السلام عليكم ورحمة الله وبركاته
جزاكن الله كل خير حبيباتي
نفسي في طريقة جميلة ومميزة لعمل الفطير المشلتت المصري
وعمل القرص المعروفة في الارياف اللي بتكون بالزبدة وهي غير المعروفة في المدن واللي بتكون بالزيت
يارب الاقي عندكم طريقة حلوة
ومشكوورات يا قمرات 
السلام عليكم ورحمة الله وبركاته
معقوله مافيش اخت تعرف الطريقة
والله بجد خذلتوني
كنت عاملة حسابي اعمل فطير النهاردة
خير ان شاء الله
لعله خير
السلام عليكم ورحمة الله وبركاته عزيزتي بحثلك علي الطريقه ونشالله تستفادي منها عفوا علي التأخير
طريقة عمل الفطير المشلتت
المقادير:
-كيلو دقيق –
-نصف كيلو سمن سايح –
-ماء دافئ للعجن –
-ملعقه صغيره ملح –
-حوالي نصف كوب زيت ذره لمسح وفرد العجين .
الطريقة:
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفرد بالنشابه و نتركها ساعه لترتاح ..
ندعك العجينه مرة أخري ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه ليسهل فردها ..
وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و شفافه جداونمطها من الحواف ونضعها في صينية الخبز ونرشها بالسمن ونفرد قطعه أخري ونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مره نرش السمن.. ثم نطوي الأركان الأربعه للفطيره للداخل . فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه..
في صينية الخبز نفرد الفطيره باليد ونبططها بشكل مستدير
نخبز في فرن ساخن علي درجة400في الرف الأوسط حوالي نصف ساعة ثم نخرجهاوندهن الوجه بالكريمه اللباني (القشده ) ونعيدها لتحمير الوجه
تؤكل مع الجبنه وعسل النحل والقشده والبيض المسلوق وبالهنا
ممكن خلط السمنه بزيت ذره لتكون فطيره قليلة الدسم
هذه الصور
شـكــ وبارك الله فيك ـــرا لك … لك مني أجمل تحية .
جوري طريقتك جميلة واكيد طعمه زي شكله جميل
بس عاوزة اضيف معلومة احنا عندنا في مصر بيعملوه بالزيت بس والسمنة بتترش عليه لما يخرج من الفرن وهو سخن وبتكون سمنة بلدي
وممكن تضيفي عليه عسل وهو سخن وبيعملوه في الفرن ال فيه المروحة علشان يوزع الحرارة كويس وماتنشفش الفطيرة معاكي
الحمد لله بعد تجارب كتير عرفت اعمله زي بتاع السوق واسهل
العجينة بتبقى دقيق وماء وملح صح ونجاح العجينة بيعتمد علي نوع الدقيق احنا عندنا بنقول عليه دقيق فيه عرق يعني بيمط معاكي
وكمان علي مدة العجن يعني لازم ينعجن كويس قوي
وبقطع العجينة علي حجم الفطيرة ال عاوزاها اسيبها تستريح وبعدين افردها بالزيت كويس حجم كبير قوي
بعدها المها من الجناب بطريقة الطوي وباتجاه النص حتة حتة لغاية ما تبقى كورة معايا
اسيبها تستريح في صنية شوية وبعدين افردها في الصنية على حجمها هنا بأى مابيظهرش الشكل الاسطواني الموجود عندك في الفطيرة وبتبقى طبقات من الداخل برده
تدهن باقشطة وتدخل فرن سخن5 دقايق وتولعي الشواية وتوطيها لو كان فرنك كبير زيي وتسبيها لحد ماتحمر من فوق
ولو صغير هتعلي النار قوي من تحت علشان الفطير لا ياخد وقت في السوا
اول مايخرج تضيفي السمنة للنكهة وحسب رغبتك وتغطيه حتى يستهدا وبالهنا
يارب اكون افدتكم
ملحوظة ال بينشف الفطير درجة حرارة الفرن مش قلة السمنة فيه وعن تجربة
تسلمون حبيباتي جوري الإسلام 80 و قمر الزمان2 للتوضيح وبارك الله بيكن …
شـكــ وبارك الله فيك ـــرا لك … لك مني أجمل تحية .