منيو اليوم مع روشانا

السلام عليكم

النهارده يا جماعه قررت اعملكم لكم منيو ليوم كامل من مطبخى

تعالوو نشوف منيو النهارده ايه

الافطار :

توست بالبسطرمه وعصير جوافه باللبن

نبدء بالتوست

تعالو اتفضلو

توست البسطرمه من اكتر السندويتشات اللى بيحبها كل الناس انا عملتها تعالو شوفوها

المكونات:

توست

بسطرمه وجبن جوده او كوره

بفرد التوست واحط عليه شرايح الجبنه

بحط عليها شرايح البسطرمه

بحط طبقة التوست التانيه وادهنها بالزبده

بحطها فى التوسترماشين

بشغل الجهاز واسيبه يضغط السندويتش

وبفتح ابص عليه اشوفه

وده الشكل النهائى للسندويتش

عصير الجوافه باللبن

مكوناته:

جوافه ولبن

بقطع الجوافه بالنص واشيل البذر اللى فيها بالشكل ده

وبحلى اللبن يعنى باحط فيه سكر واقلبه كويس

وبحط الجوافه واللبن مع بعض فى الخلاط او العصاره واشغله وفى الاخر بيطلع احلى مشروب

دلوقتى وصلنا لوجبه الغدا
وهى عباره عن دجاج محشى خضروات وسلطة حمص
نبدء بالدجاج
المكونات:
بسله وجزر وبطاطس ودجاجه 2 كيلو
الطريقه:
بحط البسله والجزر المقطع قطع صغيره بحجم حبة البسله وبصله مفرومه و2 ملعقه سمن على النار
واقلبه شويه وبعدين باضيف الملح والفلفل والبهارات اللى بحبها زى القرفه والقرنفل المطحون
لحد ما يبدء الخضار يستوى ازود قطعالبطاطس الصغيره لانالبطاطس بتاخد سوى اقل من البسله والجزر واقلبه شويه قليله

باطفى النار واحشى الدجاجه بالخضار ده واحط الباقى فى الصينيه

بزود نص كوب ماء عليهم واخطيهم بالفويل واحطهم فى الفرن لمده 1ن دقائق بعدها اشيل الفويل واسيب الصينيه تكمل سوى وتتحمر فى الفرن وده شكلها بعد ما خرجت من الفرن

وده الخضار فى الدجاجه استوى جدا

وده طبق لفرد واحد

سلطة الحمص

المقادير:

كوب حمص جاف +4ملاعق مايونيز +4ملاعق طحينه +ربع كوب عصير ليمون +معلقة ملح صغيره + علبة زبادى

الطريقه :
بنقع الحمص لمدة سا عتين وبعدها بسلقه واصفيه

بحط الحمص مع كل المقادير اللى عندى فى الخلاط واطحنهم كويس وبعدين بحطه فى الاطباق ويتقدم

دلوقت بى ميعاد العشا

وهو عباره عن سندويتشات هوت ودج

انا عامله سندويتشات هوت دوج يا بقى تعالو نتعشى سوا يلالالالالالالالالالالالالا

المقادير:

هوت دوج وكاتشاب ومسترد ومايونيز بس بصراحه انا خلص من عندى المايونيز

واكيد طبعا العيش الفينو الجامد اوى

الطريقه:

بسخن ماء وملح واول ما يغلى احط الهوت دوج لمده 5 دقايق بس

بشيله من الماء واسخن شوية زيت مش كتير واحط الهوت دوج واقلبه تقلبتين كده

بفتح العيش من فوق بس واسيبه مقفول من الجوانب كده

بحط فيه الكاتشب بالشكل ده

وده شكله لما حطيت الكاتشب

وبعدين احط المسترد والمايونيز لو فيه

بدخل الهوت دوج من فوق بالشكل ده

وده الشكل النهائى للساندويتش

وده وقت الحلو وهو عباره عن

كيك اشكال

انا هاعملكم النهارده حاجه من اختراعى بس بجد تحححححححححححححححفه وجربوه وهتصدقونى

يلا بينا

المقادير:

كيك يكون عندك من فتره بدل ما ترميه هنعمل منه حاجه جديده حلوه

صوص شيكولاته وهاقلكم بنعمله ازاى

كريم شانتيه وباردو هاقلكم بنعمله ازاى

الطريقه:

اولا نقول طريقة صوص الشيكولاته هنجيب 2 معلقه كاكاو بودره بس محلى يعنى مسكر

نص كوب لبن واضيف معلقتين الكاكاو على نص كوب اللبن

وادوبه خالص واحط نص معلقة زبده فى طاسه على النارواول ما تسيح احط عليها الصوص اللى دوبته فى اللبن واهدى النارواقلبه لحد ما يزيد او يتماسك قوامهواسيه يبرد وكده بيكون جاهز