صحيح هوه الطبق متواضع ولكن بمناسبة عودة الغاليه هوني حبيت اعزمكم على طبق الكوسا المحشي
من مطبخي المتواضع
المقادير
5ك كوسا متوسط 2 ونصف كاس ارز مصري منقوع نصف ك لحمه هبره عجل مفرومه سن خشن
ملح فلفل اسود هيل مطحون ناعم بودرة الثوم قليل من زيت الذره رب البندوره
الطريقه
نغسل الكوسا جيدا جيدا مع ازالة العقب والراس
نحفر الكوسا بواسطة محفرة الكوسا اللي كلنا بنعرفها
نجهز الحشوه بالمقادير اللي ذكرتها سابقا
نحشي حبات الكوسا ونضعها في طنجره مناسبه
نضيف الماء للطنجره ويكون الماء غامر الكوسا وذلك ليسهل علينا ازالة الزفره
اللي رح تتكون على سطح الكوسا وهاي خطوه مهمه لان الزفره بتنزع اي طبخه
ولما تغلي غلوتين وبعد ازالة الزفره بنتخلص من نصف كمية الماء لانها ما بتعود تلزمنا
وبعد هيك بنضيف الملح والماجي ورب البندوره ورشة بودرة ثوم بسيطه
وبنخليها على نار هاديه لحتى تنضج
والجميع بيعرف الكوسا لما بيكون ناضج
وصحتين والف عافيه يا غاليات
هلا بتتفضلو على الشاي
وما رح تروحو لحتى تشربو القهوه وتحلو من البسوسه اللذيذه من تحت دياتي
هممممممممم شكلها شهى جداااااااااااااااااااا
يسلملنا زوقك وكرمك
ماشالله عليك وايت روز
شكل المحشى رائع جدااااااا
تسلمى ويعطيك العافيه