كل عام وأنتم بخير حبيباتى
دلوقتى احنا فى موسم البلح
علشان كده أنا عملت مربة بلح وحبيت أنزلها لكم
ويارب تعجبكم
نبتدى بسم الله الرحمن الرحيم
المقادير
2 ك بلح سمان
1ك سكر ابيض عادى
الطريقة
هتقشرى البلح وتفصصيه يعنى تشيلى منه النوا
بعد ماتعملى كده ال2 ك هيبصفوا على كيلو
وتحطيه فى حلة وتحطى عليه الكيلو سكر
وتسيبيه ليلة كاملة عشان ينزل ميته
والصبح تحطية علي نار هادية وتغطيه
وتعصرى عليه نص ليمونة
و حطيى عليه 3 حبات قرنفل بيعطية ريحة حلوة
هتلاقى لونه عمال يبقى غامق
لغاية ماتحسى انه خلاص استوا ع الاخر
هيبقى لونها بنى غامق
وبعدها تجيبى الخلاط اليدوى وتضربيه فى الحلة وتحطيه فى برطمانات
ولو معندكيش خلاط يدوى اضربيه فى الخلاط العادى
وده الشكل النهائى
أنتي مبدعة بحق.. وأنا والله بموت في البلح والتمر جدا وححاول أعلمها بعون الله..
تقبلي تقييمي ياقمر
أنتي مبدعة بحق.. وأنا والله بموت في البلح والتمر جدا وححاول أعلمها بعون الله..
ويشرفنى أنا طبعا وجودك فى موضوعى
الأبداع هو عنوان منتداكم الجميل ده
والأبداع هو ردك فى موضوعى
جزاك الله خير ياقلب
وجربيها هتعجبك جدااااااااااااااا
تقبلي تقييمي ياقمر
تسلمى ياعمرى على كلامك الرقراق
اللى أدخل على فلبى السعادة والفرحة
وجزاك الله خير على الوسام
وكل سنة والقمر طيب