المندي بالصور روعة ولذيذ من مطبخي
المندي بالصور روعة ولذيذ من مطبخي
السلام عليكن ورحمة الله وبركاته غالياتي وردات رجيم كنت عازمة أهل زوجي عالفطور وعملت من بين الطبخات مندي
وقلت لحالي لصورلكن ياه وطبعا هي تاني مرة بكتب هالملف المرة الأولى بعد ماخلصت مابعرف كيف سكرت الصفحة
و والله كنت تعبانة فيها 
وهلأ عم عيدها يالله نشوف المندي من يدين الشيف دودي (أنا ) ههههههههههههه
المقادير:
رز كبسة حسب عدد الأشخاص تختاري الكمية
4حبات بندورة
4 حبات فليفلة
بصل
بهارات مندي و إكليل الجبل وزنجبيل مطحون
ثوم
اللحمة (انا حطيت دجاج ولك الحرية في الاختيار)نحطله زيت زيتون وخل وثوم مدقوق وبصلة مبشورة وبهارات المندي وننقعه فيهم وفليفلة حمراء
طريقة التحضير:
أول شي نجهز الدجاج نغسله وننقعه بالخلطة يلي ذكرتها فوق
ننقع الرز ونقطع البصل والبندورة والفليفلة قطع ناعمة وممكن تحطيها قطع كبيرة حسب انت ورغبتك غاليتي
نقسم الرز والفليفلة والبندورة والبصل ثلثين بثلث
الثلثين للخلطة الحمرا والثلث للخلطة البيضاء مشان يطلع المندي لونين و اذا بدك ياه لون واحد بس أحمر حطي كافة المقادير
نضع الزيت عالنار مع ثلثي البصل ومكعب الماجي ونقليهم
نضيف ثلثي الفليفلة
ثم ثلثي البندورة
ثم نضيف البهارات بهارات المندي والزنجبيل وإكليل الجبل
نتركهم عالنار حتى يغلوا ويمتصوا طعم البهارات
نضيف الرز والقرنفل والفلفل الحب بس انا ماحطيت فلفل حب لأن بيت عمي مابحبوه
نضيف الماء حسب مقدار الأرز ويكون الماء أعلى من الرز بسنتي واحد
ونطفي الغاز وننزل الطنجرة ونغطيها بورق قصدير بشكل جيد حتى لايتسرب البخار
نثقب طبق القصدير بالسكين ثقوب كثيرة ونضع الدجاج المنقوع بالخلطة فوق الطبق يلي ثقبناه
ملاحظة: نسكب الخليط يلي نقعنا الدجاج فيه فوق الدجاج حتى يتسرب من القصدير ويعطي طعم لذيذ ل المندي لا ترموه نصيحة
نغطي الدجاج بطبق قصدير آخر محكم الإغلاق ونضع الطنجرة في أسفل طبقة بالفرن وعلى نار سوبر هادية
بهالوقت رح نحضر ثلث الرز المتبقي
نقلي الثلث الباقي من كل من البصل والفليفلة والبندورة ونضيف الرز والماء ولا نضع أي نوع من البهارات او الماجي مشان يطلع لون الرز أبيض ناصع وبس يغلوا نغطي الطنجرة ونتركهم ينضجوا على نار هادية
بعد مضي ساعة نخرج الطنجرة من الفرن ونرفع طبق القصدير يلي فوق الدجاج ونشغل الفرن من فوق ونرجع الطنجرة قريبة من الطبقة العليا3دقايق ليتحمر الدجاج ونخرجها
نضع الدجاج على جنب مشان نصفه ع وجه المندي صار عنا خليطين
نخلطهم مع بعض
والفقرة المهمة يلي انا ماصورتها لأن صارو بيت عمي عندي وصرت اركض وما إلحق
تحطي فحمة عالغاز وتتركيها لتصير متل الجمرة
وتحطي بزبدية زيت زيتون مع م ك سمنة و م ك زبدة تسخنيهم بالمكرويف حتى يغلو
هلأ تحفري بين الرز لتنزلي الزبدية يلي فيها السمن والزيت وبس تجهز الفحمة تنزليها بالزبدية وتغطي الطنجرة فورا عالسريع قبل ماتطير الدخنة يلي بتطلع من الفحم وبعد 5 دقايق ترفعي غطا الطنجرة وتشيلي الفحمة وتسكبي الزيت يلي بالزبدية فوق المندي وتحركيهم
وأخيرا تسكبيهم بجاط وتحطي الدجاج واللوز عالوجه وألف صحة وعافية
طبعا أول ماجهز الجاط أخدوه بنات حمايي عالسفرة 
وصار زوجي يضحك عليي وقلي ياحرام ماصورتي المرحلة الأخيرة كيف بدك تنزلي الموضوع بالمنتدى ناقصه صورة
قمت رحت سكبت صحن وصورتلكن ياه
اعذروني استحيت قدام بيت عمي صور الجاط كامل
بتمنى بعد كل هالشغل تعجبكن بس والله عجبت بيت عمي
تقبلو حبي 
و ودي 
واحترامي
دامها منكـ فأكيد عجبتنا ..
يعطيكِ العافية سلمت يمناكِ
يمي يميييييي
ييييي مررة روووعة ربي يعطيك العاااافية يااااعسسل
لاخلا ولاعدم يالغلا
رفع الله قدرك ومنزلتك في الدنيا والآخرة
وحقق فيما يرضيه آمالك وجعلكِ من أهله وخاصته
الله يسعدك
عوافي على قلبكم
وتسلم الايادي يارب
تستحق الاعجاب والتقيم
الف شكر
يعطيكِ العافية سلمت يمناكِ
يمي يميييييي
ييييي مررة روووعة ربي يعطيك العاااافية يااااعسسل
