كلنا بنحب بشرتنا تبقى صافية ونضرة وانا شخصيا مش مهم عندى لونا اية اد ما هوا مهم الصفاء والنضارة المووووووووووووووهم ندخل بقى على الموضوع ونتكلم بشكل عملى كدة حبة.
العناية الاسبوعية ثلات مراحل لكل مرحلة اهميتها
1-التقشير: كلنا نعرف ان خلايا الجلد تتجدد باستمرار وتقوم بأنتاج خلايا جديده وعلشان نسمح لهذة الخلايا الجديد بالظهور على السطح المفروض اننا نقوم بالتخلص من خلايا الجلد القديمة الباهتة باستمرار حتى نتجنب شكل الوجه الباهت المتعب وعلشان كدة هنقوم بعملية تقشير لخلايا الجلد الخارجية الميتة علشان نسمح للخلايا الجديد بالظهور والتنفس وهنحتاج علشان العملية دى الى القليل من زيت الزيتون الطبيعى
ثانيا سكر ويفضل سكر خشن
تقومى بدهان الوجه بزيت الزيتون ثم تقومى بعمل تدليك للوجه بواسطه السكر وبحركات دائرية وبطلف حتى لا تتسببى فى التهاب الوجه وهذا التدليك يستمر لمدة خمس دقائق تقريبا والتدليك بيكون بالطريقة دى
بعدها نقوم بغسل الوجه ثم دهانة ببياض البيض بالنسبة للبشرة الدهنية وبصفار البيض بالنسبة للبشرة الجافة ونسيبة لمده ثلث ساعة وبعدين نغسلة بماء فاتر ثم ماء بارد
وبكدة نكون انتهينا من مرحلة التقشير والموضوع دة هنقوم بية اسبوعيا فى يوم محدد ونقوم بتنفذها فى نفس اليوم من الاسبوع التالى لية؟ علشان البشرة تتعود على روتين معين المفروض تطبيقة بانتظام علشان تحصلى على افضل النتائج
2-التنظيف العميق:بعد ان انتهينا من مرحلة التقشير تحتاج البشرة الان الى تنظيف عميق لازالة الدهون والرؤس السوداء والاوساخ الى فى المسام والموضوع دة مهم جدا لاعداد البشرة علشان العناية اليومية والحصول على اكبر فائدة من الماسك اليومى المستخدم فى العناية بالبشرة وفى المرحلة دي نستخدم ماسك من الطين المغربى او الطين الاسوانى ودة من عند اى عطار هذا الطين بيبقى على شكل اجزاء متحجرة بتقومى بطحنها او يمكنك ان تشتريه مطحون جاهز
ومقادير الماسك عبارة عن ملعقتين صغيرتين من الطين مع شوية من الحليب علشان تحصلى على عجينة مناسبة يسهل فردها على الوجه ويترك لمدة ربع ساعة ثم يغسل بالماء وبهذا نكون انتهينا من التنظيف العميق للبشرة ونيجى للمرحلة الاخيرة .
-تغذية البشرة:نيجى دلوقتى للخطوة الاخيرة ودى مرحلة تغذية البشرة هتحتاج البشرة اسبوعيا الى استخدام ماسك مغذى علشان تحافظ على نضارتها وبياضها ولمعانها و علشان تحفذ الخلايا على التجدد وهذا الماسك المستخدم ايضا جميع مكوناته طبيعية ويتكون من معلقتين زبادى ويفضل منتهى الصلاحية
معلقة عسل نحل طبيعى
معلقتين مبشورين من الخيار
وهذا الماسك يعتبر غنى بالعناصر المغذية الطبيعية اللتى تحتاجها البشرة و الخيار بيحافظ على نضارة البشرة ونسبة الرطوبة فيها و الماسك دة يوضع لمدة ساعة ثم يغسل بالماء.
وبذلك نكون انتهينا من جميع المراحل العناية الاسبوعية مع ملاحظة مهمة هى ضرورة تحديد يوم معين فى الاسبوع لكل مرحلة وتكراره فى نفس اليوم من الاسبوع التانى لان زى ماقلنا لابد من مرعاة الروتين لان البشرة بتكيف نفسها وتجديدها على اساس الروتين دة
وبس خلاص وياريت تكونو استفادتو معايا زى ما بستفيد انا كمان
لو عجبكو الموضوع ممكن تقيموة علشان نستفيد
ولو لاء يبقى عاوزة دعوة حلوة بظهر الغيب يا بنات
ومستنية الردود يا قمرات المنتدى
