مرحبا بيكم في الجزائر ومرحبا بيكم في العرس الجزائري
نبدو عرسنا بالزغاريد اللي تملا العرس
يويويويويويويويويويويويويويويويووووووووووووووووي
نعرف نزغرد ؟؟؟
بنات في الجزائر تختلف قليلا العادات من الشرق للغرب للوسط من خلال مراسيم الزفاف و غيره وانا اليوم راح احكيلكم على عرس الشرق الجزائري
ككل البلدان العربية في مشروع الخطبة وفي حالة القبول المسبق للعروسة يروحو الحريم
يعني النساء يشوفو العروسة 
ويروحو بس النساء الاقربون للعريس و الكبار يعني مش كل الاخوات ولا الصغار يعني جلسة رسمية وعالضيق جدا
يعني ام العريس والاخت الكبرى و العمة وزوجة العم والجدة يعني المهم مايكثروش
بدات المصاريف 
ياخذو معاهم الحلو والورد 
ويومين بعد او اسبوع يروحو الرجال اللي هم والد العريس و اعمامو و اخوالو والعريس
طبعا طبعا هو اهم عنصر في الحكاية كلها ههههههه
يتفاهمو الرجال على قراءة الفاتحة في الموعد الفلاني او اذا مافيش فاتحة بس يحددو يوم تلبيس الخاتم
يتفاهمو على موعد العرس اذا ممكن اذا كان العريس جاهز
ويتفاهمو على الشرط اللي هو المهر
يجي اليوم تاع لبس الخاتم
نعملو حفلة اقل شوية من العرس يعني المعازيم مش بعدد كبير ما شاء الله
فيها الحلو والتورتة والخاتم والهدايا للعروس والرقص بين النساء يعني الرجال مالهمش عوزة في هذا اليوم الا توصيل زوجاتهم لبيت العروس
وتلبس العروس الخاتم فيه اللي يلبسهولها خطيبها شخصيا والصراحة انا ضد هذه الفكرة
وفيه اللي ام العريس هي اللي تلبس العروس الخاتم
يبدا التجهيز للعرس يعني ايام قليلة قبل الموعد
الصراحة مش كل الاعراس تقام في الصالات الا اللي ساكنين في بيت ضيق يعني مايكفيش زحمة العرس يعملوه في صالة
يتم صنع الحلويات فترة وجيزة قبل العرس ليتم ترتيبهم في علب صغيرة خاصة للمعازيم
عادة نصنح البقلاوة والمقروط هاذو اثنين اجباريين ونزيدو ممكن 3 انواع او اكثر من الحلويات الاخرى
ونجهز صررصغيرة بالاورجانزا فيها الحلوى و المكسرات للمعازيم
ويوم قبل ليلة الحنة يعني الثلاثاء اهل العريس يجيبو الخروف المسكين ونسموه كبش العقد
هذا ويزيد اهل العروس يذبحو خروف او 2 المهم على حسب عدد المعازيم
وهذا كان اليوم الاخير اللي توقف فيه العروس جلسات التجميل و تنظيف الوجه وصبغ الشعر و الخصلات العناية بالظافر وكلو
لانها حضرتها شهر قبل العرس تبدا تعتني بنفسها بطريقة خيالية
المهم جا نهار الحنة والعقد يوم الاربعاء
قبل الظهر ممكن بساعتين يجو الرجال من اهل العريس و من اهل العروس يعملو العقد الشرعي بحضور الامام
وبمجرد ختم الفاتحة يمتلي البيت بالزغاريد …الله يفرح كل بنت فعلا هذيك اللحظات تقشعر لها الجسم من الفرحة و البهجة اللي ما يتوصفو
وفي الخارج يتقلب الشارع بصوت البارود اللي يهز انفس الحاضرين الكل وخاصة نفس ام العروس
انا يوم فرحي خربلي المكياج من كثرت ما شفت ماما تبكي من فرحتها مامسكتش روحي خلاص
ويحضرو النساء الغداء اللي بدا تجهيزو منذ 2 صباحا
الغداء هو شوربة الفريك اللذيذة
الكسكسي الطبق الرسمي اللي لا يمكن الاستغناء عليه خاصة تاع العرس يجنن يجنن
والسلطة المشوية الحارة امممممممممم تجنن
وطبق الدولمة و الزيتون الاخضر رووووووووووعة 
وكاين اللي يعمل البوراك
والطاجين الحلو يعني مرق يطهو باللحم لكن حلو فيه الفواكه الجافة
والله يابنات رجعتوني ليوم زفافي بس الصراحة ما اكلتش كثير يعني ماتمتعتش بالاطباق الحلوة عارفين بيقولو العروس ماتاكل من فرحتها
المهم زائد الفواكه حسب الموسم و المشروبات
وخلاص يروح الرجال خلصت مهمتهم
وتبدا حفلة النسوان 
تقدم القهوة و الشاي مع الحلويات 
والرقص مايتوقفش
ثم الحليب مع اكلة تقليدية تقدم في علب صغيرة اسمها الزراوي
وبعدين يجي وقت العشاء و هو نفس الاصناف اللي في الغداء
وجا وقت الحنة 
العروس تلبس احلى لبسة تقليدية واغلاها بصراحة وفي كامل زينتها ما شاء الله عليها
ويجو اهل العريس من النسوة,,تقوم ام العريس بعمل الحنة في ايد العروس اللي جابتها في القفة مع مستلزماتها
يلبسوها حاجة الحنة وهي من ذهب ممكن تكون اساور و عقد ممكن تكون طقم كامل و ممكن تكون حزام ذهبي وهذه اغلى حاجة على حسب ماتختار العروس من قبل
هذا الحزام
ويهدو لها الكسوة
عبارة عن حقائب فيها ملابس و عطور و مكياج و احذية و شنط ولوازم الاستحمام واخره
وتستمر السهرة
وفي صباح الخميس او حتى للمساء نهار الكورتيج يعني تروح العروس لبيت العدل
تجهز السيارات و تزين سيارة العروس
وتخرج العروس من بيت ابوها وهذه الصراحة اصعب لحظة 
المهم تركب العروس وبجانبيها اختها و اخت العريس 
وطول الطريق يزمرووووووووووووو و فيه اطلاق البارود …ويتجولو بيها في كل انحاء المدينة قبل مايوصلوها لبيت زوجها
وتوصل على بيت زوجها
هناك يكون العرس قائم عندهم وتعمل التصديرة وهي عبارة عن تبديل ملابس تكون خليط من التقليدي والعصري تلبس الباس التقليدي لكل مناطق الجزائر من الفرقاني الي الوهراني الي القبايلي و الجبادور المغربي وممكن لباس من هندي وخليجي والكراكو والقفطان وايضا لباس عطري للسهرات وكل هذا العروس تلبسوا والكل يتمتع بالتفرج على جمالها وجمال اختيارها
مافي داعي اكملكم الباقي في بيت الزوج ههههههههههههه
وفي الصباح نسموه الصباحية ,,,تروح ام العروس لبنتها تطمن عليها ممكن اكلتها حماتها ههههههه
تاخذ معاها صينية البقلاوة و حلو اخر وخلاص
والمساكين اللي بقو في البيت عاملين حملة نظافة واعادة ترتيب
زي المثل ,,,العروس للعريس و الجري للمتاعيس ههههههههه
وبعد اسبوع نعملو السابع,,,عزيمة عالضيق للاهل و العروس
وخلاص …ان شاء الله عجبكم عرسنا في الجزائر
والله يفرح كل بنت ويرزقها الرجل الصالح
نستنى ردودكم ياحلوين واذا عجبكم العرس لا تنسو التقييم
بارك الله فيك حبوبتي
واحلي تقييييم مني لك
بارك الله فيك حبوبتي
واحلي تقييييم مني لك
تسلميلي سوسو
الله يبارك فيك ويفرحك وتعرسي للبنات
يعطيك الصحة…ردك فرحني و عطر الموضوع
والطقوس جميلة و فيها احترام بالغ ينم عن اخلاقي رفيعة لهذا البلد العظيم
الله يعطيك العافية …..والله يديم الافراح بكل مكان
ضحكتيني
شكرا لكي على الموضووووووووع وعلى العرس الجميل
والله رجعتيني لايام عرسي ايام لا تنسى جننت فيها الجميع بطلباتي لكن انا عكسك في عرسي اكلت لكن قبل السفر مع زوجي عملت مسبح بالدموع لفراقي لجدي ولابي على وجه الخصوص
تستاهلي احلى وسام واحلى تقييم اموورتي