الكشرى المصرى بالصور
الكشرى المصرى بالصور
طبعا الكل عارف ان الكشرى المصرى من احلى الوجبات واسهله وغنى كمان لانة فى كذانوع المكرونة وارز وشعرية وطماطم وبصل وعدس وثوم وحمص نادرلمانلاقى طبق غنى بكل الحاجات دىوطبعا كل محلات الكشرى بنحبها مش كدة بس طبعا اكل البيت اضمن واصح
كفاية رغى باة ونخش فى الموضوع
المقادير:
ربع كيلو عدس بجبة
2كوب ارز
نصف كوب شعرية
نصف كيلو طماطم
معلقتين صلصة
بصلتين
6فصوص توم
زيت
كيس مكرونة صغيرة اواسباجتى
الطريقة:
1-ننقى العدس وننقعة ياريت يكون طول الليل ونصحى الصبح نغلية لحد مايستوىمش قوى عشان هنسوى تانى مع الرز وبعد كدة نصفية ومانرميش المية بتاعتة لاننا هنستخدمها فى الرز
2-نعمل رز بالشعرية عادى خالص بس بدل الماية نحط مية العدس ونحط كمان العدس معاها ويطبخ عادى
3-نسلق المكرونة ونصفيها ونغسلها سالمية الباردة
4-نخرط البصل والتوم ونشوحة ونضرب الطماطم فى الخلاط ونسيبها تغلى لحد ماتتسبك ونحط ملح وفلفل وشطة
5-نخرط البصل شرايح ونقلى فىطاسة وياريت تكون تيفال وشوية زيت صغيرين وفى نصف تسويتة نرش علية ملح عشان يقرمش هى دى التكة
6-نسيت اقول انة لمانحمر البصل الى هيتحط على الوش ناخد الزيت الى هيتبقى منة ونعمل بية الرز والشعرية بيغير الطعم وبيبقى احلى بكتير
نيجى باة للدقة انا بعملها كدة
توم مفروم- وشويةخل -وفلفل-وشطة- وكمون وشوية ماية ونقلب ودى المفروض تتعمل اول حاجة وتتحط فى التلاحة وتطلع قبل الاكل بشوية عشان الخلطةتاخد طعم بعضهاودى الصورة بس معلشى البصل اتحرق منى
وماكنش عندى حمص
وبالهنا والشفا
كشرى مصرى بالصور
كشرى مصرى بالصور
تسلم اديكي حبيبتي
شكله كتير طيب
وتسلم ايدينك ياقمر
وماننحرم جديدك المميز
