السلام عليكم حبيباتي وصديقاتي الباحثات عن كلمه ماما
عندي صديقه لي واحبها من الاعماق فهي اختي في الله
اليوم والحمد لله وضعت مولودها الاول بعد 10 سنوات زواج
وعن جد من فرحتي ماعارفه اكتب شو ولا شو
المهم صديقتي كانت تعاني من انو البوبضات عندها كان حجمها صغير جدا وكانت تاخد حبوب
وابر وكميه من الادويه دهبت لجميع اجناس الاطباء وماخلت مكان ماراحت ليه
وطبعا كل دكتور يقول ليها ارمي العلاج داك واستخدمي علاجي دا ودا مضمون تبدا معاهو وتم سنه واتنين ومن غير نتيجه
واخر واحد كتب ليها حقن في الصره (تقول عاضيها كلب) زهجت وياست
وقبل سنتين قالت تاني ماحا اتروح لي اي طبيب وحاتقعد كدا وخلاص
وبدات تقنع في زوجها انو يتزوج قال ليها نتبني طفل رفضت قالت ليهو كلام الناس مابريح
المهم راح اجازه السودان وخطب وقعده 45 يوم في السودان
وهي ال45 يوم دول كانت بتصلي اوقاته الخمسه في الحرم وبتدعي لي ربنا انها تحمل
ومن الهم الشايلاهو لمن سمعت انو زوجها اقتنع وحايتزوج نزلت من وزنها قرابه 20 كيلو في ال45 يوم دول لمن شفتها في رمضان بالرغم من حملها ماعرفتها من الرشاقه
والحرمه مهما تكون موافقه انو زوجها يتزوج لمن يجي وقت الجد مابترضي
سبحان الله حبيباتي سنتين ونص ما راحت لي طبيب —-بعد جي زوجها من العطله حكي ليها بانو خطب طبعا هو كلمه بالتلفون بس وجه لوجه حااااااااااااااره بس شو حاتعمل ادهورت صحته وبقت كل يوم مريضه زوجها قال ليها لو الخطوبه عملت فيك كدا العرس بقتلك
وكانت تبكي وقاليله روحه حاتموت وطبعا الدوره غايبه هي حامل وماعارفه ومفتكراها زي زمان اضطرابات
لمن تمت 5 شهور قال ليها زوجها نمشي لي مستوصف عادي يدوك حبوب تنزل الدوره عشان من كتره عدم نزوله بطنك كبرت وبقت محجره
وافقت وراحت الطبيبه قالت ليها دا حمل قالت ليها لا مافي حمل انا عادي بتغيب مني بالشهور
قالت ليها اعملي الترا سوان وتعالي
دخلت الغرفه وسمعت نبض الجنين وبدل مايغمي عليها اغمي علي زوجها وهي بقت ميته من الضحك عليهو
وامس في الفجر والحمد لله شرفتنا احلي صبيه وسمينها امنيه
من فرحتي حبيت تشاركوني فرحتي مع ام امنيه
وبتمني لاي واحده نفسها في طفل ربي مايحرمه منو قولو اميييييييييييييييين يارب العالمين
رحمة ربنا واسعة ..
وفوق كل ذي علم عليم .. ومهما حاول الاطباء ما راح يعاندون حكمة الله سبحانه وتعالى ..
الف مبروك لصديقتك يا ام روان .. وياريت توصلي لها تبريكاتنا وتهانينا بالمولودة الجديدة وعقبال ما تآخيها ان شاء الله
دمت بكل الود
رحمة ربنا واسعة ..
وفوق كل ذي علم عليم .. ومهما حاول الاطباء ما راح يعاندون حكمة الله سبحانه وتعالى ..
الف مبروك لصديقتك يا ام روان .. وياريت توصلي لها تبريكاتنا وتهانينا بالمولودة الجديدة وعقبال ما تآخيها ان شاء الله
دمت بكل الود
فعلا حبيبتي ربنا لمن يريد بيقول لشي كن فيكون
سبحان الله الواهب العاطي
ربي يبارك فيك وفي بناتك يارب
ونبارك ليك اخوهم يارب
شكرا علي روحك الطيبه يجزيك ربي الجنه يارب
مرورك افرحني
وربي يسعدها ويوفقها يارب
الله يفرحها ويفرح كل البنات بالحمل يارب
جززيتي خير حبيبتي علي الموضوع المتميز ومبروك الوسام
بسم الله ما شاء الله تبارك الله و الله ابكيتنى بكاء
يا ام روان ربنا يسامحك
تاثرت جدا سبحانك يا رب 
ربنا يا رب يبارك فيها و يرزقهم برها و يرزقهم اطفال تانيين يا رب و يسعدهم بذريتهم
