة هذا اللون
او هذه الدرجه
وابيكم تقولولي ابدا بايش الخصل والا الجذور لاني ابي اوحد اللون كامل مابي الخصل تبان نهائيا الله يوفق اي وحده بتردلي بس تكون خبرة في مجال الصبغات لاهنتو
الله يكون بعونك ,, حسبي الله على اللي ماعندهم ضمير ,, ماعليه يمهل ولايهمل ,, تجي لها مصيبه يوم من الأيام ,,
تخليها تذكرك وتذكر غيرك وتندم ,,,
ماعندي خلفيه بالصبغات ,,بس حاولي تنتظري شوي ,, ارحمي شعرك ,, اجلسي فتره ع الزيوت المغذيه ,,
حبيبتي انصحك انتضري شوي ع شعرك يرتاح من الصبغات كذا بتدمرينه دمر زياده
خففي شوي شهر ع الاقل مو مشكله تحملي ولا تعدمينه بكثره الصبغات
والله يقدمكل الي فيه الخير
والله يكون بعونك
تسلمون حبيباتي
اي اكيد انا ماراح اصبغ الحين باخليه للعيد باذن الله بس ابي اخذ فكرة عن الالوان والصبغات قبل عشان اقدر اقرر وان شاء الله خير