ازيكم يا بنوتــاتي يا حبايب قلبي
انا بقالي كتيير اوي مش عملت مواضيع
فا قلت لازم لازم اما اعمل موضوع يكوون مفيد للبناتيت
المهم كدة و باختصار و من غير رغي امبارح
التيتشر بتاعت الرسم دخلتلنا و قالتلنا كلام بجد
انا مش قادرة اصدق سبحان الله قدرة ربنا ملهاش مثيل
شرحتلنا حاجات ( اينعم ملهاش علاقة بالرسم ) بس
بجد اول ما عرفتها عرفت معني الاية ( و خلقناه في احسن تقويم )
و معدتش هقوول شكلي وحش ولا ليه مناخيري عاملة كدة ولا بقي
و مش هقوول ليه شعري مش اشقر وووووووو و الكلام الكتير اللي
بنسمعة دة ……… تعالي كدة اعملي كووووووول حاجة هقولكــ
عليها بالظبط اقفي كدة و حطي ايدك جمبك هتلاقي جسمك متقسم
لاجزاء الجزء الاول : هوا الوش …… الجزء التاني تقريبا بيبدأ من
الدقن لحد تحت الصدر …….. الجزء التالت : من تحت الصدر
لحد الفخدين …… و الجزء التالت : من الفخدين لحد الركبة ……
الجزء الخامس من الركبة للنهاية الرحل ( طيب ما احنا عارفين ايه الجديد ؟؟ )
اقلك انا لما حطيتي ايدك جمبك هتلاقي ان كوعك بالظبط جمب الجزء التاني
و معصمك بالظبط جمب الجزء التالت ( طب و باقي ايدي )
هتفردي ايدك و تحطيه على و شك من اول دقنك هتلاقي ايدك بتوصل
لحد بداية شعرك ( صح ؟؟؟ ) طيب هنعمل ايه تاني ؟؟؟؟؟
خليكي واقفة مستقيمة و اقفلي ايدك و افردي دراعك علي وسطك
هتلاقي ان دراعك من اول كوعك لحد المعصم قد وسطك ( تخيلي !!!! )
طب نيجي بقى للبنات اللي بيقفوا ادام المرايا و يعدوا يقولو
ليه حواجبي مش زي حواجب صحبتي و لا ليه ربنا خلقني كدة
انتي ربنا مخلقكيش كدة و خلاص لو دققتي في وشك
هتلاقي ان عينك دي مينسبهاش غير حواجبك اللي ربنا خلقهالك
و مناخيرك دي مينسبهاش غير عينك دي و بقك ماينسيبهوش غير
مناخيرك الكبيرة دي , ( ماشي طب ليه شعري مش اشقر زي صحبتي ؟؟ )
بصي يا ستي ربنا معملش لون شعرنا كدة و خلاص ….. لأ دة
ربنا عارف ايه اللون اللي يناسب لون بشرتك …. يمكن
نااو مش هتلاقيهم لايقين على بعض ( طب اشمعني ؟؟ )
علشان اكيد اسمريتي و مش زي اول ما اتولدتي صح ؟؟؟؟
انا عارفة اني رغيت كتير بس كنت عاوزة اوريكو
قدرة ربنا قد ايه و نتامل خلقه مع بعض و نحمد ربنا
و منحاولش اننا نغير في شكلنا لأن دة انسب
حاجة ليكي مش بس علشان اقلد الممثلات
و امشي ورا الموضة يبقى اغير في خلقة ربنا
امشي ورا الموضة مقلناش حاجة بس الموضة
اللي تليق عليكي مش نبقى بنقلد و خلاص
يارب ما تكونوش زهقتو مني و اتكونو استفدتو
من كل اللي انا قلتو
الناس دايما كده
لا حول وال قوة الا بالله العلي العظيم
بجد شكرا اختي على الموضوع
جزاكي الله خيرا
الناس دايما كده
لا حول وال قوة الا بالله العلي العظيم
بجد شكرا اختي على الموضوع
جزاكي الله خيرا
طبعا ربنا مش خلق حاجه عبس ولا من غير قيمه ربنا خلق لكل حاجه الي بيناسبها
واحنا لازم نرضى بالي ربنا قسمه لينا ونحمد ربنا على كل شئ
طرح جميل اوي يا حبيبتي
شكرا لكي~
بارك الله فيكى ياغالية
ومبروك الوسام
اناكنت بقول كدة الاول بس اقنعت نفسى ان ربنا عز وجل مبيخلقش حد وحش وفعلا
تسلمى ياجوجو وفرحت اوى لماعرفت ان اسمك على اسمى
مشكوووووووورة على الموضوع