Spa C .A.R.E ღ♥ღ♥ Facial Time",~ღ♥ 2024.

صبآح / مسآء
الخير ~

اليووووم بشارككم بعنايتي بـ بشرتي طبعا العناية الاسبوعية السباااااااه {يعني الدلع والدلال }

أهم شيء الإستمرار فـ العناية

MySkinCare

نوع بشرتي مختلطة مائلة للـ الجافة

بشرتي صافية والحمدلله بس ساعات يطلعون لي حبوب مضيعيييييين العنوان خخخخخ

ما ابي اسووووولف واااااايد خل اندش في الموضوع

اول شي ننظف البشرة باي غسول عندج بلي وجهج بقليل من ماء وحطي الغسول وفركي الوجة والرقبة لمدة 2- 3 دقائق واغسلي وجهج بماء فاتر ونشفية بالفوطة بحركة الطبطبة مثل ما قلت لكم في موضوع الدش اليومي

غسولي العزيييييييز من جفنشي عبارة عن غسول كريم

ثانيا نقشر البشرة تقشييييييير اسبوعي يعني نوزع المقشر على الوجه والرقبة بالكامل ونتركة دقيقة الى دقيقتين ونبدا بالفرك طبعا من تحت الى فوق وبحركات دائرية لمدة 5 الى 7 دقائق بالكثيير , ونغسله بالماء الفاتر وانشف وجهي بالفوطة

المقشر من St.lves ممتااااااااااااااز حبيباته خشنة للاستخدام الاسبوعي يناسب كل انواع البشرة وخالي من الزيووت

نستخدم قطنة ونضع فيها التونر ونمسح الوجه والرقبة بعد الغسل والتقشير

الغسول من جفينشي – القطن من سيفورا ناااااااعم على البشرة ومايتناثر القطن مثل بعض المنتجات

بعدها نجيييييييب مكينة بخار او جدر فية ماء حار شغلي المكينة على وجهج او حطي فوطة على راسج وغطي راسج مع الجدر من10 -15 دقيقة لتتفتح المسامات وتقدرين تظيفين اي زيوت طبيعية خاصة للبشرة او ماء الورد

وأهم نوعين البابونج أو أوراق الريحان سواء الناشفة أو الخضرا

وبعدها يجي دووووور الماسكاااااات نجي حق الاهم

قبل كل شي نجببب الاغراض

شاش مفتوح من صوب العينين والشفاه – فرشاه لتوزيع الماسك – سفنجة لازاله االماسك – فرشاة لعمل سنفرة خفيفة – قطن للوجة

ماسك الخيار والبطاطس

الكل يعرف الخيار والبطاطس شنو فائدتهم حق العيووون

نحتاااااج : –

خيار – بطاطا – ماء ورد

المهم نغلي البطاطا لين تصييييير لينه ونهرسها ونقطع الخيار شرايح ونضيف لهم مائ ورد ونحطهم بالخلاط

بعديييييييين نحط الخليييط على قطنة { نعمس القطنة عدل في الخلييط } ونتركة على العيون من 10 -15 دقيقة

نحصل على نتيجة بعد فترة من الاستعمال المنتظم يعني مو سيدة نلاقي النتييييييييجة نقدر نستخدم هالماسك للعيون 3 مرات في الاسيوع عااااادي

ماسك الخيار للعيون والبشرة

نحتااااااااج : –

خيار – فيتامين E – ماء ورد

نقطع الخيار ونضيف عليه ماء ورد و3 حبات من فيتامين E في الخلاط الكهربائي لين يستوي عجين

نخض اخليط ونحطة في شاش ونعصر الماء منه واحطة االخيار الجاف تحت ونحط القطن ونصب الخلييييييط على القطن حطووة في زجاجة فاطية وخلوة في الثلاجة واستخدمة يوميا

احطه على العيون من 5- 10 دقائق

اما للبشرة نمسح القطنة على الوجة كاامل من اسفل الى اعلى قبل النوم و نامي فيه واول ما تقومي من النوم حطية مرة ثانية ولا تغسلي وجهك الين ما تتحممي

هذا الماسك يفتح وينعم ويورد البشرة خصوصا منطقة العينين

مااااسك الافوكادو

نحتاااااج : –

افوكادووو , زبادي , عسل , بياض بيضة

فوائد الافوكادو

مفيد أيضاً لتنقية البشرة وتغذيتها، ومن خصائصه انه مضادة للجراثيم ، كذلك فأنه يزودها بالفيتامينات والزيوت الجيدة ، والعناصر المغذية الأخرى ، فتصبح أكثر حيوية ونضارة .

نخلط المكونات زيييييييين ما زييييييين خخخخخخخخخ ويترك على الوجه بس هذا الماسك يحتاج حق شااااش يوضع على الوجة ساعملي فتحات عند العينين والشفايف ووزعية فوق الشااااش نتركة ما بين 15-30 دقيقة

هذي يشد البشرة ويعطيييييييها نعومة وبيااض ويجدد الخلايا ويعني يخليييييييييها نيووووو

B
R
B

B
A
C
K

نكمل الماسكات~

ماسك الشاي الأخضر – الابيض

الشاي الأخضر يحتوي على مركبات البوليفينول وهاي تخلي الشاي مضاد قوي للتأكسد

فوائد الشاي الأخضر للبشرة واقي من أشعة الشمس الضارة وَ يعالج حروق الشمس , يقي من سرطان الجلد , يجدد خلايا البشره و يزيد من مرونة وشدَ البشره و يقاوم التجاعيد , مضاد للكتيريا ، يمنع ظهور حبوب الشباب او يقل ظهورها بشكل تدريجي, يفتح لون البشرة .

نحتاااااج : –

روب كامل الدسم , كيس شاي أخضر / شاي أبيض. كل ما زادت كمية الروب حطي كيس ثاني

نخلطه زين ، وَ نغطيه وَ نخليه ينقع نصف ساعه الى ساعة , والافضل نخليه ليلة كاملة ونحطة على الوجه من 15 – 30 ساعة ونغسله بماء فاتر

قولو لي شنو تحسوون { انه عن نفسي اول ما احطة احس ببرودة في وجهي وانتعااااااش يا عييييني على الانتعااش }

الماسك ينقى وينعش ويشد البشرة , يفتح لون البشره .

يناااااسب كل انواع البشرة وبالاخص البشرة الكبيرة بالعمر يعني من 30 وفووووق

يمكن اضافة اي مكون اذا انتو حابين

ماسك الاسبرين وَ العسل

الماسك مفيد حق يعانون من الحبوب الملتهبه و المحمره , ويخفف آثار حبوب الشباب أو الكلف أو التصبغات ومع المداومه راح يفتح لون البشرة وَ تتخلصون من البقع .

نحتاااااج: –

3 حبات اسبريين الغير مشمع , مقدار بسيط جداً من العسل الأصلي , قطرات ماء لتذويب الاسبرين

قطروا فوق كل حبة قطرة ماء ونفتت الحبوب كما في الصورة ونضيف قليل جدا من العسل ربع ملعقة صغيرة وتخلطينهم ليما راح يتشكلك معجون بسهوله

نحط الماسك على البشرة ونبتعد عن العينين ونتركة 10-15 دقائق بس نبلل اليديل ونفرك الوجه فرك خفيف نفس لين بنسوي سكراب بتحسون انه لاصق بالوجه بس معليه عادي وبعدين غسلو

وجهكم بالماء الفاترواللي يعانون من الحبوب لا يفركون مجرد يغسلونه لأن راح تلتهب الحبوب و يعدي المناطق السليمه .

يستخدم مرة الى مرتين في لاسبوع

يناسب كل انواع البشرة وبالاخص الدهنية لان يقلل الدحون ويقلل الحبوب وينعم ويفتح البشرة

للبشرة الجافة ينصح انكم تضيفون عليه شوي زبادي شويه بس عشان ما تجف البشرة زيادة

هذي فوطتي الخاااااااااصة خخخخخ

واخر شي نستخدم مرطب للبشرة بعد الفييييييشل

St.lves واااااااااااايد يعجبني خصوصا انه من مكوناته الكولاجييييين وفوائد الكولاجين للبشرة انه يقاوم الشيخوخة وحتى التجاعيد الصغيره يمنعها ويعالج البشره من اي تجاعيد ظاهره ويمنع ظهورها