شاورمة اللحمة اللذيذة بالصور من مطبخى
شاورمة اللحمة اللذيذة بالصور من مطبخى
شاورمة اللحمة اللذيذة بالصور من مطبخى
ازيكوا ياحلوين اية اخباركوا و كل سنة وانتم طيبين ورمضان كريم عاملين اية فى الصيام والحر الى احنا فية والوقفة فى المطبخ حاجة جميلة مش كدة
حبيت اجيب ليكوا طريقة سهلة للشاورمة اللحمة فى رمضان مابتاخدش وقت يعنى تعرفوا تتفرغوا للعبادة بدل تضيع الوقت فى المطبخ والاكلات الصعبة وفى نفس الوقت مشغلة القران وبسمع وانا فى المطبخ يلا نباة اقول الطريقة عشان تلحقوا تعملوها قبل الفطار
1-نصف كيلو لحمة وقطعيها شرايح رفيعة
2-بصلتين
3-فلفل اخضر حوالى 3او4
4-طماطم ىعنى 3او 4 صغيرة
5- خل وليمون
6-بقدونس مفروم
7-بهارات لحمة وفلفل اسمر وملح وقرفة
وداشكلها قبل التقديم
http://up.rjeem.com/uploads/13440914751.jpg
1- 3اكواب دقيق
2-معلقة كبيرة خميرة بيرة مع معلقة سكر صغيرة ونخمرها بماءدافى وفى كوب صغير وبعدماتخمر هتلاقوها طلعت لاخر الكوباية يباة كدةخلاص خمرت
3- بيضة
4- ذرة ملح
5-زيت
6- ماء للعجن حوالى كوب اونصف كوب على حسب العجينة
1- نقطع البصل تقطيع صغير ونحطة هووالخل وعصير ليمون والبهارات والفلفل مع بعض ونقلبهم وعلى النار بشوية مياةوعلى النار لحد نصف ماتستوى ونحط الملح عشان ماتاخدش وقت فى التسوية اذاحطينا الملح من الاول
2-نقطع الطماطم والفلفل والبقدونس قطع صغيرة اوشرايح ونحطة عليها بعد ماتستوى ونسيبها شوية وبعدين نقدمها لان هى دى الشاورة لازم الخضار يتحط فى الاخر عشان ريحة الفلفل والبقدونس ماتروحش
نيجى باة للعيش يعنى حسب رغبتكوا:
1- نعجن الدقيق معا الخميرة الى خمرناها مع الملح مع البيضة بالماء لحد ماتتبقى العجينة متماسكة وبعدين نسيبها تخمر حوالى ربع ساعة
3- نجيب طاسة تيفال ونحط عليها شوية زيت صغيرين ونبتدى نحط العيش ونقلب وهكذا لحد مانخلص الكميىة الى عندنا
ودا باة شكلة
وطبعا باة ماننساش جنبها سلطة الطحينة:
معلقتين طحينة
علبة زبادى
خل ليمون وملح وفافل
وفص توم مدقوق
ونقلب وهيطلع دة شكلها
واوعوا تنسوا اهم حاجة البطاطس المقلية المقرمشةوالشيبسى العائلى كمان وخلى بالكم هنقطع البطاطس قبل القلى بنص ساعه نحط عليها شوية ملح ونغسلها تانى عشان ماتبقاش فيها ملح كتير ونقليها ودة شكلها بس انتو عارفين الصيام نسيتها على النار بس لحقتها والحمد لله
الحمد لله لحقت اصور الاكل قبل مايختفى
جربوا باة وادعولى وبالهنا والشفاو
شاورمة اللحمة اللذيذة بالصور من مطبخى
شاورمة اللحمة اللذيذة بالصور من مطبخى
شاورمة اللحمة اللذيذة بالصور من مطبخى
تقبلى تقييمى حبيبتى
انا بحب الشاورماااااااااااااا كثير
يلا راح اجي لعندك منشان شاركك بالاكل
ههههههههههههه
ان شاء الله صحتين وهنااااااااااا على قلوبكم
أحلى تقييم لعيونك
تسلم ايدك شكلو كتير شهي
يارب يوفقك حبيبتي ويبلغك مرادك