مكرونة بالبشاميل من مطبخى بالصور
مكرونة بالبشاميل من مطبخى بالصور
انهرده عملت مكرونة بالبشاميل بصراحة مكرونة عطر الفل شهتنى عليها انهرده
حبيت اصورها وتكون اول موضوع ليا من مطبخى فى قسم المطبخ
المقادير
تقريبا ك الا ربع مكرونة
لتر لبن
ملح وفلفل
كبد وقوانص
بيضه
جبنة موزريلا
بشاميل جاهز
بصله وفصين توم
الطريقة
الاول جهزت الكبد والقوانص نضفتهم كويس وقطعتهم وشوحتهم على النار ببصل وفصين توم صغيرين ممكن تحطى بودرة توم شوحتهم بزيت عشان متبقاش تقيله
جهزت البشاميل باللبن والبشاميل الجاهز
سلقت المكرونة وصفيتها
بعدين جزء من المكرونة عليه جزء من البشاميل والكبدة والقوانص وباقى المكرونة والبشاميل
دخلتها الفرن ع الهادى خالص وقبل ما تحمر حطيت جبنه موزريلا
وقدمتها مع فراخ سلقتها وبعد ما بردت دهنتها بمعلقه صلصه وشويه زيت كريستال ودخلتها الفرن تاخد وش
معلش الفرخه عندها عيب خلقى بس بجد طعمها جميل
تسلمى حبيبتى ممكن تعملى لو نفسك فيها دايت وربنا عينك ع الرجيم
منورة يا قلبى
تسلمى يا عبير الزهور ويسلملى مرورك الحلو ميرسى يا قمر انتى ع الوسام