صبااااااااااااااح الخير يا بنات النهارده انا رايحه لدكتور الريجيم اللى بتابع عنده يعنى النهارده الفرى بتاعى وقولت لنفسى اعمل اكلير لذيذ عشان لما ارجع ابقى اكل حاجه حلوه وقولت لنفسى اصفى نيتى وانزلها لكل البنات عشان يستفادوا منها لعل تنجح معايا وحصل فعلا الحمد لله المهم ندخل فى الموضوع
1/2لتر ماء
200ج زيت
رشة ملح +وعلقه كبيره سكر
7بيضات(6 بيضات من وسط لكبير+واحده تكون صغيره)
400ج دقيق
فانيليا
الطريقه:
نحط الماء على النار يغلى ومعاه الزيت ورشه الملح والسكر وبعد مايغلو ننزل بالدقيق مره واحده ونقلب وهما على النار بسرعه لمده دقتين لحد لما الدقيق يلم معاكى ويسيب حواف الحله
(معلش الخطوه ديه مصورتهاش اصلى كنت لسه مصفتش نيتى هههههههههه)
ونشليها من النار ونحطها فى طبق بلاستيك غويط :
ونسيبها تبرد او نشغل عليها مضرب البيض لحد مايخرج منها البخار زى ما انا عملت وده شكلها:
بعد كده نبدا ننزل بالبيض بيضه بيضه لحد لما العجينه تشرب البيضه ننزل باللى بعدها وماننساش الفانيليا وده شكلها بعد ما خلصت كمية البيض كلها بتبقى عجينه لينه ومصفره من البيض:
بعد كده نبدا نملاها فى كيس حلوانى وقصيت الطرف بتاعه على حسب حجم الاكلير اللى انتى عايزاه وبدئت اقطع الاكلير فى صاج على ورق زبده او مدهون ومرشوش دقيق:
وندلخ فرن يكون مسخن من قبل كده على 180 درجه المهم نسيبه لمده 35 دقيقه المهم مانفتحش عليه الفرن انا بكرر مانفتحش عليه الفرن ولما تخلص ال35 دقيقه هتلاقوه من تحت احمر ولو كان لسه من فوق محمرش نشغل الشوايه ونقفل تحت يارب تكونو فهمين لان هو ده اللى بيخلى الاكلير ينجح ويبقى مقرمش من برده ومفرغ من جوه
ده شكله وهو بينفش فى الفرن :
وده لما خرج من الفرن وانا فتحت لكم واحده عشان تشوفوها وهى مفرغه من جوه:
نسيبه بقى يبرد ونبدا فى الحشوه نحط نص ك لبن على النار يغلو:
ونكون مدوبين 3 معالق كبيره نشا:
لما اللبن يغلى ننزل بالنشا عليه ونقلب بالمضرب اليدوى ونحط علىهم معلقه كبيره مليانه نسكر ولما يمسكو مع بعض نقفل النار ونحط الفانيليا وطبعا ممكن تبقى الحشوه كسترد او كريم شانتيه اللى انتم عاوزينه:
نيجى بقى للشيكولاته نكون حطينها على حمام مائى تسيح ونحط عليها معلقه عسل نحل ومعلقه زبده او زيت عشان تلمع او نسيبها زى ماهى اللى تحبوه:
نبدا بقى نملى كيس حلوانى بالمهلبيه بعد ما بردت حالص ونعمل فتحه اعلى الاكلير من فوق وندخل فيه اللبلبه بتاعة كيس الحلوانى ونبدا نحشى :
وبحد كده نغطسهم فى الشكولاته وده شكلها:
وده الشكل النهائى :
وطبعا لاحظتو ان فيه واحده ناقصه (اصلى مقدرتش اصبر لحد لما اروح للدكتور)ههههههه
ويااااااااااااارب يكون الاكلير بتاعى عجبكم وتكونو استفادتم منه
فى امان الله
جميلة اوي
تسلم ايدك
واحلي تقييم لك
ان شاء الله اجربه
بارك الله فيك
وكلامك عسل ووصفاتك روعه
تسلم ايدك ياقمر
وشكرا على الشرح التمام
مع اني حسيتك بتكشي فينا
بس برضو مخفناش وحنعمل اكلير على طريقتك
هههههههههههههه
بس انتي كده دحكتي على الدكتور رايحه توزني وبعد الميزان تاكلي
هههههههههههههههه
الحمدلله انك صفيتي نيتك
هههههههههههههه
بقول ايه انافتحه يوميات في الرجيم ماتيجي تشتركي معانا
نكسب قمر زيك اصلي ناويه نيه خالصه لله ابقى صحبتك
سمعاكي بتقولي هو بالعافيه ايوه بالعافيه
ههههههههههههههههههههه
لابجد اتمنى تشتركي معانا
وتسلم الايادي ياقمر
ما شاء الله
أنا أول مرة أعرف الإكلير
منورة القسم يا طافي
تقييمي لكِ.