كلمات تمزق القلوب
كلمات تمزق القلوب
لا عزاء و لا رثاء..
لا اهااااات و لا بكاء..
مشاعر دفينة تتصارع داخل كل قلب ينبض..
تصرخ من الاعماااااااااااااااق..
ابنى……….ابنتى………..
اخى……اختى…………ربما ابن جارتى……….
اطفال فى عمر الزهور..اُغتيلت….
بيد الاهمال و التقصير..
قدر الله نافذ لا محالة…
لكنها نفوسنا الضعيفة…
اااااااااااااااااه… على قلب كل أم فقدت طفلها..
صبر و ايمان بقضاء الله…
هنيئا لهم بالرضا و الاحتساب..
*****
هى كلمات اوجعتنى بعدما حدث من كارثة اصطدام قطار باتوبيس مدرسة ازهرية ابتدائية..
لا يهم من السبب…….انها زهور تمزقت بين الحطام…اطفال ما بين 7 و 12 ربيعا..
و هى كل سنواتهم فى الحياة..
كلمات مزقتنى..ابكتنى…
كلمات ربما كان يقولها طفل ليواسى
امه الثكلى…يحاول ان يمسح دموعها..
بعد فراقها دون ميعاد..لكنها زادت الالام
متعيطيش بقى … مانتى الى صحتينى …
وقومت الصبح بدرى … لبست وفطرتينى …
وانتى الى بسرعه برضو … بوستينى وحضنتينى …
كان نفسى احضنك اكتر … وانتى الى استعجلتينى …
قولتيلى يالا بسرعه … ومش عايزة تأخرينى …
خدنى الاتوبيس وروحت … لمطرح ما يودينى …
اتارى فاضل ثوانى … وتخلص خلاص سنينى …
ياخسارة بقى كان نفسى .. تيجى وتودعينى …
كان نفسى افضل جنبك لحد ما تشوفينى …
كبير ياامى وحاجه انفع انا بيها دينى …
فى الازهر اتعلمت وايات ربى تنجينى …
فى الجنه ياامى عايش بلعب ويا زميلى …
ما هو برضو جه معايا مرضيش يخلينى …
هلعب معاه ياامى لحد ماانتى تجينى ..
بعد عمر طويل وساعتها هتلاعبينى …
والى هيجبلى حقى ربى الى حامينى …
والدة احد ضحايا قطاراسيوط :
قال لى الصبح متزعليش منى يا ماما مش هعمل كده تانى وراح ومش هيعمل اى حاجة تانى
يلا يا محمد الباص قرب ييجي ، مش كل يوم تتعبني معاك فى اللبس كده.
– حاضر يا ماما ، خلاص لبست أهو !! عملتي لي
سندوتشات اللانشون زي ما قلت لك.
– ايوه يا لمض … عملتها ، إخلص بقى .
– خلاص أهو و الله !!
" صوت كلاكس الباص "
– أهو الباص جه أهو … شهل بقى ، ليمشي و يسيبك .
يخطف محمد حقيبته و يجري نحو الباب ، فتجذبه أمه اليها و تحتضنه قائلة :
– كده أهو … تنزل من غير بوسة ماما ؟؟
يقبلها محمد و يغيب فى حضنها لثوان ثم ينطلق ….
و لا تدري المسكينة أنها ُقبلته ……..الأخيرة !!
ليه بدلت هدومى يا بابا
ليه الجينز بقى كتان
هو صحيح انا مت يا بابا
وبقيت ماضى وذكرى كمان
يعنى الضحكه الحلوه بتاعتى
وصورة العيد راحوا للنسيان
طب ايه ذنبى
عملت انا ايه
ليه تعيش امى فى الاحزان
فين مدرستى
فين كراستى
فين الرسمه والالوان
ليه مريلتى بلونها الاصفر
غيرتوها بالاكفان
طب والواجب
عربى ودين
حساب وعلوم
كله انا عمله
مين هيصحح واجبى كمان
رد يا بابا
صحيح انا ميت
والا انا نايم علشان تعبان
بين عشرات القصص وحكايات الآباء والأمهات المكلومين الذين فقدوا أبناءهم فى حادث منفلوط، مأساتان من نوع خاص؛ الأولى لأب فقد 5 من عائلته، وآخر فقد أبناءه الثلاثة.
فى موقع الحادث، كان الأب، الذى فقد 3 من أطفاله؛ أحمد ومحمد ومحمود، يردد :
«سيبت شنطتك فين يا محمود، أنا يابنى لميت شنط إخواتك لسه بتاعتك يا ضنايا». كان الأهالى من حوله يذرفون الدموع صامتين، لم يجرؤ أحد على تهدئته، كان يواجههم كلما حاولوا بعصبية بالغة، بينما يواصل النداء:
«يا أحمد يا محمد شنطة أخوكم محمود فين؟»، وانحنى مجدداً على بقعة دماء ليمسحها بكفه، فتدخل أحد أقاربه واحتضنه: «وحّد الله». وأمام مستشفى منفلوط، قالت زوجته وهى تتأمله: «العيال اتأخروا جوه يا أشرف»، فضمها إلى صدره: «لسه شنطة الواد محمود، طول عمره كان مهمل كده، بس كان قايللى إنه هيبقى شاطر عشان أجيب له عجلة فى نص السنة».
ااااااااااااااااااااااااااااااااااااااه يا قلبيي…..
أماه لاتبكي كفى أحزان
أنا ذاهب لحبيبي الآن
أماه لاتبكي..أقرأي القرءان
ستجدي صبرا في كل أية من الرحمن
أماه سأفتح لكي الباب يوما فرحان
ستضميني وتسعدي وكلك إيمان
أماه اللون الأخضر يناديني ..أماه أنا فرحان 🙂
أماه ..انا الأول وسأظل الأول كما كان
عدتكـ يوما أن أنجح وأكتب أسمي بالريحان
أماه أنا الأول..سبقتك إلى الجنان
أماه هنا رحمة وهنا نور وأمان
هنا ورد وهنا بحر وهنا كل أحلامي سكان
أماه سأناجي ربي وسأذكرك دوما فرحان
أماه أصبري,,لاتجزعي ماعهدتك سوى جلدة في الأحزان
أماه لاتبكي..دموعكـ تقطعني ..تمزقني شتان
أماه لاتنسى كل صباح تقرأي القرءان
أقرئي أبي السلام وبلغيه ماعدت أكسر زجاج الجيران
وأني هنا ألعب وأمرح ..الحدائق هنا أطنان
وودعي أختى الصغرى وقولي لها أحبك ياحنان
أمي أقرئي غرفتي السلام ولاتنسي تروي زهرة الريحان
أمي في الرف العلوي كنت أخبئ بعض الحلوى إنها لكـ ِ الآن
وفي زاوية المنزل كشكولي القديم ..عذرا مزقته قبل الآوان
أماه لاتبكي..كفى أحزان
سأقرأ جدتي منكـ السلام واجلس في أحضانها أسمع البلبل والكروان
كثيرا ماحدثتيني عن الجنة وأنا أراها الآن
أمي هنا عطر أشهى..ووجوه أحلى ..ولكن وجهك هو التنور الرنان
أماه عديني ان لاتبكي كلما ضاق بـ الوجدان
ذهول خيبة امل ضياع عدم آمان
ووراء كل مصيبة نجد الاهمال
اى هوان
اى كلام لن يخفف عن ام ثكلى فقدت فلذة كبدها
فقدت من كانت تبنى عليه الاحلام
لايبقى بهذى الاوقات العصيبة غير باب الرحمن
والتمسك بالأيمان
وعزائنا انهم ارواح بريئة اغتيلت بيد الاهمال
عزائنا انهم بجنة الرحمن
كان الله بعون الامهات والهمهم الصبر والسوان
وكتب الله لك اجر هذه الحروف التي تلامس القلوب
كجبل احد حسنات
اللهم اجرهم في مصيبتهم واخلف عليهم بالخير
ولك احترامي وتقديري ومعهم تقيمي
انا لله وانا اليه راجعون
اللهم اجرنا في مصيبتنا واخلف لنا خير منها
انا لله وانا اليه راجعون
اسال الله العظيم ان يلهم امهاتهم واباءهم الصبر والسلوان وان يكونوا لهم شفعاء يوم القيامة