السلام عليكم ورحمة الله وبركاته
أحبائي أعضاء منتدى رجيم . . .
طبعا هذا اول موضوع لي في القسم هذا . . . حبيت أكتب يومياتي لأني بجد تعبت مع وزني كثير
طبعا انا وزني 73 وطولي 143 انا مشكلتي ان الدورة عندي مو منتظمه يعني ما تجي الا بالحبوب
قعدت يمكن سنه وهي ما تجي فخفت كثير ورحت الدكتورة قالت لازم ينزل وزنك عشان تقدر تنتظم
الدورة . . وقتها يعني قبل 8 شهور كان وزني 88 والحمدلله نزلت وخسيت شوي وفرحت المهم
انتظر الدورة تنتظم كمان ما انتظمت معاي . . . طبعا قالت الدكتورة لو تبغين تتزوجين ما راح تحملين بسرعه يعني بتقعدين سنين على بالي ما تحملين . . طبعا انا مو متزوجه حاليا فالشاغل
الوحيد اللي في بالي ان الدورة تنتظم وخلاص مع ان جسمي حاليا تمام . . رحت للدكتورة قالت لازم
منطقة البطن تنحف على الاخر فحاولت تكرارا بس المشكله ان معاي القولون العصبي وتنتفخ بطني
على طوووول يعني لو ما اكلت في يوم تصير بطني عادي ولكن يوم اكل من برا على طووول تنتفخ
وتضرني شديد واروح المستشفى واخذ ابره وعلى هالحال الين كرهت الاكل من برا كله عشان
القولون . . . طبعا انا قبل اسبوعين سمعت عن بذرة الكتان واخذتها واكلتها لكن صار يجيني الم
في خاصرتي واسفل بطني . . فتركتها . . حاليا اشرب قبل الوجبه (( يانسون _ شمر _ كمون )
وبقولكم شيء عن الكمون الكمون مره فادني بشكل فظيع وخاصة منطقة البطن يعني حاليا صار لي
ثلاث ايام منتظمه عليه :
وراح اتركم مع يومياتي :
بعد ما طفشت الملابس مني صرت اسوي جدول باللاب توي اكتب فيه كل شيء اكله
وبعد سويت جدول ثاني للايام اللي سويت رياضه فيه
وكتبت بالنوته وزني ومقاس الخصر والبطن مع الارداف :
في 21/ 6 / 1445 = كان خصري 82 طبعا اقيسه بالمتر العادي
و بطني مع الارداف كان 106
في 28 / 6/ 1445 = كان خصري 82 ما تغير بس حسيت براحه
وبطني مع الارداف 102
الحمدلله لما اكتب عن وزني ارتاح شوي لكن المشكله وين حاليا ان نفسيتي تعبت وصرت
مالي نفس بالاكل نهائيا كله بسبب لما اجلس بين خواتي يقولون لي انتي دباااا دباااا فتعبت النفسيه
فحطيت قرار قدم عيني قلت لازم اخس يعني لازم اخس وانا بديت من أمس الموافق 8/7/1430
وحاليا وزني 73 ولكن اللي مضايقني الارداف والبطن 
بس انا عند عزيمه
وراح امشي على رجيم معين طبعا مافي بالي اي شيء راح اسوي رجيم الصوم هذا افضل شيء
لاني لما كان وزني 88 سويت رجيم الصوم صرت اصوم يومين او ثلاث وافطر باليوم اللي بعده
وهكذا وبعدين صرت اسوي اكلي بنفسي وما اكل الرز والحلويات والشاي بدون سكر او سكر قليل
وان شاء الله راح اطلعكم على اخر المستجدات بس ابغاكم تشجعوني يا بنات ولي رجعه بأذن الله
خالص تحياتي واحترامي لكم .
ربنا معاكي بنت السهاري ويارب تخسي وكل شئ يبقي تمام
ليش تصومين بدون فطوور مايجوز لازم تفطريين 🙁
الله ينحفك بصحه وعافيه
الله يقويك
وزنك اشوف زايد بالنسبه لطوولك
يعني حااولي توصلين 52 كيلو ع الاقل
وتأكدي ان الرشاقه والصحه تستااهل التعب
السلام عليكم
انا مب مع نظام الصوم , لان جسمك ما راح يكون عنده طاقة يحرق الدهون , و لا راح تقدري تعملي رياضة و بتكوني تعبانة طول الوقت , يعني اختاري نظام صحي فيه ثلاث وجبات صحية في اليوم , و بالتوفيق ان شاء الله
جو جو الله يعطيك الف عافيه يارب على المرور امين يارب أخس
خالص تحياتي واحترامي